News

2024 թ. սեպտեմբերի 27-ին ԵՊՀ ԻՄ բնական գիտությունների ֆակուլտետում տեղի ունեցավ Եվրոպական միության և Ավստրիական զարգացման գործակալության աջակցութամբ վերազինված հետազոտական փորձասենյակի բացման հանդիսավոր արարողությունը: Ներկաների թվում էին Եվրոպական միության Կանաչ գյուղատնտեսության նախաձեռնությունը Հայաստանում (EU GAIA) ծրագրի ղեկավար Պասկալ Բոկկերսը և կանաչ տեխնոլոգիաների փորձագետ Վարդան Թոռչյանը, ՀՀ Տավուշի մարզպետի տեղակալ Նարեկ Ղուշչյանը, ԵՊՀ ԻՄ տնօրենի պաշտոնակատար Ա. Մակարյանը, Իջևանի քաղաքապետարանի պատասխանատուներ, Տավուշի՝ Պ․ Տէվէճեանի անվան տարածաշրջանային քոլեջի տնօրեն Հ. Բրուտյանը, բիզնես ոլորտից հրավիրված հյուրեր և մասնաճյուղի աշխատակիցներ, դասախոսներ և ուսանողներ:

Ինչպես նախորդ ուստարիների, այնպես էլ այս ուսումնական տարվա սկզբում՝ 2024 թ. սեպտեմբերի 26-ին, ԵՊՀ Իջևանի մասնաճյուղում տեղի ունեցավ հանդիպում «Դասավանդի՛ր, Հայաստան» (Teach for Armenia) կրթական հիմնադրամի կարիերայի զարգացման համակարգողներ Արևիկ Պռազյանի և Հասմիկ Հովհաննիսյանի հետ: Հանդիպմանը մասնակցում էին «Տարրական մանկավարժություն և մեթոդիկա», «Ինֆորմատիկա և կիրառական մաթեմատիկա» կրթական ծրագրերի ավարտական կուրսերի ուսանողները:

2024 թ. սեպտեմբերի 26-ին ԵՊՀ Իջևանի մասնաճյուղի մարզադահլիճում տեղի ունեցավ վոլեյբոլի մասնաճյուղային առաջնություն, որին մասնակցում էին կրթական ծրագրերի հավաքական թիմերը:

2024 թ. սեպտեմբերի 25-ին ԵՊՀ Իջևանի մասնաճյուղում կայացավ հանդիպում Հայաստանում Ֆրանսիայի դեսպանության կրթական և մշակութային համագործակցության գծով կցորդ Դոմինիկ Վեյսի, դեսպանատան՝ ֆրանսերեն լեզվի գծով համակարգող Լոռի Հովսեփյանի և ֆրանսիացի կամավոր Սելեստեն Աղսելուի հետ, որին ներկա էին ԵՊՀ ԻՄ տնօրենի պաշտոնակատար Ա. Մակարյանը, փոխտնօրեն Մ. Օթարյանը, Հումանիտար գիտությունների ֆակուլտետի դեկանի պաշտոնակատար Ն. Գրիգորյանը, «Ֆրանսերեն լեզու և գրականություն» կրթական ծրագրի ղեկավար Ռ. Միրզոյանը և Օտար լեզուների ամբիոնի դասախոս Ա. Հովհաննիսյանը:

2024 թ. սեպտեմբերի 26-ին ԵՊՀ Իջևանի մասնաճյուղում մեկնարկեց ճանաչված հայերենագետ, համեմատական լեզվաբանության հայ լավագույն մասնագետներից մեկի՝ Հրաչ Մարտիրոսյանի (Լեյդենի համալսարան) խտացված դասընթացը՝ «Հայոց լեզվի ակունքները. հայոց լեզվի և մշակույթի պատմության հիմնահարցեր» խորագրով:

2024 թ. սեպտեմբերի 24-ին՝ Ա. Մարդանյանի ծննդյան տարեդարձի օրը, ԵՊՀ Իջևանի մասնաճյուղում կայացան ԵՊՀ ԻՄ օտար լեզուների ամբիոնի ֆրանսերեն լեզվի և գրականության սեկցիայի նախկին պատասխանատու, կրթական ծրագրի նախկին ղեկավար, ԵՊՀ ԻՄ բազմամյա առաջատար մասնագետ Աիդա Սերոժի Մարդանյանի հիշատակին նվիրված միջոցառումներ՝ հուշ-ցերեկույթ, նրա անվամբ լսարանի բացում:

2024 թ. սեպտեմբերի 19-ին ԵՊՀ Իջևանի մասնաճյուղում հանդիսավոր կերպով բացվեց ԵՊՀ ԻՄ հիմնադրման 30-ամյակին նվիրված «Հետազոտելով լոկալ ժառանագությունը» թեմայով միջազգային աշնանային դպրոցը, որը կազմակերպվել է Զալցբուրգի համալսարանի (Ավստրիա), ՀՀ ԳԱԱ հնագիտության և ազգագրության ինստիտուտի ու ԵՊՀ Իջևանի մասնաճյուղի միջև համագործակցության շրջանակներում «Հայ մշակութային ժառանգության միջգիտակարգային ուսումնասիրություններ» հեռավար լաբորատորիայի կողմից:

2024 թ. սեպտեմբերի 3-ին առկա ուսուցմամբ ԵՊՀ ԻՄ ընդունված 182 առաջին կուրսեցիներին դիմավորելու և նոր ուսումնական տարվա մեկնարկն ազդարարելու համար Ուսանողական խորհուրդը կազմակերպել էր տոնական միջոցառում, որը բացվեց Հայաստանի Հանրապետության օրհներգով և Երևանի պետական համալսարանի հիմնով:

Սիրելի՛ համալսարանականներ, ջերմորեն շնորհավորում եմ Գիտելիքի և դպրության օրվա, նոր՝ 2024-2025 ուսումնական տարվա մեկնարկի կապակցությամբ, ցանկանում եմ մասնագիտական ձեռքբերումներ և առաջընթաց, ուսանողներին՝ մեծ կամք և նպատակասլացություն գիտելիքների ամբարման ճանապարհին, դասախոսներին՝ անսպառ եռանդ և հետևողականություն ուսուցման գործընթացում:

ԵՊՀ Իջևանի մասնաճյուղում նոր ուսումնական տարվա մեկնարկին ընդառաջ կայացավ տնօրենության նիստ՝ Ա. Մակարյանի նախագահությամբ: