Խաղասեղանների շուրջ հանդիպեցին չորս ուսանողական թիմեր՝ իրենց գիտելիքները, արձագանքման արագությունը, տրամաբանությունն ու թիմային աշխատանքի կարողությունները ստուգելունպատակով: 

Հարցերը պատմության, գիտության, արվեստի, գրականության, ժամանակակից տեխնոլոգիաների ոլորտներիցէին:

Մասնակիցները ցուցադրեցին պատրաստվածության բարձր մակարդակ, թիմային ոգի և հաղթելու ձգտում: Մրցաշարը միավորեց տարբեր ուսումնական հաստատությունների ուսանողներին, իսկ խաղը դարձավ ոչ միայն ինտելեկտուալ մրցակցություն, այլև շփման և փորձի փոխանակման հարթակ:

Մրցաշարի արդյունքների համաձայն՝առաջատար դարձան ԵՊՀ Իջևանի մասնաճյուղի («Տավուշ») և Տավուշի տարածաշրջանային քոլեջի («Քոլեջ») թիմերը։ Հենց նրանք էլ կներկայացնեն Իջևանը ինտելեկտուալ մրցաշարի եզրափակչում, որտեղ կհանդիպեն Շիրակի և Լոռու ամենաուժեղ թիմերին:

Եզրափակչի մասնակիցներին սպասում են նոր բարդ հարցեր, վառ հույզեր և մրցաշարի լավագույն գիտակների կոչման համար պայքարելու հնարավորություն: