Դասընթացին դիմել է Իջևանի ու հարակից համայնքների 30 և բարձր տարիքի 23 անձ, որոնցից 15-ը հրավիրվել է նախնական թեստավորման: Դասընթացը հաջողությամբ ավարտել են 11 սովորողներ, ովքեր ամբողջ ծրագրի ընթացքում ցուցաբերել են ակտիվ ներգրավվածություն և շարունակական առաջընթաց:

Մասնակիցների լեզվական հմտությունների աճը գնահատվել է նախնական և ամփոփիչ թեստերի համեմատությամբ: Բոլոր ավարտողները ցուցաբերել են հստակ և չափելի բարելավում, որն արտացոլում է ծրագրի բարձր արդյունավետությունը և կիրառված ուսումնական մեթոդների արդյունքայնությունը:

Դասընթացի մասնակիցները ձեռք բերեցին ամերիկյան անգլերենի հիմնական գիտելիքներ և անգլերենով հաղորդակցության գործնական հմտություններ:

Սկսնակների համար նախատեսված անգլերենի ինտենսիվ դասընթացը հաջողությամբ ավարտվեց՝ ապահովելով բարձր որակ, արդյունավետ մեթոդաբանություն և տեսանելի առաջընթաց բոլոր ավարտողների դեպքում:

Մասնակիցներն արտահայտեցին ծրագրի վերաբերյալ իրենց գոհունակությունը՝ ցանկություն հայտնելով, որ նման ծրագրերը լինեն շարունակական և ավելի երկարաժամկետ:

Ծրագիրն իրականացնում է Միջազգային կրթության ամերիկյան խորհուրդների Հայաստանի գրասենյակը Հայաստանում ԱՄՆ դեսպանատան ֆինանսավորմամբ իրականացվող «Աջակցություն Հայաստանում ամերիկյան անկյունների ցանցին» ծրագրի շրջանակներում: