2015թ. ապրիլի 29-30-ը Երևանի պետական համալսարանի սոցիալ-տնտեսական աշխարհագրության ամբիոնը և ՀՀ տարածքային կառավարման և արտակարգ իրավիճակների նախարարությունը համատեղ կազմակերպում են հանրապետական գիտաժողով` «Հայաստանի Հանրապետության տնտեսության զարգացման և տեղաբաշխման ժամանակակից հիմնախնդիրները» խորագրով:

Գիտաժողովի ուղղություններն են.

1. ՀՀ տնտեսության ճյուղային և տարածքային կառուցվածքի կատարելագործման և զարգացման հիմնախնդիրները,

2. ՀՀ մարզերի և սահմանամերձ ու բարձրլեռնային շրջանների սոցիալ-տնտեսական զարգացման հիմնախնդիրները,

3. Տարաբնակեցման, վարչատարածքային բաժանման և տարածքային կառավարման հիմնախնդիրները,

4. Սոցիալ-ժողովրդագրական հիմնախնդիրները,

5. Բնօգտագործման և բնապահպանության հիմնախնդիրները,

6. Զբոսաշրջային ինդուստրիայի զարգացման հիմնահարցերը,

Գիտաժողովին ներկայացվող հոդվածների պահանջներն են.

• Բխեն խորագրից,

• Պարունակեն սպառիչ տեղեկություններ հեղինակ(ներ)ի մասին (ազգանուն, անուն, հայրանուն, գիտական աստիճան, կոչում, էլեկտրոնային հասցե, հեռախոսահամար),

• հայերենը GHEA Mariam կամ GHEA Grapalat, ռուսերենը և անգլերենը` Times New Roman տառատեսակով (տառաչափը` 12, տողային հեռավորությունը` 1,5, ձախից` 3 սմ, աջից` 1,5 սմ, վերևից` 2սմ, ներքևից` 2սմ, հղումները` տեքստում, թեման` մեծատառ` տառաչափը` 14),

• ունենան հիմնաբառեր, ամփոփում` անգլերեն և ռուսերեն,

• վերոնշյալ չափանիշներով չգերազանցեն 8 էջ ծավալը,

• երաշխավորված լինեն տպագրության համապատասխան գիտական ստորաբաժանման կողմից:

• տողի մեջտեղից շեղատառերով տպել զեկույցի վերնագիրը, որից 2 ինտերվալ ներքև` հեղինակի ազգանուն ուանունը, գիտական աստիճանը և կոչումը, հաջորդ տողում` կազմակերպության անվանումը: Այնուհետ, 2 ինտերվալ, խորքից տեքստը:

Նշված պահանջներին չբավարարելու դեպքում գիտաժողովի կազմակերպիչները կարող են հոդվածը չընդգրկել տպագրվող ժողովածուում:

Գիտաժողովին մասնակցել ցանկացողները հոդվածները մինչև 2015 թ. ապրիլի 1-ը ուղարկեն էլեկտրոնային հետևյալ հասցեով. margarit@ysu.am. կամ chikmarg@mail.ru, հոդվածի ձեռագրի մեկ օրինակ հանձնել ԵՊՀ սոցիալ-տնտեսական աշխարհագրության ամբիոն (թիվ 422 և 427 սենյակներ):

Մանրամասների համար կարող եք զանգահարել 060710445 քաղաքային և 094769669, 091490031, 093864162 բջջային հեռախոսահամարներով:

Գիտաժողովի կազմկոմիտե

Երևանում գիտության և մշակույթի ռուսական կենտրոնը հայտարարել է մրցույթ` 2015-2016 ուսումնական տարում Ռուսաստանի Դաշնության բարձրագույն ուսումնական հաստատություններում անվճար բարձրագույն և հետբուհական կրթություն ստանալու նպատակով (առանց պարտադիր զինվորական ծառայությունից տարկետման իրավունքի):

Մրցույթի վերաբերյալ առավել մանրամասն տեղեկատվություն ստանալու և անհրաժեշտ փաստաթղթերի ցանկին ծանոթանալու համար անհրաժեշտ է այցելել http://arm.rs.gov.ru/node/14168 կայքէջը:

Աղբյուրը` www.edu.am

2015 թ. ապրիլի 23-ին Խ. Աբովյանի անվան Հայկական պետական մանկավարժական համալսարանը կազմակերպում է «1915 թ. ՑԵՂԱՍՊԱՆՈՒԹՅԱՆ ԸՆԿԱԼՈՒՄԸ ՀԱՅԵՐԻ, ԹՈՒՐՔԵՐԻ ԵՎ ԱՅԼ ԺՈՂՈՎՈՒՐԴՆԵՐԻ ԿՈՂՄԻՑ» թեմայով գիտաժողով:

Գիտաժողովին հրավիրվում են ՀՀ և արտասահմանյան երկրների պետական գերատեսչությունների, գիտակրթական և գիտահետազոտական հաստատությունների, քաղաքացիական և հասարակական կառույցների այն մասնագետները, ովքեր հետաքրքրված են գիտաժողովի թեմայով:

Գիտաժողովը տեղի կունենա 2015 թ. ապրիլի 23-ին Խ. Աբովյանի անվան Հայկական պետական մանկավարժական համալսարանում:

Գիտաժողովի նպատակն է` պարզել, քննարկել, վերլուծել, գնահատել, իմաստավորել 1915 թ. Թուրքիայում իրականացված ցեղասպանության զոհ դարձած ազգերի՝ հայերի, հույների, ասորիների, իսկ մյուս կողմից թուրքերի, քրդերի հետնորդների այս ոճրագործության ընկալման տեսանկյունները:

Գիտաժողովի աշխատանքային լեզուներն են հայերենը, ռուսերենը և անգլերենը:

Նախատեսվում է գիտաժողովի նյութերը տպագրել առանձին ժողովածուով:

ԳԻՏԱԺՈՂՈՎԻ ՀԻՄՆԱԿԱՆ ՈՒՂՂՈՒԹՅՈՒՆՆԵՐԸ

1915 թ. ՑԵՂԱՍՊԱՆՈՒԹՅԱՆ ԸՆԿԱԼՈՒՄԸ ԱՐԵՎԵԼԱՀԱՅՈՒԹՅԱՆ ԵՎ ԱՐԵՎՄՏԱՀԱՅՈՒԹՅԱՆ ԿՈՂՄԻՑ

1915 թ. ՑԵՂԱՍՊԱՆՈՒԹՅԱՆ ԸՆԿԱԼՈՒՄԸ ՀՈՒՅՆԵՐԻ ԵՎ ԱՍՈՐԻՆԵՐԻ ԿՈՂՄԻՑ

1915 թ. ՑԵՂԱՍՊԱՆՈՒԹՅԱՆ ԸՆԿԱԼՈՒՄԸ ԹՈՒՐՔԵՐԻ ԿՈՂՄԻՑ

1915 թ. ՑԵՂԱՍՊԱՆՈՒԹՅԱՆ ԸՆԿԱԼՈՒՄԸ ԱՅԼ ԺՈՂՈՎՈՒՐԴՆԵՐԻ ԿՈՂՄԻՑ

1915 թ. ՑԵՂԱՍՊԱՆՈՒԹՅԱՆ ՀՈԳԵԲԱՆԱԿԱՆ, ՊԱՏՄԱԿԱՆ, ՔԱՂԱՔԱԿԱՆ, ԻՐԱՎԱԲԱՆԱԿԱՆ ՀԵՏԵՎԱՆՔՆԵՐԸ

ԳԻՏԱԺՈՂՈՎԻ ԱՆՑԿԱՑՄԱՆ ՁևԸ

1. Խոսքային զեկուցումներ
2. Կլոր սեղաններ

ԶԵԿՈՒՅՑ-ՀՈԴՎԱԾՆԵՐԻՆ ԱՌԱՋԱԴՐՎՈՂ ՊԱՀԱՆՋՆԵՐԸ

Հոդվածը ներկայացվում է A4 ձևաչափի թղթի վրա` միակողմանի տպված և էլեկտրոնային տարբերակով, էջի եզրերը` 2սմ բոլոր կողմերից, տառատեսակը` հայերենի համար` “Unicode”, անգլերենի և ռուսերենի համար` “Times New Roman”, տողերի միջև հեռավորությունը` 1,5, տառաչափը` 12, միայն վերնագիրը` 14 տառաչափով:

Տեքստում չպետք է լինեն տողադարձեր և կրկնակի միջակայքեր:

Հոդվածի ծավալը` մինչև 12 էջ` ներառյալ նկարները, աղյուսակները, գրականության ցանկը և 2 լեզվով ամփոփումները (հայերեն հոդվածների համար` ռուսերեն և անգլերեն, և հակառակը):

Սկզբում տրվում է հոդվածի վերնագիրը` գլխատառերով, այնուհետև` հեղինակի ազգանունը, անվան և հայրանվան սկզբնատառերը, ներկայացվող կազմակերպությունը, գիտական կոչումը և պաշտոնը: Դրանից հետո բաց է թողնվում մեկ տող և տրվում է հիմնական տեքստը: Ընդգծումների համար կիրառել շեղատառեր կամ մգեցված տողեր:

Տեքստում հղումը կատարել քառակուսի փակագծում` ըստ գրականության ցանկի աղբյուրի (օրինակ` [1, էջ 26]):

Ներկայացվող բոլոր հոդվածները քննարկվելու են գիտակազմակերպչական խորհրդի կողմից: Ուսանող կամ ասպիրանտ հեղինակների դեպքում հոդվածին պետք է կցվի գիտական ղեկավարի երաշխավորագիրը:

Եթե հոդվածը չբավարարի անհրաժեշտ պայմաններին, խորհուրդն իրավասու է այն չերաշխավորել գիտաժողովում ներկայացնելու համար:

Գրագողություն պարունակող հոդվածները կմերժվեն և այդ մասին ինֆորմացիան կուղարկվի հոդվածագրի աշխատանքի վայրը:

ՀՈԴՎԱԾՆԵՐԻ ՆԵՐԿԱՅԱՑՄԱՆ ԺԱՄԿԵՏԸ

Գիտաժողովին մասնակցելու համար անհրաժեշտ է մինչև ս. թ. ԱՊՐԻԼԻ 10-ը  ուղարկել Զեկույց-հոդվածների տեքստը, ըստ վերոնշյալ պահանջների:

Մասնակցության անդամավճարը 5000 դրամ է(10 $ կամ 10 €) է:

Հոդվածներն ուղարկել հետևյալ էլ. հասցեին` armkhudoyan@gmail.com:

Հարցերի դեպքում զանգահարել 597041 հեռախոսահամարով: