Վերապատրաստումներն իրականացնում են ԵՊՀ Իջևանի մասնաճյուղի, հանրապետության և մարզի առաջատար ու արհեստավարժ մասնագետները, և դրանք նպատակ ունեն զարգացնելու ուսուցիչների՝ նորարարական մեթոդներով և աշակերտակենտրոն մոտեցումներով դասավանդման հմտությունները:

Հերթական ատեստավորման ենթակա ուսուցիչների վերապատրաստումները մասնաճյուղում նախատեսված է անցկացնել 3 տարվա ընթացքում տարրական և երկրորդ (ձեռնահասություն) մակարդակի բոլոր՝ 12 բաժիններով:

Այժմ վերապատրաստումներ իրականացվում են 2՝ «Մասնագիտական բարեվարքություն, ժողովրդավարական և քաղաքացիական կարողունակություն» և «21-րդ դարի հմտությունների խթանում» մոդուլներով:

Մասնաճյուղում ընթացքի մեջ է նաև «Հայոց լեզու» առարկայի կամավոր ատեստավորումը չհաղթահարած ուսուցիչների վերապատրաստումը, որին  մասնակցում են 7 ուսուցիչներ՝ Տավուշի մարզի 6 դպրոցներից: