2025 թ. սեպտեմբերի 25-ին ԵՊՀ Իջևանի մասնաճյուղում տեղի ունեցավ տնօրեն Մ. Օթարյանի հետ հանդիպում, որին մասնակցում էին Հայաստանում Ֆրանսիայի դեսպանության կրթական և մշակութային համագործակցության գծով կցորդ Դոմինիկ Վեյսը, «Ֆրանսերենի խթանումը Հայաստանում. արդիականացում և խթանում» ծրագրի համակարգող Սյուզան Թորոսյանը, ֆրանսիացի կամավոր Կորդելիա Դեկսը, Հումանիտար գիտությունների ֆակուլտետի դեկանի պաշտոնակատար Ն. Գրիգորյանը, Օտար լեզուների ամբիոնի դասախոս Ա. Հովհաննիսյանը:
Հանդիպման նպատակն էր ԵՊՀ ԻՄ տնօրենությանը ներկայացնել ֆրանսիացի կամավոր Կորդելիա Դեկսին: Նա ցանկություն էր հայտնել կամավորական սկզբունքով, իբրև լեզվակիր աշխատելու ԵՊՀ Իջևանի մասնաճյուղի «Օտար լեզու և գրականություն» մասնագիտության ուսանողների հետ մինչև 2025-2026 ուսումնական տարվա ավարտը:
Հանդիպման ընթացքում ֆրանսիացի կամավորը խոսեց իր մասնագիտական ուղղվածության, ԵՊՀ Իջևանի մասնաճյուղում կամավորական գործունեություն ծավալելու իր մեծ պատրաստակամության մասին:
Քննարկվեցին բուհում և ընդհանրապես Տավուշի տարածաշրջանում ֆրանսերենի ամրապնդմանը, ֆրանկոֆոնիայի զարգացմանը վերաբերող հարցեր, երկկողմ համագործակցության հեռանկարները:
Տարածել նյութը
