2014թ. մայիսի 25-ին տեղի ունեցավ «Տնտեսագիտության տեսություն» մասնագիտության ամփոփիչ քննությունը:

Հանձնաժողովը գլխավորում էր ՀՀ էկոնոմիկայի փոխնախարար Գ.Բադալյանը:

Քննությանը մասնակցում էին 32 ուսանող, որոնցից «գերազանց» ստացան 7-ը, «լավ»` 16-ը, «բավարար»` 9-ը:

Մայիսի 28-ին կայացավ տնտեսագիտության տեսության ավարտական աշխատանքների պաշտպանությունը: 11 ուսանող ստացավ «գերազանց», 12-ը` «լավ», 9-ը` «բավարար»:

Մայիսի 23-ին տեղի ունեցավ «Սերվիս» մասնագիտության ամփոփիչ քննությունը: Հանձնաժողովը գլխավորում էր ՀՀ էկոնոմիկայի նախարարության զբոսաշրջության վարչության պետ Մ.Ապրեսյանը:

Քննությանը մասնակցում էին 19 ուսանող, որոնցից «գերազանց» ստացան 8-ը, «լավ»` 4-ը, «բավարար»` 7-ը:

Մայիսի 24-ին կայացավ «Սերվիս» մասնագիտության ավարտական աշխատանքների պաշտպանությունը: 10 ուսանող ստացավ «գերազանց», 6-ը` «լավ», 3-ը` «բավարար»:

2014թ. մայիսի 23-ին տեղի ունեցավ «Կիրառական արվեստ» մասնագիտության ամփոփիչ քննությունը: Հանձնաժողովը գլխավորում էր ՀՊՄՀ կերպարվեստի ամբիոնի պրոֆեսոր, մանկավարժական գիտությունների դոկտոր, ՀՀ նկարիչների միության անդամ Լեմս Սուրենի Ներսիսյանը:

Քննությանը մասնակցում էին 31 ուսանող, որոնցից «գերազանց» ստացավ 6-ը, «լավ»` 12-ը, «բավարար»` 13-ը: Մայիսի 24-ին կայացավ ավարտական աշխատանքների պաշտպանությունը: 29 շրջանավարտներից 21-ը ստացավ «գերազանց», 8-ը` «լավ»:

Մայիսի 25-ին կայացավ մագիստրոսական թեզերի պաշտպանությունը: 9 շրջանավարտներն էլ ստացան «գերազանց»` 20-ական միավոր: «Մագիստրոսական թեզերը,- նշեց Կիրառական արվեստի ֆակուլտետի դեկան Կ.Այվազյանը,- էապես տարբերվում էին բակալավրի շրջանավարտների ավարտական աշխատանքներից` և՛ նորույթի, շարադրանքի, և՛ ինքնուրույն, համարձակ մտքերի, ձևակերպումների որակի և՛ ներկայացման առումներով»:

Հանձնաժողովի անդամները հիացմունք արտահայտեցին Սասուն Դանիելյանի (պաննո, «Ժառանգություն», ղեկավար` Դ.Ա.Պողոսյան), Նանե Դանիելյանի (գոբելեն, «Ղողանջ Վերածննդի», ղեկավար` Ռ.Կ.Պողոսյան), Սյուզաննա Խոջյանի (գեղանկար, «Sos», ղեկավար` Գ.Մ.Ջավրուշյան), Անի Մելքումյանի (բատիկա, «Նոկտյուրն աշնանային», ղեկավար` Ռ.Կ.Պողոսյան), Սաթենիկ Չիբուխչյանի (ապակենկար, «Իջևան», ղեկավար` Դ.Լ.Չիբուխչյան), Վարդուհի Վարդանյանի (հարթաքանդակ, «Զվարթնոց», ղեկավար` Ա.Հ.Միրզոյան) աշխատանքները:

Հանձնաժողովի նախագահ պարոն Ներսիսյանը նշեց, որ ցուցադրվելու դեպքում այդ աշխատանքները կարող են պատիվ բերել ցանկացած պատկերասրահի և թանգարանի:

Մագիստրոսական թեզերի պաշտպանությունն անցավ հաճելի, հետաքրքիր մթնոլորտում և գեղագիտական հաճույք պատճառեց ներկաներին:

Ֆակուլտետի ղեկավարությունը և ողջ աշխատակազմը շնորհավորում են մագիստրոսական կրթության իրենց առաջին շրջանավարտներին, մաղթում նրանց արժանավայել կյանք և արժանապատիվ մասնագիտական աշխատանք:

2014թ. մայիսի 20-ին ԵՊՀ Իջևանի մասնաճյուղում տեղի ունեցավ «Հայոց լեզու և գրականություն» մասնագիտության ամփոփիչ քննությունը: Հանձնաժողովը գլխավորում էր ՀՀ պետական կառավարման ակադեմիայի դոցենտ, մ.գ.թ., դոցենտ Լ.Միրզոյանը:

Քննությանը մասնակցում էին 19 ուսանող, որոնցից 9-ն ստացան «գերազանց», 8-ը` «լավ», 2-ը` «բավարար» գնահատականներ: Մայիսի 21-ին տեղի ունեցավ հայոց լեզվի և գրականության ավարտական աշխատանքների պաշտպանությունը: 7 ուսանող ստացավ «գերազանց», 10-ը` «լավ», 2-ը` «բավարար»:

Մայիսի 22-ին տեղի ունեցավ «Պատմություն» մասնագիտության ամփոփիչ քննությունը: Հանձնաժողովը գլխավորում էր Հայաստանի պետական ագրարային համալսարանի պատմության և փիլիսոփայության ամբիոնի վարիչ, պ. գ. թ., դոցենտ Վ.Ոսկանյանը:

Քննությանը մասնակցում էին 34 ուսանող, որոնցից «գերազանց» ստացան 6-ը, «լավ»` 21-ը, «բավարար»` 7-ը: Մայիսի 23-ին կայացավ հայոց պատմության ավարտական աշխատանքների պաշտպանությունը: 13 ուսանող ստացավ «գերազանց», 14-ը` «լավ», 7-ը` «բավարար»:

Մայիսի 15-ին տեղի ունեցավ «Մանկավարժություն և հոգեբանություն» մասնագիտության ամփոփիչ քննությունը: Հանձնաժողովը գլխավորում էր Խ. Աբովյանի անվան հայկական պետական մանկավարժական համալսարանի մանկավարժության տեսության և պատմության ամբիոնի պրոֆեսոր, մ. գ. դ., Մ.Մանուկյանը:

Քննությանը մասնակցում էին 21 ուսանող, որոնցից «գերազանց» ստացան 6-ը, «լավ»` 12-ը, «բավարար»` 3-ը: Մայիսի 16-ին կայացավ մանկավարժության և հոգեբանության ավարտական աշխատանքների պաշտպանությունը: 9 ուսանող ստացավ «գերազանց», 12-ը` «լավ»:

Մայիսի 24-ին տեղի ունեցավ «Անգլերեն լեզու և գրականություն» մասնագիտության ամփոփիչ քննությունը: Հանձնաժողովը գլխավորում էր Վ. Բրյուսովի անվան Երևանի պետական լեզվաբանական համալսարանի Անգլերեն լեզվի բառագիտության և ոճաբանության ամբիոնի ասիստենտ, բ. գ. թ. Լ.Բադալյանը:

Քննությանը մասնակցում էին 28 ուսանող, որոնցից «գերազանց» ստացան 12-ը, «լավ»` 9-ը, «բավարար»` 7-ը: Մայիսի 25-ին կայացավ անգլերեն լեզվի և գրականության ավարտական աշխատանքների պաշտպանությունը: 14 ուսանող ստացավ «գերազանց», 10-ը` «լավ», 4-ը` «բավարար»:

Մայիսի 17-ին տեղի ունեցավ «Ֆրանսերեն լեզու և գրականություն» մասնագիտության ամփոփիչ քննությունը: Հանձնաժողովը գլխավորում էր Վ. Բրյուսովի անվան Երևանի պետական լեզվաբանական համալսարանի Ֆրանսերեն լեզվի ամբիոնի վարիչ, բ. գ. թ., դոց. Մ.Ղազարյանը:

Քննությանը մասնակցում էին 12 ուսանող, որոնցից «գերազանց» ստացան 5-ը, «լավ»` 5-ը, «բավարար»` 2-ը: Մայիսի 18-ին կայացավ ֆրանսերեն լեզվի և գրականության ավարտական աշխատանքների պաշտպանությունը: 5 ուսանող ստացավ «գերազանց», 7-ը` «լավ»:

ԵՊՀ հիմնադրման 95-ամյակին նվիրված հոբելյանական միջոցառումների շրջանակներում Մայր բուհը մայիս ամսվա ընթացքում նախաձեռնել էր ՀՀ մարզային բուհերի, ԵՊՀ Իջևանի մասնաճյուղի, Արցախի պետական համալսարանի, ՀՀ ՊՆ ռազմական բուհերի և Երևանի քաղաքային գրադարաններին նվիրել ԵՊՀ հրատարակչության կողմից հրատարակված գրքեր:

Նախաձեռնության նպատակն է մարզային բուհերի և ռազմական ուղղվածության կրթական հաստատությունների սաների համար հասանելի դարձնել ցանկացած կրթօջախի, ինչպես նաև գրադարանների համար անփոխարինելի այդ գրականությունը:

2014թ. մայիսի 17-ին այդ նպատակով մասնաճյուղ այցելեց ԵՊՀ պատվիրակությունը, որի կազմում էին ԵՊՀ ուսանողների, շրջանավարտների և հասարակայնության հետ կապերի գծով պրոռեկտոր Ռուբեն Մարկոսյանը, Պատմության ֆակուլտետի դեկան Էդիկ Մինասյանը, ԵՊՀ հրատարակչության տնօրեն Կարեն Գրիգորյանը, Տեղեկատվական համակարգերի սպասարկման և զարգացման վարչության պետ Արշակ Հովհաննիսյանը, ԵՊՀ ուսանողական կառույցների և առանձին ստորաբաժանումների ներկայացուցիչներ, համալսարանականներ:

Մասնաճյուղին նվիրաբերվեց ավելի քան հարյուր անուն գիրք, որոնց թվում են վերջին տարիներին ԵՊՀ հրատարակչության ջանքերով և Գալուստ Գյուլպենկյան հիմնարկության օժանդակությամբ լույս տեսած արժեքավոր գրքեր` մենագրություններ, բառարաններ, ուսումնամեթոդական ձեռնարկներ, դասագրքեր, ինչպես նաև ռուսերեն, անգլերեն լեզվով աշխատություններ: