«Երևանի պետական համալսարան» հիմնադրամի Իջևանի մասնաճյուղը, ելնելով ԵՊՀ ԻՄ տնօրենի N 213 - 1 (26-12-2025 թ․) հրամանից,  հայտարարում է մրցույթ հետևյալ թափուր պաշտոնների տեղակալման համար.

1. Հումանիտար գիտությունների ֆակուլտետի դեկան,

2. Տնտեսագիտության ֆակուլտետի դեկան։

Թեկնածուներին ներկայացվող պահանջները

Ֆակուլտետի դեկանի մրցույթին կարող է մասնակցել այն անձը, ով բավարարում է հետևյալ պայմանները.

1. ունի պրոֆեսորի կամ դոցենտի ակադեմիական կոչում,

2. ունի գիտությունների դոկտորի կամ թեկնածուի գիտական աստիճան,

3. ունի առնվազն 5 տարվա գիտամանկավարժական աշխատանքի ստաժ։

Թեկնածուների առաջադրումը

Դեկանի պաշտոնի թեկնածուներն առաջադրվում են ֆակուլտետի կառուցվածքային ստորաբաժանումների կողմից կամ ինքնաառաջադրմամբ։

Առաջադրման համար անհրաժեշտ փաստաթղթերի ցանկը

Առաջադրման համար փաստաթղթերի փաթեթը թեկնածուները պետք է ներկայացնեն ԵՊՀ ԻՄ գիտական քարտուղարին։ Փաթեթը պետք է ներառի՝

1. համապատասխան ստորաբաժանումների որոշումները կամ ինքնաառաջադրվողի դիմումը,

2. կադրերի հաշվառման անձնական թերթիկը,

3. դեկանի թեկնածուի ծրագիրը,

4. ինքնակենսագրությունը,

5. բարձրագույն կրթության վկայականի (դիպլոմի), գիտական աստիճանի դիպլոմի, գիտական կոչման վկայականի պատճենները,

6. հրատարակված գիտական աշխատությունների և գյուտերի ցանկը,

7. առաջադրված թեկնածուի գրավոր համաձայնությունը (եթե առաջադրումը կատարվել է ստորաբաժանման կողմից)։

Հարցերի դեպքում կարող եք դիմել ԵՊՀ ԻՄ գիտական քարտուղար Մհեր Աթոյանին (հեռ.՝ 093 31-78-47, էլ. հասցե՝ gitqartib@ysu.am)։

Փաստաթղթերը մինչև 2026 թ. հունվարի 17-ն անհրաժեշտ է ներկայացնել ԵՊՀ ԻՄ գիտքարտուղարին (հասցե՝ ՀՀ Տավուշի մարզ, Ք. Իջևան, Ուսանողական 3)։

Նշում. Դեկանի ընտրության ընթացակարգին կարող եք ծանոթանալ այստեղ: