2015թ. սեպտեմբերի 30-ին ԵՊՀ Իջևանի մասնաճյուղում տեղի ունեցավ հանդիպում Տավուշի թեմի առաջնորդ Բագրատ եպիսկոսպոս Գալստյանի հետ:  

Հանդիպմանը մասնակցում էին ԵՊՀ Իջևանի մասնաճյուղի տնօրեն Ս.Առաքելյանը, Տեր Սիմեոն քահանա Առաքելյանը, մասնաճյուղի «Տավուշ» ռազմահայրենասիրական ակումբի անդամները: 

Հանդիպման նպատակը բուհում հոգևոր զրույց-քննարկում անցկացնելն էր:

Քննարկման թեման էր «Հայ եկեղեցու առաքելության իրականացման ուղիները»:

Տավուշի թեմի առաջնորդ Բագրատ եպիսկոսպոս Գալստյանի կողմից ներկայացվեցին Հայ եկեղեցու առաքելության գաղափարական հիմնադրույթները, տեսական նյութն ամրապնդելու նպատակով բերվեցին համապատասխան օրինակներ Աստվածաշնչից, հայ մատենագրությունից, պատմագրությունից, Գրիգոր Նարեկացու «Մատեան ողբերգութեան» երկից, դասի թեման կապվեց ժամանակակից կյանքի երևույթների հետ:

Բանախոսը պատասխանեց մասնակիցների ուղղած հարցերին. ծավալվեց հետաքրքիր քննարկում:

Կիրառական արվեստի ֆակուլտետում ընթանում են 2015-16 ուստարվա առաջին կիսամյակի ուսումնական պլաններով նախատեսված դաս-պլեներներ` «Գծանկարչություն» և «Գունանկարչություն» առարկաներից:

Մասնակցում են ֆակուլտետի բոլոր կուրսերի ուսանողները:

Դաս-պլեներներն անցկացվում են Իջևանի «Մայր Հայաստան» հուշահամալիրի, դենդրոպարկի տարածքում, քաղաքի այլ գեղատեսիլ վայրերում, Հովքի լճի, Գոշավանքի շրջակայքում:

Պլեներների անցկացման հիմնական նպատակն է ուսանողների գունատեսության, յուղաներկով աշխատելու գործնական հմտությունների ու կարողությունների զարգացումը բնության գրկում:

2015թ. սեպտեմբերի 25-ին ԵՊՀ Իջևանի մասնաճյուղի մարզադահլիճում տեղի ունեցավ վոլեյբոլի մասնաճյուղային առաջնություն` նվիրված Հայաստանի հանրապետության անկախության 24-րդ տարեդարձին:

Առաջնությանը մասնակցում էին 2 թիմ Տնտեսագիտությսն ֆակուլտետից և 1 թիմ Բնական գիտությունների ֆակուլտետից:

Խաղերն անցկացվեցին շրջանաձև կարգով:

2:1 հաշվով հաղթեց ԵՊՀ Իջևանի մասնաճյուղի վոլեյբոլի հավաքական թիմը:

Փոխանցիկ գավաթը տրվեց հաղթող թիմին: