Գիտխորհրդի նիստում հաստատվեցին բակալավրի և մագիստրոսի կրթական ծրագրերը, 2026-2027 ուստարում ԵՊՀ ԻՄ ֆինանսական միջոցների հաշվին տրամադրվող անվանական կրթաթոշակների քանակն ու չափը:

Քննարկվեցին ԵՊՀ ԻՄ-ում ստացած կրթությունից շրջանավարտների բավարարվածության վերաբերյալ 2026 թ. հարցման արդյունքներին, ԵՊՀ ԻՄ 2027 թ․ ընդունելության մասնագիտությունների ցանկին, ԵՊՀ ԻՄ ՈՒԳԸ 2025-2026 ուստարվա գործունեությանը, ԵՊՀ ԻՄ սովորողների պրակտիկայի կազմակերպման գործընթացին, բուհի ֆինանսական գործունեության մշտադիտարկմանը վերաբերող հարցեր: 

Բակալավրի և մագիստրոսի կրթական ծրագրերի հաստատման հարցի կապակցությամբ զեկուցող Ա. Մակարյանը նիստի մասնակիցներին ներկայացրեց ԵՊՀ ԻՄ բակալավրի՝ 2026-2030 թթ. առկա ուսուցման 12, 2026-2031 թթ. հեռակա ուսուցման 5 և 2026-2028 թթ. մագիստրատուրայի 2 կրթական ծրագրերն ու ֆակուլտետների խորհուրդների կողմից իրականացված փոփոխությունները, ապա կրթական ծրագրերը հաստատվեցին նիստում:
Ղեկավարվելով ԵՊՀ ԻՄ կանոնադրության 23-րդ կետի 5-րդ ենթակետով և ԵՊՀ ԻՄ գիտական խորհրդի աշխատակարգի 4-րդ կետի 5-րդ ենթակետով, ինչպես նաև ԵՊՀ ԻՄ ուսանողական նպաստների, պետական և ներբուհական կրթաթոշակների հատկացման կանոնակարգի 35-րդ կետով՝ Գիտական խորհուրդը որոշեց հաստատել ԵՊՀ ԻՄ-ում 2026-2027 ուստարում ԵՊՀ ԻՄ ֆինանսական միջոցների հաշվին տրամադրվող անվանական կրթաթոշակների քանակն ու չափը:
ԵՊՀ ԻՄ-ում ստացած կրթությունից շրջանավարտների բավարարվածության վերաբերյալ 2026 թ. հարցման արդյունքների մասին զեկուցեց ԵՊՀ ԻՄ տնօրենի խորհրդական Ա. Մակարյանը:

Մասնավորապես նշվեց, որ ամփոփիչ ատեստավորման քննություններից հետո Կրթական բարեփոխումների և դասախոսների վերապատրաստման բաժնի կողմից իրականացված հարցման նպատակն էր պարզել շրջանավարտների բավարարվածությունը մասնաճյուղում ուսումնական գործընթացի կազմակերպումից և իրականացումից, պրակտիկաների կազմակերպումից, մատուցվող ծառայություններից և ռեսուրսներից, համալսարանական միջավայրից, գնահատման գործող համակարգից, գնահատման օբյետիվությունից և այլն:

ԵՊՀ ԻՄ 2025-2026 ուստարվա շրջանավարտները հիմնականում առանձնացրել են մասնաճյուղի հետևյալ ուժեղ կողմերը.
    արդյունավետ ուսուցում, որակյալ կրթություն,
    հետևողական, հմուտ, փորձառու, որակյալ, աջակցող դասախոսական կազմ,
    կարգապահություն, համակարգված գործունեություն և կառավարում,
    ուսանողակենտրոն միջավայր, ակտիվ ուսանողական կյանք,  
    տարածաշրջանում մասնաճյուղի առկայություն, մատչելի և հասանելի կրթություն,
    ճկուն զեղչային համակարգ,
    նորացվող և պարբերաբար թարմացվող նյութատեխնիկական ռեսուրսներ,
    տարբեր կրթական ծրագրերի առկայություն և այլն:

Շրջանավարտների կողմից հիմնականում վերհանվել են հետևյալ խնդիրները.
    տեսական գիտելիքները գործնականում կիրառելու կարողությունների  զարգացման անհրաժեշտություն, 
    օտար լեզվի իմացության մակարդակի բարձրացման անհրաժեշտություն,
    դասընթացներին գործնական բաղադրիչներին հատկացված ժամաքանակի ավելացում,
    գնահատման ոչ օբյեկտիվ տարրերի բացառում և այլն:

Ընդհանուր առմամբ ԵՊՀ ԻՄ-ում ստացած իրենց կրթությունը շրջանավարտները գնահատել են բարձր (միջին գնահատականը՝ 4.5), առկա ուսուցման համակարգում նրանց 95%-ը և հեռակա ուսուցման համակարգում 99%-ը   խորհուրդ կտան իրենց մերձավորներին և ընկերներին ընդունվել ԵՊՀ Իջևանի մասնաճյուղ (այս արդյունքները ամենաբարձրն են վերջին 5 տարվա համար):

Կրթական բարեփոխումների և դասախոսների վերապատրաստման բաժինը հավաքագրված տվյալները և վերլուծությունները կուղարկի համապատասխան ստորաբաժանումներ՝ գործընթացների բարլավմանն ուղղված գործողություններ մշակելու նպատակով:
Ղեկավարվելով «Երևանի պետական համալսարան» հիմնադրամի Իջևանի մասնաճյուղի կանոնադրության 23-րդ կետով և ԵՊՀ ԻՄ գիտական խորհրդի աշխատակարգի 4-րդ կետով՝ ԵՊՀ ԻՄ գիտական խորհուրդը որոշեց հաստատել ԵՊՀ ԻՄ բակալավրի և մագիստրատորայի կրթական ծրագրերով (առկա, հեռակա) 2027-2028 ուսումնական տարվա ընդունելության նախնական ցանկը:

ԵՊՀ ԻՄ ՈՒԳԸ 2025-2026 ուստարվա գործունեության վերաբերյալ զեկուցեց Լ. Բլբուլյանը՝ ներկայացնելով հաշվետու ժամանակահատվածում ուսանողական կառույցի կողմից իրականացված կրթագիտական մի շարք միջոցառումներն ու նախաձեռնությունները:
Գիտխորհրդի անդամների կողմից դիտարկում արվեց, որ ՈՒԳԸ-ն իր գործունեության ծրագրում կարևորի ուսանողների գիտահետազոտական աշխատանքների կազմակերպումը, առավել հաճախակի կազմակերպի ուսանողական գիտական նստաշրջաններ, զեկուցումների շարքեր և այլն՝ այդ գործում առաջարկելով և կարևորելով պրոֆեսորադասախոսական անձնակազմի ներկայացուցիչների և ՈՒԳԸ ֆակուլտետային պատասխանատուների աջակցությունը:
ԵՊՀ Իջևանի մասնաճյուղի ուսանողական գիտական ընկերության՝ 2025-2026 ուստարվա գործունեությունը գնահատվեց բավարար: 

ԵՊՀ ԻՄ սովորողների պրակտիկայի կազմակերպման գործընթացի մասին հաղորդում ներկայացնող Լ. Բեգինյանը նշեց, որ 2025-2026 ուսումնական տարվա ընթացքում, ըստ բակալավրի և մագիստրատուրայի աշխատանքային ուսումնական պլանների, նախատեսված է եղել 38 պրակտիկա (1-ին կիսամյակում՝ 10, 2-րդ կիսամյակում՝ 28):
Ուսանողների պրակտիկայի կազմակերպման համար հաշվետու ժամանակահատվածում մասնաճյուղը պետական և ոչ պետական տարբեր կազմակերպությունների, հիմնարկ-ձեռնարկությունների հետ ունեցել է 17 հուշագիր, 1 համաձայնագիր և 29 պայմանագիր:
Ուսումնական պրակտիկաները կազմակերպվել են 6 կրթական ծրագրով։ Մասնակցել է 104 ուսանող: Աշխարհագրական առումով ընդգրկվել են ք․Երևանը և ՀՀ 3 մարզ (Տավուշի, Գեղարքունիքի, Կոտայքի):
Մանկավարժական պրակտիկաները կազմակերպվել են մասնաճյուղի հետ պայմանագիր ունեցող 2 և աշխատանքային վայր հանդիսացող Տավուշի մարզի 14 հանրակրթական դպրոցներում: Մանկավարժական պրակտիկային մասնակցել է 74 ուսանող:
Մասնագիտական պրակտիկաներն իրականացվել են 10 բակալավրական և 2 մագիստրոսական կրթական ծրագրերով՝ խմբային և ոչ խմբային եղանակներով: Մասնակցել է 299 ուսանող:
Մանկավարժական և մասնագիտական պրակտիկաների ավարտից հետո Պրակտիկայի կազմակերպման և շահակիցների հետ համագործակցության (ՊԿՇՀ) բաժինը կազմակերպել է արտաքին շահակիցների հարցում՝ գնահատելու պրակտիկանտ ուսանողների մասնագիտական պատրաստվածությունը, մանկավարժական կարողությունները և անձնային հատկանիշները, ինչպես նաև բացահայտելու բարելավման հնարավոր ուղղությունները: Բաժինը նաև  իրականացրել է մասնագիտական պրակտիկաների վերաբերյալ ուսանողական հարցում՝ կարևորելով մասնագիտական պրակտիկայի կազմակերպման արդյունավետության, ուսումնական նպատակների իրագործման, համագործակցության որակի և գործնական հմտությունների ձեռքբերման վերաբերյալ ուսանողների գնահատականները:
Ուսանողական հարցման արդյունքները ցույց են տալիս, որ ուսանողների մեծամասնությունը գոհ է մասնագիտական պրակտիկայի կազմակերպումից, իսկ դժվարությունները հիմնականում կրել են անհատական բնույթ: Տրված գնահատականները համընկնում են արտաքին շահակիցների դիտարկումների հետ՝ ապահովելով պրակտիկայի արդյունավետության ամբողջական գնահատում: Հարցման արդյունքները կարևոր հիմք են պրակտիկայի կազմակերպչական և մեթոդական շարունակական բարելավման, կրթական ծրագրերի կատարելագործման և գործատու կազմակերպությունների հետ համագործակցության հետագա զարգացման համար:
ՊԿՇՀ բաժինը արտաքին շահակիցների և ուսանողական հարցումների արդյունքների վերլուծությունը կներկայացնի մասնագիտական ամբիոններին և կրթական ծրագրերի ղեկավարներին՝ դրանց քննարկման և կրթական գործընթացի կատարելագործմանն ուղղված որոշումների կայացման նպատակով:
ԵՊՀ ԻՄ ֆինանսական գործունեության մշտադիտարկման արդյունքների մասին զեկուցեց գլխավոր հաշվապահ Մ. Մխիթարյանը՝ ներկայացնելով ԵՊՀ ԻՄ 2026 թ. եկամուտների և ծախսերի նախահաշվի (բյուջե) 6 ամսվա կատարողականը (ս.թ. հունվարից մինչև հուլիսի 1-ը):
Գիտխորհրդի նիստում Լ. Բեգինյանի հաղորդումն ընդունվեց ի գիտություն, իսկ մասնաճյուղի ֆինանսական գործունեությունը գնահատվեց բավարար: