2019թ. մայիսի 15-ին ԵՊՀ Իջևանի մասնաճյուղում կայացավ սեղանի թենիսի մարզային առաջնություն, որը կազմակերպել էր Արտակարգ իրավիճակների, մարմնակրթության և սպորտի ամբիոնը:
Առաջնության մասնակիցների միջև ընթացավ թեժ պայքար: Ակտիվությամբ աչքի ընկավ Նոյեմբերյանի շրջանի Պտղավան գյուղը:
Աղջիկների մրցապայքարում առաջին տեղը գրավեց Պտղավանի միջնակարգ դպրոցի աշակերտուհի Ռիտա Կարապետյանը:
Երկրորդ և երրորդ տեղերը համապատասխանաբար գրավեցին Պտղավանի միջնակարգ դպրոցի աշակերտուհի Անի Ադամյանը և ԵՊՀ ԻՄ-ի դասախոս Վարդիթեր Պողոսյանը:
Տղաների մրցապայքարն առավել հետաքրքիր էր: Կիսաեզրափակիչ դուրս եկան Պտղավանի միջնակարգ դպրոցի տնօրեն Լեռնիկ Սաֆարյանը, ֆիզկուլտուրայի ուսուցիչ Տարոն Բաբաջանյանը և ԵՊՀ ԻՄ-ի շրջանավարտ Վահե Վարշամյանը:
Խաղն ընթացավ շրջանաձև մրցապայքարով:
Միավորների բացարձակ առավելությամբ առաջին տեղը գրավեց Վահե Վարշամյանը:
Երկրորդ և երրորդ տեղերը գրավեցին Լեռնիկ Սաֆարյանը և Տարոն Բաբաջանյանը:
Հաղթողները պարգևատրվեցին մեդալներով:
Լուսանկարներ
Տարածել նյութը
