ԵՊՀ Իջևանի մասնաճյուղում մայիսին իրականացվել է 2024-25 ուստարվա առկա ուսուցման շրջանավարտների ամփոփիչ ատեստավորումը 11 մասնագիտության 12 կրթական ծրագրով՝ մայիսի 13-ին՝ «Անգլերեն լեզու և գրականություն», «Ֆրանսերեն լեզու և գրականություն», 17-ին՝ «Տարրական մանկավարժություն և մեթոդիկա», «Ռուսաց լեզու և գրականություն», «Ֆինանսներ (ըստ ոլորտի)», «Զբոսաշրջություն», «Դիզայն», «Դեկորատիվ-կիրառական արվեստ», 24-ին՝ «Ինֆորմատիկա և կիրառական մաթեմատիկա», «Հոգեբանություն», 31-ին՝ «Պատմություն», «Հայոց լեզու և գրականություն»:

Այս տարվա ամփոփիչ ատեստավորման գործընթացը, ըստ հանձնաժողովների նախագահների, ԵՊՀ ԻՄ ղեկավարության, վարչական ստորաբաժանումների և մասնագիտական ամբիոնների կողմից կազմակերպվել է պատշաճ կարգով և բարձր մակարդակով, ժամանակացույցների և գործող կարգով ավարտական աշխատանքների համար նախատեսված չափանիշների համաձայն:

«Հայոց լեզու և գրականություն» կրթական ծրագրի ամփոփիչ ատեստավորման հանձնաժողովը գլխավորել է Խ. Աբովյանի անվան հայկական պետական մանկավարժական համալսարանի մայրենիի և նրա դասավանդման մեթոդիկայի ամբիոնի դոցենտ, բ․գ․ դոկտոր Եվա Մնացականյանը:

Ամփոփիչ ատեստավորմանը մասնակցել է 12 շրջանավարտ. 8-ը ստացել է «գերազանց», 4-ը՝ «լավ»:

Հանձնաժողովի նախագահի կարծիքով՝ ամփոփիչ ատեստավորման գործընթացը կազմակերպված էր ըստ պատշաճի և բարձր մակարդակով:

Մասնագետների պատրաստման որակի հետագա բարելավման ուղղությամբ նախագահն առաջարկել է՝

• աշխատանքներում առավել կարևոր տեղ հատկացնել հետազոտական մասին,

• թեմաներն ընտրելիս կատարել դրանց նեղացում,

• վերանայել գիտական ապարատը՝ ընդգրկելով վերջին ժամանակահատվածում լույս տեսած գիտական գրականությունը,

• առավել մեծ ուշադրություն դարձնել աշխատանքի նպատակի, խնդիրների ձևակերպումներին,

• Սահիկաշարերի բովանդակությունը և կառուցվածքը ձևավորել ըստ հանգուցային դրույթների: 

Նախագահը նաև կարծիք է արտահայտել, որ առանձին թեմաների կապակցությամբ հետագայում կարելի է ընդարձակել գիտական հետաքրքրությունը, որը կապահովի առավել բարձրարժեք տեսական, գիտական հաջողություններ:  

«Պատմություն» կրթական ծրագրի ամփոփիչ ատեստավորման հանձնաժողովը նախագահել է Խ. Աբովյանի անվան հայկական պետական մանկավարժական համալսարանի պատմության և հասարակագիտության ֆակուլտետի դեկան, պ․գ․թ․, դոցենտ Էդգար Հովհաննիսյանը:

Ամփոփիչ ատեստավորմանը մասնակցել է 5 շրջանավարտ. 1-ը ստացել է «գերազանց», 4-ը՝ «լավ»:

Մասնագետների պատրաստման որակի հետագա բարելավման ուղղությամբ հանձնաժողովի նախագահի կողմից առաջարկվել է ավարտական աշխատանքների թեմաների ընտրության հարցում ուշադրություն դարձնել ավելի նեղ և հետազոտական բաղադրիչ ենթադրող թեմաներին: Պաշտպանության ներկայացված որոշ թեմաներ ունեին ժամանակագրական մեծ ընդգրկում:

Ըստ հանձնաժողովի նախագահի՝ աշխատանքները կշահեին, եթե ավելի մեծացվեր դրանց աղբյուրագիտական հենքը: Օգտագործված օտարալեզու գրականությունը հաճախ վերլուծության ենթարկված չէր:

«Հոգեբանություն»կրթական ծրագրի ամփոփիչ ատեստավորման հանձնաժողովը գլխավորել է Խ. Աբովյանի անվան հայկական պետական մանկավարժական համալսարանի կրթության հոգեբանության և սոցիոլոգիայի ֆակուլտետի դեկան, հ․գ․թ․, պրոֆեսոր Ռուզաննա Պետրոսյանը:

Ամփոփիչ ատեստավորմանը մասնակցելէ 10 շրջանավարտ. 8-ը ստացել է «գերազանց», 2-ը՝ «լավ»:

Մասնագետների պատրաստման որակի հետագա բարելավման համար հանձնաժողովի նախագահն առաջարկել է հետազոտության ընտրանքում անպայման ներառել ներդրման ակտեր, որոնք ցույց կտան հետազոտության տվյալների հավաստիությունը:

Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվել է նրանց պրակտիկ հմտությունների, կարողությունների զարգացման համար կազմակերպել համապատասխան պրակտիկաներ, որտեղ կարող են իրականացնել իրենց հետազոտությունները: 

«Ինֆորմատիկա և կիրառական մաթեմատիկա» կրթական ծրագրի ամփոփիչ ատեստավորման հանձնաժողովը նախագահել է «Ճարտարապետության և շինարարության Հայաստանի ազգային համալսարան» հիմնադրամի ինֆորմատիկայի, հաշվողական տեխնիկայի և կառավարման համակարգերի ամբիոնի պրոֆեսոր,տեխ․ գիտ․ դոկտոր Համլետ Հարությունյանը:

Ամփոփիչ ատեստավորմանը մասնակցել է 18 շրջանավարտ. 10-ը ստացել է «գերազանց», 5-ը՝ «լավ», 3-ը՝ «բավարար»:

Հանձնաժողովի նախագահի կարծիքով՝ աշխատանքների բովանդակությունը հիմնականում հստակ ձևակերպված էր, տեսական և գործնական մասերը կազմում էին տրամաբանական շարունակություն: Պաշտպանության մակարդակը բարձր էր, ուսանողները վստահ ներկայացնում էին իրենց տեսակետները:

Մասնագետների պատրաստման որակի հետագա բարելավման ուղղությամբ նախագահն առաջարկել է.

• Ավարտական աշխատանքների թեմաների  ընտրության ժամանակ  հատուկ ուշադրություն դարձնել տեսական հետազոտության և արդյունքների պրակտիկ ներդրման վրա, թեմաները համապատասխանեցնել ՏՏ ոլորտի զարգացման արդի ուղղություններին, հնարավորինս ներառել տարածաշրջանի հետ առնչվող ՏՏ խնդիրներ։ Անհրաժեշտ է նաև հաշվի առնել ուսանողների կողմից ձեռք բերվող գիտելիքների հետագա կիրառման հեռանկարները:

• Ավարտական աշխատանքների թեմաներում ներառել միջմասնագիտական հետազոտություններ, խրախուսել տարբեր կրթական ծրագրերով ուսուցանվող ուսանողների համատեղ աշխատանքները:

• Անհրաժեշտ է ուժեղացնել միջազգային ծրագրերի հետ ինտեգրացման գործընթացները, արտասահմանյան բուհերի հետ կապը և համագործակցությունը:

«Դեկորատիվ-կիրառական արվեստ» և «Դիզայն» կրթական ծրագրերի ամփոփիչ ատեստավորման հանձնաժողովը գլխավորել է Հայաստանի գեղարվեստի պետական ակադեմիայի միասնական ամբիոնի դոցենտ Զարուհի Մանուկյանը: 

«Դեկորատիվ-կիրառական արվեստ» կրթական ծրագրի ամփոփիչ ատեստավորմանը մասնակցել է 8 շրջանավարտ. 6-ը ստացել է «գերազանց», 2-ը՝ «լավ»:

Մասնագետների պատրաստման որակի հետագա բարելավման ուղղությամբ նախագահի կողմից առաջարկվել է՝

• ստեղծել պայմաններ՝ աշխատանքները ժամանակին նյութով կատարելու համար,

• ցույց տալ աշխատանքային փնտրումները, վերջնական և միջանկյալ էսքիզները,

• սրբագրել տեսական մասը, ավելի մանրակրկիտ կատարել նյութի ուսումնասիրությունները,

• աշխատել կատարման տեխնիկայի, նորարարությունների կիրառման վրա:

«Դիզայն» կրթական ծրագրի ամփոփիչ ատեստավորմանը մասնակցել է 7 շրջանավարտ. 6-ը ստացել է «գերազանց», 1-ը՝ «լավ»:

Հետագա բարելավման համար նախագահն առաջարկել է՝

• զարգացնել գունապնակը՝ անդրադառնալով ժամանակակից միտումներին,

• ուշադրություն դարձնել ինտերիերի և էքստերիերի համադրությանը,

• զարգացնել շրջանավարտների՝ աշխատանքի ներկայացման, անկաշկանդ բանավոր խոսքի հմտությունները: 

«Զբոսաշրջություն» կրթական ծրագրի ամփոփիչ ատեստավորման հանձնաժողովը նախագահել է Գերմանիայի միջազգային համագործակցության ընկերության (GIZ) Դեմո ծրագրերի խորհրդատու, աշխ․ գ․ դոկտոր, պրոֆեսոր Հովիկ Սայադյանը: 

Ամփոփիչ ատեստավորմանը մասնակցել է 16 շրջանավարտ. 6-ը ստացել է «գերազանց», 5-ը՝ «լավ», 5-ը՝ «բավարար»:

Հանձնաժողովի նախագահը նշել է, որ շատ աշխատանքներ պարունակում էին հետազոտական և նորարարական տարրեր, արժեքավոր վերլուծությունների օրինակներ:

Մասնագետների պատրաստման որակի հետագա բարելավման ուղղությամբ նախագահի կողմից առաջարկվել է ավարտական աշխատանքների շարադրման ժամանակ ավելի մեծ ուշադրություն դարձնել պատշաճ հղումներ կատարելուն և դրանք գրականության ցանկում արտացոլելուն, զգալիորեն բարձրացնել քարտեզագրական և ցուցադրական նյութերի որակը: Նախագահը նաև կարծիք է հայտնել, որ աշխատանքները ներկայացնելիս որոշ շրջանավարտների դեպքում նկատվում էր կաշկանդվածություն, ինչպես նաև առաջնայինը երկրորդականից տարբերելու խնդիր:  

«Ֆինանսներ (ըստ ոլորտի)» կրթական ծրագրի ամփոփիչ ատեստավորման հանձնաժողովը գլխավորել է ՀՀ կենտրոնական բանկի վիճակագրության վարչության պետ, տ․գ․թ․, ասիստենտ Գագիկ Աղաջանյանը:

Ամփոփիչ ատեստավորմանը մասնակցել է 19 շրջանավարտ. 8-ը ստացել է «գերազանց», 6-ը՝ «լավ», 5-ը՝ «բավարար»:

Հանձնաժողովի նախագահի խոսքով՝ որոշաշխատանքներումբավականին հավակնոտ և նորարարական առաջարկություններ ու լուծումներ են տրվել:  

Մասնագետների պատրաստման որակի հետագա բարելավման ուղղությամբ առաջարկվել է հետազոտական աշխատանքներն ավելի բազմակողմանի դարձնել, հետազոտության արդյունքները զարգացնել, ներկայացնել տնտեսական քաղաքականություններ իրականացնող գերատեսչություններին և առհասարակ լայն հասարակությանը:

«Ռուսաց լեզու և գրականություն» կրթական ծրագրի ամփոփիչ ատեստավորման հանձնաժողովը նախագահել է «Վ. Բրյուսովի անվան պետական համալսարան» հիմնադրամի ռուսերենի ամբիոնի պրոֆեսոր, մ․գ․ դոկտորԻննա Սարգսյանը:

Ամփոփիչ ատեստավորմանը մասնակցել է 13 շրջանավարտ. 12-ը ստացել է «գերազանց», 1-ը՝ «լավ»:

Ըստհանձնաժողովի նախագահի՝ ամփոփիչ ատեստավորման գոծընթացը կազմակերված էր բարձր մակարդակով: Ավարտական աշխատանքների պաշտպանությունը ցույց տվեց գիտական ղեկավարների փայլուն, համալսարանի աշխատակիցների հստակ և արհեստավարժ աշխատանքը: Ուսանողները պատշաճ ձևով ներկայացրին իրենց ավարտական աշխատանքները, որոնց մեծ մասը բովանդակալից և ստեղծագործական էր:

Գերազանց ստացածուսանողներիննախագահն առաջարկել է շարունակել ուսումը մագիստրատուրայում:

Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվել է ավելի ակտիվ մասնակցել գիտաժողովներին:

«Տարրական մանկավարժություն և մեթոդիկա» կրթական ծրագրի ամփոփիչ ատեստավորման հանձնաժողովը գլխավորել է Խ. Աբովյանի անվան հայկական պետական մանկավարժական համալսարանի մանկավարժության ամբիոնի դոցենտ, մ․գ․թ․Սուսաննա Սիսյանը:

Ամփոփիչ ատեստավորմանը մասնակցել է 18 շրջանավարտ. 7-ը ստացել է «գերազանց», 10-ը՝ «լավ», 1-ը՝ «բավարար»:

Հանձնաժողովի նախագահի կարծիքով՝ շրջանավարտները դրսևորել են մասնագիտական գրականությունից օգտվելու և դրանք սեփական մեկնաբանություններով վերլուծելու, համադրելու և ինքնուրույն մասնագիտական եզրակացություններ կատարելու հմտություններ: Ավարտական աշխատանքների ներկայացման մակարդակը համապատասխանել է հրապարակային պաշտպանությանը ներկայացվող պահանջներին, հնչել է պատշաճ, մասնագիտորեն գրագետ և հիմնավոր բանավոր խոսք:

Հետագա բարելավման ուղղությամբ առաջարկվել է ավարտական աշխատանքների թեմաներն ընդգրկել բացառապես տարրական դպրոցի մանկավարժության և մեթոդիկաների ոլորտներից, առավել կարևորել դրանց հետազոտական բաղադրիչը, հասնել նրան, որ որ ավարտական աշխատանքի պաշտպանության ընթացքում սովորողները դրսևորեն ոչ միայն տվյալ թեմային վերաբերող իրենց կարողունակությունները, այլև ուսումնական 4 տարիների ընթացքում ձեռք բերած գիտելիքներն ու կարողությունները:

«Օտար լեզու և գրականություն» մասնագիտության («Ֆրանսերեն լեզու և գրականություն», «Անգլերեն լեզու և գրականություն» կրթական ծրագրերի) ամփոփիչ ատեստավորման հանձնաժողովը նախագահել է «Հայաստանի եվրոպական համալսարան» հիմնադրամի կիրառական լեզվաբանության ամբիոնի վարիչ, բ․գ․թ․, դոցենտ Սոնա Հակոբյանը:

«Ֆրանսերեն լեզու և գրականություն» կրթական ծրագրի ամփոփիչ ատեստավորմանը մասնակցել է 6 շրջանավարտ. 5-ը ստացել է «գերազանց», 1-ը՝ «լավ»: «Անգլերեն լեզու և գրականություն» կրթական ծրագրի ամփոփիչ ատեստավորմանը մասնակցել է 25 շրջանավարտ. 11-ը ստացել է «գերազանց», 11-ը՝ «լավ», 3-ը՝ «բավարար»:

Ըստ հանձնաժողովի նախագահի՝ աշխատանքներում շատ մանրակրկիտ և լեզվական խորքային վերլուծություններ պարունակող դրույթներ էին ներկայացված: Ուսանողների անգլերենի և ֆրանսերենի մակարդակը ակադեմիական առումով շատ բարձր էր: Նրանց լեզվամտածողությունը հենքային և հիմնավորված բնույթ էր կրում:

Ավարտական աշխատանքների իրականացման հետագա բարելավման ուղղությամբ հանձնաժողովի նախագահն առաջարկել է ավելի արդիական և վերլուծական լայն շրջանակ ներկայացնող թեմաներ առաջադրել:

Մասնավորապես նշվել է, որ «Ֆրանսերեն լեզու և գրականություն» կրթական ծրագրի շրջանավարտների ավարտական աշխատանքների թեմաները հիմնականում լեզվաբանության ոլորտից էին, ցանկալի կլիներ, որ լինեին նաև գրականությունից: «Անգլերեն լեզու և գրականություն» կրթական ծրագրի շրջանավարտների առնչությամբ նախագահը ցանկություն է հայտնել, որ նրանք ավելի շատ ուշադրություն դարձնեին գրականագիտական վերլուծություններին:

Բոլոր լուսանկարները տե՛ս Պատկերասրահում: