Բաց առաջնությանը մասնակցում էին Սարիգյուղի (2 թիմ), Իջևանի վարժարանի, Աչաջրի, Իջևանի ավագ դպրոցի թիմերը և ԵՊՀ Իջևանի մասնաճյուղի 3 թիմ:

Մասնակիցներին ողջունեց ԵՊՀ ԻՄ արտակարգ իրավիճակների, մարմնակրթության և սպորտի ամբիոնի դասախոս Վ. Պողոսյանը, նրանց ցանկացավ հաջողություն և ազնիվ մրցակցություն, իսկ հանդիսատեսին՝ դիտարժան խաղ:

Խաղերն ընթացան օլիմպիական մրցակարգով, երբ պարտվողը դուրս է մնում հետագա պայքարից:

Մրցակից թիմերը մղեցին համառ պայքար՝ դրսևորելով բարձր վարպետություն և ցուցադրելով գեղեցիկ խաղ: 

Եզրափակիչ դուրս եկան Սարիգյուղի 1-ին թիմը և ԵՊՀ Իջևանի մասնաճյուղի հավաքական թիմը:

Համառ պայքարում հաղթեց Սարիգյուղի 1-ին թիմը:

Երկրորդ տեղը գրավեց ԵՊՀ Իջևանի մասնաճյուղի հավաքական թիմը:

Երրորդ տեղը զբաղեցրեց Սարիգյուղի 2-րդ թիմը:

Մրցանակային տեղեր գրաված թիմերը ԵՊՀ Իջևանի մասնաճյուղի տնօրենության կողմից պարգևատրվեցին գավաթներով, մեդալներով և պատվոգրերով: