Ընդհանուր տվյալներ
«Երևանի պետական համալսարան» հիմնադրամի Իջևանի մասնաճյուղի կրթական ծրագրերի մոնիթորինգի եվ վերանայման կարգ
Ընդհանուր դրույթներ
Սույն կարգով կանոնակարգվում են «Երևանի պետական համալսարան» հիմնադրամի Իջևանի մասնաճյուղի բակալավրի և մագիստրոսի կրթական ծրագրերի մոնիթորինգի և պարբերական վերանայման գործընթացները:
«Երևանի պետական համալսարան» հիմնադրամի Իջևանի մասնաճյուղի (այսուհետ՝ ԵՊՀ ԻՄ) կրթական ծրագրերի մոնիթորինգի և վերանայման կարգը (այսուհետ՝ կարգը) մշակվել է «Բարձրագույն և հետբուհական մասնագիտական կրթության մասին» ՀՀ օրենքի, ԵՊՀ և ԵՊՀ ԻՄ-ի կանոնադրությունների, ԵՊՀ ԻՄ 2016-2020 զարգացման ռազմավարական ծրագրի, Կրթության որակի բնագավառում ԵՊՀ ԻՄ քաղաքականության, ԵՊՀ կրթական ծրագրերի մոնիթորինգի և վերանայման կարգի (27.06.2019, ԵՊՀ ԳԽ) հիման վրա:
ԵՊՀ ԻՄ կրթական ծրագրերի ընթացիկ մոնիթորինգի և պարբերական վերանայման գործընթացները որակի ներքին ապահովման գործընթացներ են և կրթական ծրագրերի իրականացման փուլում` դրանց որակի ապահովման և շարունակական բարելավման հիմնական մեխանիզմներից:
Կարգը սահմանում է ԵՊՀ ԻՄ կրթական ծրագրերի ընթացիկ մոնիթորինգի և պարբերական վերանայման գործընթացների նպատակները և խնդիրները,դրանց ներկայացվող հիմնական պահանջները, կիրառվող ընթացակարգերը, հիմնական դերակատարներին և համապատասխան ժամանակացույցերը:
Ծրագրերի ընթացիկ մոնիթորինգն իրակացնում են ԵՊՀ ԻՄ ֆակուլտետները` երկամյա պարբերականությամբ, իսկ վերանայումը համաբուհական գործընթաց է, որի իրականացման պարբերականությունը որոշվում է սույն կարգով: