Orange Հիմնադրամն աջակցություն է ցուցաբերում Orange-ի գործընկեր համալսարաններում ուսանող, սոցիալապես անապահով ընտանիքների երեխաներին բարձրագույն կրթություն ստանալու հարցում՝ վերջիններիս կրթաթոշակներ տրամադրելու միջոցով:

2011 թվականից սկսած՝ Orange Հիմնադրամը տրամադրել է 258 կրթաթոշակ 9 համալսարաններում:

Տրամադրված կրթաթոշակներն ուղղվել են ուսանողների ուսման վարձավճարի մասնակի վճարմանը:

Կրթաթոշակների ծրագրի մեր գործընկեր համալսարաններից 2-ը Երևանում են՝ Հայաստանում ֆրանսիական համալսարանը և Երևանի պետական ճարտարագիտական համալսարանը, իսկ 7-ը մարզերում՝ Գորիսի պետական համալսարանը, Գավառի պետական համալսարանը, Հայաստանի պետական ճարտարագիտական համալսարանի Գյումրիի, Վանաձորի և Կապանի մասնաճյուղերը, Երևանի պետական համալսարանի Իջևանի մասնաճյուղը և Հայաստանի պետական տնտեսագիտական համալսարանի Եղեգնաձորի մասնաճյուղը:

Մեր գործընկեր համալսարանների այն ուսանողները, ովքեր ցանկանում են կրթաթոշակ ստանալ Orange Հիմնադրամից, ուսումնական տարվա սկզբին պետք է դիմեն իրենց համալսարանի վարչական բաժին՝ ներկայացնելով իրենց սոցիալական դժվարին վիճակը հավաստող փաստաթղթեր:

Լավ առաջադիմություն ունեցող ուսանողներին կտրվի առավելություն:

Orange Հիմնադրամը  հայտարարում է Հայաստանի 10 համալսարաններում 2014-2015 ուսումնական տարվա կրթաթոշակների տրամադրման ծրագրի մեկնարկի մասին:

Ծրագրի նպատակն է աջակցել բարձր առաջադիմություն ունեցող այն ուսանողներին, ովքեր դժվարություններ ունեն հոգալու իրենց ուսման ծախսերը:

Հատուկ ուշադրություն է տրվում նաև մարզերից ժամանած ուսանողներին: Կրթաթոշակը նախատեսված է 2-րդ և ավելի բարձր կուրսերի ուսանողների համար:

Դիմում-հայտի հետ խորհուրդ է տրվում ներկայացնել նաև փաստաթղթեր, որոնք կարտացոլեն ուսանողի կամ վերջինիս ընտանիքի սոցիալական դրությունը:

Դիմում-հայտերը պետք է ներկայացնել մինչև հոկտեմբերի 31-ը:

Աղբյուրը` foundation.orangearmenia.am

Հայտնում ենք ԵՊՀ Իջևանի մասնաճյուղի հեռակա ուսուցման 2014թ. ընդունելության քննությունների արդյունքներով մրցույթով անցած դիմորդներին, որ 2014-15 ուստարվա առաջին կիսամյակի ուսման վարձի մուծման վերջնաժամկետը ս.թ. նոյեմբերի 10-ն է:

Ուսման վարձը պետք է վճարել  «Արդշինինվեստբանկ»-ում բացված ԵՊՀ ԻՄ-ի հետևյալ հաշվեհամարին՝  247610017094:

Վճարել հնարավոր է Հայաստանի տարածքում գործող ցանկացած բանկի միջոցով, սակայն «Արդշինինվեստբանկ»-ի ցանկացած մասնաճյուղում վճարում կատարելիս բանկային ծախսերի գումար չի գանձվում:

Բանկում վճարում կատարելիս պետք է հստակ նշվի ուսանողի անունը, ազգանունը, հայրանունը, ուսուցման համակարգը, մասնագիտությունը և կուրսը:

Բանկում կատարած վճարման անդորրագիրը ներկայացնել Հեռակա ուսուցման բաժին:

ԵՊՀ ԻՄ -ի հաշվապահություն

«Նաիրի» կայքը հայերեն էլեկտրոնային բառարանների ամենամեծ առցանց (անվճար) գրադարանն է: Այն պարունակում է հայ բառարանագրության գրեթե բոլոր հիմնարար նմուշները, ինչպես նաև մեծ թվով այլ արժեքավոր գործեր` գրաբար, արևմտահայերեն և արևելահայերեն: Հասանելի են նաև բազմաթիվ երկլեզվյան թարգմանական բառարաններ:

«Նաիրի» կայքի հեղինակն է ամերիկահայ համակարգչային ճարտարագետ Սէրուժ Ուրիշեանը: 2005 թ. կայքում հրապարակվել է առաջին էլեկտրոնային բառարանը` Բառգիրք հայերէն լեզուի (Անդրանիկ Վրդ. Կռանեան, Պէյրութ, 1998):  2010 թվականից հասանելի է դարձել նաև «Նաիրի» կայքի և «HySpell»-ի կողմից համատեղ թողարկված` հայերենի էլեկտրոնային ուղղագրիչը: Այն գործածելի է ինչպես արևմտահայերենի, այնպես էլ արևելահայերենի համար: Ուղղագրական սրբագրիչի բառացանկն ընդգրկում է ավելի քան 156 հազար գլխաբառ և ավելի քան 5 միլիոն բառաձև, այն կազմված է Ստ. Մալխասյանցի և Է. Աղայանի համապատասխան բառարանների հիման վրա:

Ներկա պահին կայքում առկա են 45 բառարան` 5 թվայնացված (ավելի քան 220 հազար թվայնացված գլխաբառ) և 40 պատկերահանված (51,003 պատկերահանված էջ), և 1 գիրք (Հրաչեայ Աճառեան, ՀայԲարբառագիտութիւն, Մոսկուա―Նոր-Նախիջեւան, 1911):

Կայքն ընդգրկում է ինչպես հայերեն բազմաբնույթ բառարաններ (•բացատրական •ստուգաբանական •դարձվածաբանական և բարբառային  •հոմանիշների  •անձնանունների,  •գրաբարի •միջին հայերենի •արևմտահայերենի), այնպես էլ բազմաթիվ երկլեզվյան (•հայերեն-անգլերեն •անգլերեն-հայերեն •հայերեն-ֆրանսերեն •ֆրանսերեն-հայերեն •հայերեն-ռուսերեն •ռուսերեն-հայերեն) բառարաններ:

Ընդ որում, նաև հայերեն-թուրքերեն (տաճկերեն) բառացանկեր են պարունակում հետևյալ բառարանները` «Համառօտ բառարան ի հայէ յանգղիական եւ ի տաճիկ», «Առձեռն Բառարան Հայկազնեան Լեզուի» և «Նոր Բառգիրք Հայկազեան Լեզուի»(«Հայկազյան բառարան»): Իսկ «Հայկազյան բառարանում» բերվում են նաև բառերի հունարեն,լատիներեն, շատ հաճախ նաև պարսկերեն, արաբերեն, որոշ դեպքերում նաև` ֆրանսերեն, ռուսերեն համանիշները:

Հայերեն

ԲԱՑԱՏՐԱԿԱՆ ԲԱՌԱՐԱՆՆԵՐ

• Արդի հայերենի բացատրական բառարան
  Էդուարդ Աղայան, Երևան, 1976
• Բառգիրք հայերէն լեզուի
  Անդրանիկ Վրդ. Կռանեան, Պէյրութ, 1998 (թվայնացված)
• Ժամանակակից հայոց լեզվի բացատրական բառարան
  Հրաչյա Աճառյանի անվան լեզվի ինստիտուտ, Երևան,1969
• Հայերէն աշխարհաբար լեզուի լիակատար բառարան
  Պետրոս Վարդ. Ճիզմէճեան, Հալէպ, 1954-1957
• Հայերէն բացատրական բառարան
  Ստեփան Մալխասեանց, Երեւան, 1944-1945
• Հայոց լեզուի նոր բառարան
  Արտաշէս Տէր Խաչատուրեան, Հրանդ Գանգրունի եւ Փարամազ Կ. Տօնիկեան, Պէյրութ, 1968.
• Հայոց լեզուի նոր բառարան
  Գնէլ Արքեպս. Ճէրէճեան, Փարամազ Կ. Տօնիկեան եւ Արտաշէս Տէր Խաչատուրեան, Պէյրութ, 1992
• Նոր բառագիրք հայերէն լեզուի
  Սիմոն Գաբամաճեան, Կ. Պօլիս, 1910

ՍՏՈՒԳԱԲԱՆԱԿԱՆ ԲԱՌԱՐԱՆՆԵՐ

• Հայերէն արմատական բառարան
  Հրաչեայ Աճառեան, Երևան, հհ 1-7, 1926–35 (ապակետիպ), հհ 1-4, 1971–79 (2-րդ հրատարակություն)
• Հայերեն ստուգաբանական բառարան
  Գևորգ Ջահուկյան, Երևան, 2010

ԴԱՐՁՎԱԾԱԲԱՆԱԿԱՆ ԵՒ ԲԱՐԲԱՌԱՅԻՆ ԲԱՌԱՐԱՆՆԵ

• Հայերէն գաւառական բառարան
  Հրաչեայ Աճառեան, Թիֆլիս, 1913
• Հայոց բառ ու բան
  Սահակ վարդապետ Ամատունի, Վաղարշապատ, 1912
• Հայոց լեզվի բարբառային բառարան
  Հրաչյա Աճառյանի անվան լեզվի ինստիտուտ, Երևան, 2001-2012
• Հայոց լեզվի դարձվածաբանական բառարան
  Աշոտ Սուքիասյան, Սերգեյ Գալստյան, Երևան, 1975

ՀՈՄԱՆԻՇՆԵՐԻ ԲԱՌԱՐԱՆՆԵՐ

• Հայոց լեզվի հոմանիշների բառարան
  Աշոտ Սուքիասյան, Երևան, 1967
• Հայոց լեզվի հոմանիշների բացատրական բառարան
  Աշոտ Սուքիասյան, Երևան, 2009
• Բառարան գանձարան հայերէն լեզուի
  Յարութիւն Թ. Գայայեան, Գահիրէ, 1938

ԱՐԵՒՄՏԱՀԱՅԵՐԵՆԻ ԲԱՌԱՐԱ

• Արևմտահայերենի բառարան
  Արտեմ Սարգսյան, Երևան, 1991

ԳՐԱԲԱՐԻ ԲԱՌԱՐԱՆՆԵՐ

• Գրաբարի բառարան
  Ռուբէն Ղազարեան, Երեւան, 2000
• Գրաբարի հոմանիշների բառարան
  Ռուբէն Ղազարեան, Երեւան, 2006
• Առձեռն բառարան հայկազնեան լեզուի
  Հայր Մկրտիչ Աւգերեան եւ Հայր Գրիգոր Ճէլալեան, Վենետիկ, Ս. Ղազար,1865. Անթիլիաս, 1988 (վերահրատարակութիւն)
• Նոր բառգիրք հայկազեան լեզուի («Հայկազյան բառարան»)
  Հայր Գաբրիէլ Աւետիքեան, Հայր Խաչատուր Սիւրմէլեան, Հայր Մկրտիչ Աւգերեան, Վենետիկ, 1836 (ԵՊՀ վերահրատարակություն, 1979)

ՄԻՋԻՆ ՀԱՅԵՐԵՆԻ ԲԱՌԱՐԱՆ

• Միջին հայերենի բառարան
  Ռուբեն Ղազարյան, Հենրիկ Ավետիսյան, Երևան, 2009

ԱՆՈՒՆՆԵՐԻ ԲԱՌԱՐԱՆ

• Հայոց անձնանունների բառարան
  Հրաչյա Աճառյան, հհ Ա-Ե, Երևան, 1942-1962

Երկլեզվյան բառարաններ

ՀԱՅԵՐԵՆ-ԱՆԳԼԵՐԵՆ

• Գործնական բառարան հայերէն-անգղիերէն
  Զաքարիա Տ. Ս. Փափազեան, Կ. Պոլիս, 1905
• Գրպանի նոր բառարան հայերէն-անգլերէն
  Մեսրոպ Կ. Գույումճեան եւ Լեւոն Թորոսեան Պէյրութ, 2002
• Ընդարձակ բառարան հայերէնէ անգլիերէն
  Մեսրոպ Կ. Գույումճեան, Պէյրութ, 1970. (նաև թվայնացված)
• Համառօտ բառարան ի հայէ յանգղիական եւ ի տաճիկ
  Սուքիաս Սօմալեան, Սուրբ Ղազար, Վենետիկ, 1843
• Հայերէնէ-անգլերէն արդի բառարան
  Վեր. Տիգրան Խնդրունի եւ Մարտիրոս Գուշագճեան Պէյրութ, 1970
• Նոր բառարան հայերէնէ-անգլիերէն
  Ի. Ա. Երան, Վենետիկ, Ս. Ղազար, 1949
• Նոր բառգիրք հայ-անգլիարէն
  Հայր Մատաթեայ Վարդապետ Պետրոսեան, Մխիթարեանց Տպարան, Վենետիկ, 1875
• A vocabulary of words used in modern Armenian but not found in the ancient Armenian lexicons
  Elias Riggs, Smyrna, 1847

ԱՆԳԼԵՐԵՆ-ՀԱՅԵՐԵՆ

• Անգլերէնէ-հայերէն արդի բառարան
  Մարտիրոս Գուշագճեան եւ Վեր. Տիգրան Խնդրունի, Պէյրութ, 1970
• Բառարան անգղիարէն եւ հայերէն
  Հայր Յարութիւն Վ. Աւգերեան, Վենետիկ, 1868
• Գրպանի նոր բառարան անգլերէն-հայերէն
  Մեսրոպ Կ. Գույումճեան եւ Լեւոն Թորոսեան, Պէյրութ, 2002
• Ընդարձակ բառարան անգլիերէնէ-հայերէն
  Փրոֆեսօր Յարութիւն Յովհաննէս Չաքմագճեան, Պոսթըն, 1922
• Ընդարձակ բառարան անգլիերէնէ հայերէն
  Մեսրոպ Կ. Գույումճեան, Պէյրութ, 1981, (նաև թվայնացված)
• Նոր գրպանի բառարան անգլիերէն-հայերէն
  Ի. Ա. Երան, Պոսթըն, 1928
• Պատկերազարդ գործնական բառարան անգլիերէնէ հայերէն
  Զաքարիա Տ. Ս. Փափազեան, Կ. Պոլիս, 1910

ՀԱՅԵՐԵՆ-ՖՐԱՆՍԵՐԵՆ

• Բառարան հայերէն-գաղղիերէն
  Հայր Գէորգ Պայեան, Սուրբ Ղազար-Վենետիկ, 1926
• Գործնական բառարան հայերէն-ֆրանսերէն
  Գրիգոր Շահինեան, Պէյրութ, 1997 (թվայնացված)

ՖՐԱՆՍԵՐԵՆ-ՀԱՅԵՐԵՆ

• Բառարան ֆրանսերէնէ-հայերէն
  Եղիա Տէմիրճիպաշեան, Կոստանդնուպոլիս, 1930
• Գործնական բառարան ֆրանսերէնէ հայերէն
  Յարութիւն Քիւրքճեան, Պէյրութ, 1988 (թվայնացված)

ՀԱՅԵՐԵՆ-ՌՈՒՍԵՐԵՆ

• Հայ-ռուսերեն բառարան
  Հրաչյա Աճառյանի անվան լեզվի ինստիտուտ, Երևան, 1987

ՌՈՒՍԵՐԵՆ-ՀԱՅԵՐԵՆ

• Ռուս-հայերեն բառարան
  Արարատ Ղարիբյան, Երևան, 1977

Աղբյուրը` armscoop.com

2014 թ-ի նոյեմբերի 2-9-ը ԵՊՀ-ում կկայանա «Արդյունավետ զարգացման մոդելի փնտրումը. սոցիալ-տնտեսական արդիականացման գործընթացի տնտեսաիրավական ասպեկտները հետխորհրդային տարածքում» թեմայով միջազգային գիտաժողով:

Մասնակցության համար անհրաժեշտ է դիմում-հայտերը և հոդվածներն ուղարկելsorich@mail.ru էլ. հասցեին:

Դիմում-հայտերի ուղարկման վերջնաժամկետը հոկտեմբերի 25-ն է, իսկ հոդվածների ուղարկման վերջնաժամկետը՝ 30 նոյեմբերը:

Գիտաժողովի նստաշրջանը տեղի կունենա նոյեմբերի 5-ին, ԵՊՀ Պալեանների անվան դահլիճում, ժամը՝ 09:00-ին:

Կից ներկայցվում է նաև գիտաժողովի ծրագիրն ու օրակարագը:

Առավել մանրամասն տեղեկությունների համար այցելել http://noik.org/ ինտերնետային կայքը:

Աղբյուրը` ysu.am