2014թ. հոկտեմբերի 27-ին ԵՊՀ Իջևանի մասնաճյուղում տեղի ունեցավ տնօրենության նիստ, որը նախագահում էր Ս.Առաքելյանը:
Տնօրենության նիստում քննարկվեցին ԵՊՀ Իջևանի մասնաճյուղի պրոֆեսորադասախոսական, վարչական, ուսումնաօժանդակ և սպասարկող անձնակազմին խրախուսելու կարգ սահմանելու, մասնաճյուղում 2014թ. նոյեմբերի 3-ից մինչև 30-ը ուսումնական ժամատախտակը ժամանակավոր փոխելու մասին մի շարք հարցեր:
Առաջին հարցի վերաբերյալ մասնավորապես նշվեց, որ մասնաճյուղի աշխատակիցներին խրախուսելիս պետք է հաշվի առնվեն նրանց աշխատանքային կարգապահությունը, բարեխղճությունը, նոր մեթոդների կիրառումը, լրացուցիչ աշխատանքի կատարումը և այլն:
Իրենց գործառութային պարտականությունների օրինակելի կատարման, աշխատանքի արդյունավետության բարձրացման, շարունակական անբասիր աշխատանքի, նորամուծությունների, գիտահետազոտական և հասարակական ակտիվ աշխատանքների համար ԵՊՀ ԻՄ-ի աշխատակիցներին խրախուսելու նպատակով որոշվեց`
1. Մասնաճյուղում ստեղծել համապատասխան կարգ մշակող հանձնաժողով` հետևյալ կազմով.
• Արկադի Ցոլակի Դավթյան – Ուսումնամեթոդական վարչության պետ,
• Ալբերտ Սարգսի Հովհաննիսյան – ԱԿ բաժնի վարիչ, իրավախորհրդատու,
• Կամո Բենիկի Այվազյան – Վարչատնտեսական վարչության պետ,
• Ալեքսան Շամիլի Մարգարյան – Կիրառական արվեստի ֆակուլտետի դեկանի ժ/պ, արհբյուրոյի նախագահ, ՄԿՈԱ բաժնի վարիչ,
• Մելանյա Մեսրոպի Մխիթարյան – գլխավոր հաշվապահ,
• Մարիետա Ալբերտի Ճաղարյան – ՄԿՈԱ բաժնի ավագ մասնագետ:
2. Հանձնաժողովի նախագահ Ա.Դավթյանին հանձնարարել մինչև նոյեմբերի 10-ը ավարտել և հաստատման ներկայացնել մասնաճյուղի աշխատակիցներին խրախուսելու կարգը` առաջնորդվելով ՀՀ Աշխատանքային օրենսդրության և մասնաճյուղի կանոնադրության ու ներքին կարգապահական կանոնների համապատասխան դրույթներով և հոդվածներով:
3. Մինչև խրախուսելու կարգի մշակումը լիազորել տնօրենությանը` որոշելու տվյալ ամսում պարգևատրման ներկայացվող աշխատակիցների ցանկն ու չափորոշիչները:
Երկրորդ հարցի կապակցությամբ որոշվեց.
1. 2014թ. նոյեմբերի 3-ից մինչև 30-ը ԵՊՀ Իջևանի մասնաճյուղում կազմակերպել 75 րոպեանոց դասաժամեր` հետևյալ ժամատախտակով.
I դաս – 9:15 – 10:30
II դաս – 10:40 –11:55
III դաս – 12:15 – 13:30
IV դաս – 13:40 – 14:55
V դաս – 15:05 – 16:20
VI դաս – 16:30 –17:45:
2. Հանձնարարել Ուսումնամեթոդական վարչության պետ Ա.Դավթյանին, ֆակուլտետների դեկաններին, ամբիոնների վարիչներին և Հեռակա ուսուցման բաժնի վարիչին` ներկայացված ժամանակահատվածում կազմակերպել ուսումնական գործընթացը` համաձայն հաստատված ժամատախտակի:
