2026 թ. նոյեմբերի 13-15-ը ԵՊՀ ԻՄ առկա ուսուցման «Ֆինանսներ (ըստ ոլորտի)» կրթական ծրագրի 3-րդ և 4-րդ կուրսերի ուսանողները Տնտեսագիտության ֆակուլտետի դեկան, ֆ.մ.գ.թ., դոցենտ Ա. Մարգարյանի և Ընդհանուր տնտեսագիտության ամբիոնի դոցենտ, տ.գ.թ. Ս. Պարսյանի ուղեկցությամբ ճանաչողական այց են կատարել Ագարակի պղնձամոլիբդենային կոմբինատ:

Այցելության նպատակն էր ուսանողներին անմիջականորեն ծանոթացնել հանքարդյունաբերության ոլորտին, կոմբինատի գործունեությանը, արտադրական գործընթացներին, կիրառվող տեխնոլոգիաներին և հանքարդյունաբերական աշխատանքների կազմակերպման առանձնահատկություններին:

Համալսարանականներին ներկայացվեցին կոմբինատի արտադրական ենթակառուցվածքները, հանքարդյունաբերության ժամանակակից գործընթացները, ոլորտի տնտեսական նշանակությունը և ՀՀ տնտեսության զարգացման գործում կոմբինատի ունեցած դերակատարությունը:

Նախաձեռնությունը լավ հնարավորություն էր նաև մոտիկից ծանոթանալու Սյունիքի մարզի տնտեսական ներուժին, արդյունաբերական ենթակառուցվածքներին և սոցիալ-տնտեսական զարգացման առանձնահատկություններին:

Նման գիտաճանաչողական այցերը կարևոր նշանակություն ունեն ուսանողների մասնագիտական կողմնորոշման, տեսական գիտելիքների գործնական ամրապնդման, մասնագիտական հետաքրքրությունների ընդլայնման և կրթություն-գործարարություն կապերի զարգացման տեսանկյունից:

ԵՊՀ ԻՄ ղեկավարության անունից շնորհակալություն ենք հայտնում «Ագարակի պղնձամոլիբդենային կոմբինատ» փակ բաժնետիրական ընկերությանը՝ նախաձեռնությանն աջակցելու, ջերմ ընդունելության և այցի կազմակերպման ու իրականացման համար անհրաժեշտ պայմաններ ապահովելու համար:

Տարածել նյութը
©2026 Բոլոր իրավունքները պաշտպանված են: