Նորություններ և իրադարձություններ

2024 թ. հոկտեմբերի 16-ին ԵՊՀ Իջևանի մասնաճյուղի գրադարանում կայացավ Տուրիզմի կառավարման և մշակութաբանության ամբիոնի դոցենտ, արվեստաբան-գծանկարիչ Լևոն Լաճիկյանի (Լաչիկյանի)՝ Ստամբուլում վերջերս լույս տեսած «Պոլիսը՝ հին և նոր» եռալեզու պատկերագրքի շնորհանդեսը, որն ուղեկցվեց «Պոլիսը և հայերը. անցյալն ու ներկան» թեմայով բանախոսությամբ:

2024 թ. հոկտեմբերի 11-ին ԵՊՀ ԻՄ-ում իրականացվեցին 2024-2025 ուստարվա մագիստրատուրայի հեռակա ուսուցման ընդունելության հարցազրույցները և քննությունները՝ «Կառավարում» մասնագիտության «Գործարար վարչարարություն (կառավարում)» և «Ընդհանուր մանկավարժություն» մասնագիտության «Դպրոցական մանկավարժություն և մեթոդիկա» կրթական ծրագրերով:

2024 թ. հոկտեմբերի 5-ից ԵՊՀ Իջևանի մասնաճյուղում մեկնարկեցին հերթական ատեստավորման ենթակա ուսուցիչների վերապատրաստումները, որոնք կիրականացվեն մասնաճյուղի, հանրապետության և մարզի առաջատար ու արհեստավարժ մասնագետների կողմից:

ԵՊՀ Իջևանի մասնաճյուղի հրավերով բանասիրական գիտությունների պատվավոր դոկտոր, ԱՄՆ Վերմոնտ քաղաքի Միդլբերի քոլեջի պրոֆեսոր Թոմաս Ռ. Բեյերը անգլերենով և ռուսերենով երկօրյա դասախոսություններ անցկացրեց օտար լեզուներ ուսումնասիրող («ԱԼԳ», «ՖԼԳ», «ՌԼԳ» կրթական ծրագրերի) ուսանողների համար:

ԵՊՀ Իջևանի մասնաճյուղում Ա. Հ. Մակարյանի նախագահությամբ տեղի ունեցավ Գիտական խորհրդի նիստ, որի ընթացքում հաստատվեցին ԵՊՀ ԻՄ գիտական խորհրդի՝ 2024-2025 ուստարվա 1-ին կիսամյակի նիստերի ժամանակացույցը (առաջարկված փոփոխություններով հանդերձ), ԵՊՀ ԻՄ 2024-2025 ուստարվա 1-ին կիսամյակի անվանական կրթաթոշակ ստացող ուսանողների ցուցակը:

2024 թ. սեպտեմբերի 27-ին ԵՊՀ ԻՄ բնական գիտությունների ֆակուլտետում տեղի ունեցավ Եվրոպական միության և Ավստրիական զարգացման գործակալության աջակցութամբ վերազինված հետազոտական փորձասենյակի բացման հանդիսավոր արարողությունը: Ներկաների թվում էին Եվրոպական միության Կանաչ գյուղատնտեսության նախաձեռնությունը Հայաստանում (EU GAIA) ծրագրի ղեկավար Պասկալ Բոկկերսը և կանաչ տեխնոլոգիաների փորձագետ Վարդան Թոռչյանը, ՀՀ Տավուշի մարզպետի տեղակալ Նարեկ Ղուշչյանը, ԵՊՀ ԻՄ տնօրենի պաշտոնակատար Ա. Մակարյանը, Իջևանի քաղաքապետարանի պատասխանատուներ, Տավուշի՝ Պ․ Տէվէճեանի անվան տարածաշրջանային քոլեջի տնօրեն Հ. Բրուտյանը, բիզնես ոլորտից հրավիրված հյուրեր և մասնաճյուղի աշխատակիցներ, դասախոսներ և ուսանողներ:

Ինչպես նախորդ ուստարիների, այնպես էլ այս ուսումնական տարվա սկզբում՝ 2024 թ. սեպտեմբերի 26-ին, ԵՊՀ Իջևանի մասնաճյուղում տեղի ունեցավ հանդիպում «Դասավանդի՛ր, Հայաստան» (Teach for Armenia) կրթական հիմնադրամի կարիերայի զարգացման համակարգողներ Արևիկ Պռազյանի և Հասմիկ Հովհաննիսյանի հետ: Հանդիպմանը մասնակցում էին «Տարրական մանկավարժություն և մեթոդիկա», «Ինֆորմատիկա և կիրառական մաթեմատիկա» կրթական ծրագրերի ավարտական կուրսերի ուսանողները:

2024 թ. սեպտեմբերի 26-ին ԵՊՀ Իջևանի մասնաճյուղի մարզադահլիճում տեղի ունեցավ վոլեյբոլի մասնաճյուղային առաջնություն, որին մասնակցում էին կրթական ծրագրերի հավաքական թիմերը:

2024 թ. սեպտեմբերի 26-ին ԵՊՀ Իջևանի մասնաճյուղում մեկնարկեց ճանաչված հայերենագետ, համեմատական լեզվաբանության հայ լավագույն մասնագետներից մեկի՝ Հրաչ Մարտիրոսյանի (Լեյդենի համալսարան) խտացված դասընթացը՝ «Հայոց լեզվի ակունքները. հայոց լեզվի և մշակույթի պատմության հիմնահարցեր» խորագրով:

2024 թ. սեպտեմբերի 25-ին ԵՊՀ Իջևանի մասնաճյուղում կայացավ հանդիպում Հայաստանում Ֆրանսիայի դեսպանության կրթական և մշակութային համագործակցության գծով կցորդ Դոմինիկ Վեյսի, դեսպանատան՝ ֆրանսերեն լեզվի գծով համակարգող Լոռի Հովսեփյանի և ֆրանսիացի կամավոր Սելեստեն Աղսելուի հետ, որին ներկա էին ԵՊՀ ԻՄ տնօրենի պաշտոնակատար Ա. Մակարյանը, փոխտնօրեն Մ. Օթարյանը, Հումանիտար գիտությունների ֆակուլտետի դեկանի պաշտոնակատար Ն. Գրիգորյանը, «Ֆրանսերեն լեզու և գրականություն» կրթական ծրագրի ղեկավար Ռ. Միրզոյանը և Օտար լեզուների ամբիոնի դասախոս Ա. Հովհաննիսյանը: