Պաշտոնական հրավերով փառատոնին մասնակցեցին և զեկուցումներով հանդես եկան ԵՊՀ Իջևանի մասնաճյուղի հումանիտար գիտությունների ֆակուլտետի օտար լեզուների ամբիոնի պրոֆեսոր, մ.գ.թ. Սվետլանա Մինասյանը և ասիստենտ Ելենա Շուվաևան:

Փառատոնում Ելենա Ալեքսեևնա Շուվաևան ստացավ միջազգային բարձր պարգև՝ ՄԱԿ-ի «Խաղաղության աղավնի» արծաթե շքանշան: Մրցանակը, ըստ կանոնադրության և կանոնակարգի, հանձնեց ՄԱԿ-ի «Եվրոպայի, Ասիայի և Աֆրիկայի մարդասիրական զարգացման համար խաղաղության զինվորներ» կազմակերպության բուլղարական մասնաճյուղի ղեկավար, գեներալ-մայոր Պավլետ Նայդենովը: Հարկ է նշել Ե. Շուվաևայի գրքերի հաջող ներկայացումը՝ «Անմահության ձայներ», 1941-1945 թվականների Հայրենական մեծ պատերազմի հայ վետերանների հուշագրությունները, «Արարարատի ժամանակը» և Լաչին Ստեփանյանի գիրքը, որի թարգմանիչն ու կազմողը Ե. Շուվաևան է:

Սոֆիայի Նոր բուլղարական համալսարանի պաշտոնական հրավերով ԵՊՀ ԻՄ օտար լեզուների ամբիոնի պրոֆեսոր Սվետլանա Միխայլովնա Մինասյանը ծանոթացավ համալսարանի ուսումնական ծրագրերին, օտար լեզուների ամբիոնի դասախոսների հետ, ներկայացրեց ԵՊՀ Իջևանի մասնաճյուղի մասին զեկուցում՝ անդրադառնալով համալսարանի կրթական, գիտական, միջազգային գործունեությանը: Հունիսի 12-ին տեղի ունեցավ «Մագիստրատուրայում հումանիտար ֆակուլտետների համար կրթական ծրագրերի մշակում» թեմայով սեմինար-քննարկում, որը վարեց ԵՊՀ ԻՄ օտար լեզուների ամբիոնի պրոֆեսոր Սվետլանա Մինասյանը: 

Նա առաջարկեց մի մոդել, որը կարող է արդյունավետ լինել ուսանողների համար: Ընդգծվեց, որ մագիստրոսական ծրագրի մոդելը ուսանողների պատրաստվածության ավելի խորը մակարդակով, պատրաստվածության որակի նկատմամբ ավելի խիստ պահանջներով և բարձրագույն կրթության ոլորտում ուսման շարունակությունն է: Դրա համար անհրաժեշտ է լուծել երեք կարևոր խնդիր. առաջինը նախապատրաստականն է, որը դրսևորվում է ավելի կոնկրետ մասնագիտացման ընտրության և տեսական գիտելիքների, հմտությունների և կարողությունների խորացման մեջ: 

Երկրորդ խնդիրը գիտահետազոտական աշխատանքն է, որը դրսևորվում է ուսանողների կրթական գործընթացում, որտեղ նրանք ակտիվորեն զարգացնում են հետազոտական որակներ և կարողություններ, հրապարակում են իրենց աշխատանքները: 

Երրորդ խնդիրը կարիերան է. մագիստրոսի կոչում ունեցողների համար, ինչպես ցույց է տալիս պրակտիկան, ավելի հեշտ է կառուցել մասնագիտական կարիերա և արագորեն բարձրանալ համապատասխան աստիճանով, պատրաստվել ասպիրանտուրային: Քննարկման հիման վրա առաջ քաշվեց 2026-2027 թթ. Erasmus+ ծրագրին ներկայացնելու համար նախագիծ մշակելու գաղափարը:

Բուլղարիա կատարված ուղևորության արդյունավետության մասին է վկայում վերջնական աշխատանքը՝ Պրեսլավի Շուման եպիսկոպոս Կոնստանտինի հետ համաձայնագրի կնքումը՝ Հումանիտար գիտությունների ֆակուլտետի և Վառնայի հայկական սփյուռքի բարեգործական կազմակերպության միջև: