Նորություններ և իրադարձություններ

ԵՊՀ ԻՄ «Ռուսաց լեզու և գրականություն» կրթական ծրագրի 2-րդ և 4-րդ կուրսերի ուսանողուհիներ Հասմիկ Քոքոբելյանը, Հայկուհի Քոքոբելյանը, Սեդա Ամիրջանյանը, Ասպրամ Հովհաննիսյանը, Ռոզա Ադամյանը և Նազելի Եսայանը Օտար լեզուների ամբիոնի պրոֆեսոր, մ.գ.թ. Սվետլանա Մինասյանի գիտական ղեկավարությամբ զեկուցումներով հանդես եկան ս.թ. դեկտեմբերի 10-ին Մոսկվայի քաղաքային համալսարանի Օտար լեզուների ինստիտուտի կողմից իրականացված «Ժամանակակից լեզվաբանությունը բազմաչափ տարածության մեջ. արհեստական բանականությունն ընդդեմ ավանդույթի» («В многомерном пространстве современной лингвистики: искусственный интеллект vs традиция») թեմայով միջազգային երիտասարդական համաժողովում:

2024 թ. դեկտեմբերի 10-ին ԵՊՀ Իջևանի մասնաճյուղում տեղի ունեցավ հանդիպում-քննարկում ՆԳՆ փրկարարական ծառայության Տավուշի մարզային փրկարարական վարչության բնակչության պաշտպանության բաժնի պետի ժամանակավոր պաշտոնակատար, ՓԾ մայոր Սարգիս Մարկոսյանի և Ճգնաժամային կառավարման կենտրոնի օպերատիվ հերթապահ հերթափոխի ավագ հրահանգիչ Էդգար Քամալյանի հետ:

Դեկտեմբերի 7-ը Երկրաշարժի զոհերի հիշատակի և աղետների դիմակայության օրն է: 1988 թ. դեկտեմբերի 7-ին՝ 36 տարի առաջ, ՀՀ հյուսիսային շրջաններում` գլխավոր Կովկասյան լեռնաշղթայի առանցքից մոտավորապես 150 կմ դեպի հարավ, տեղի ունեցավ ավերիչ երկրաշարժ (հետագայում այն անվանվեց Սպիտակի երկրաշարժ), որը խլեց տասնյակ հազարավոր մարդկանց կյանքեր, պատճառեց զանգվածային վնասվածքներ և փլուզումներ:

2024 թ. դեկտեմբերի 6-ին ԵՊՀ Իջևանի մասնաճյուղում տեղի ունեցավ վոլեյբոլի բաց առաջնություն, որը նպատակաուղղված էր Տավուշի մարզում սպորտի մասսայականացմանը, մասնակիցների սպորտային վարպետության բարձրացմանը, ինչպես նաև դպրոց-համալսարան կապի ամրապնդմանը:

ԵՊՀ ԻՄ և «Հույսի կամուրջ» ՀԿ միջև կնքված փոխըմբռնման հուշագրի շրջանակներում 2024 թ․ դեկտեմբերի 3-ին «Հույսի կամուրջ» հաշմանդամություն ունեցող երեխաների և երիտասարդների իրավունքների պաշտպանության հասարակական կազմակերպությունը ԵՊՀ Իջևանի մասնաճյուղում իրականացրեց «Սպորտը՝ հանուն հավասար հնարավորությունների» խորագրով մարզային աշխատաժողով, որին մասնակցեց մարզի հանրակրթական ուսումնական հաստատությունների և համայնքային կառույցների 135 ներկայացուցիչ:

ԵՊՀ Իջևանի մասնաճյուղում տեղի ունեցավ Գիտական խորհրդի նիստ՝ Ա. Հ. Մակարյանի նախագահությամբ: Գիտխորհրդի նիստում քննարկվեցին ԵՊՀ ԻՄ 2024 թ. ընդունելության արդյունքներին (առկա և հեռակա ուսուցում), 2025 թ. եկամուտների և ծախսերի նախահաշվին (բյուջե), ԵՊՀ ԻՄ շրջանավարտների վերաբերյալ արտաքին շահակիցների՝ 2023-2024 թթ. կարծիքների ուսումնասիրությանը վերաբերող հարցեր: Ներկայացվեցին Կիրառական արվեստի և Բնական գիտությունների ֆակուլտետների՝ 2023-2024 ուստարվա հաշվետվությունները՝ ըստ ԵՊՀ ԻՄ 2022-2026 ռազմավարական ծրագրի:

2024 թ. նոյեմբերի 29-ին ԵՊՀ Իջևանի մասնաճյուղում տեղի ունեցավ «Կարիերայի նոր հնարավորություններ և հեռանկարներ» խորագրով կարիերայի տոնավաճառը, որը կազմակերպվեց Երևանի պետական համալսարանի և Եվրասիա միջազգային համալսարանի գործակցությամբ, Հայկական բարեգործական ընդհանուր միության (ՀԲԸՄ) «Սովորի՛ր և վաստակի՛ր. Արցախ» ծրագրի շրջանակում: Ծրագիրն իրականացնում է ՀԲԸՄ-ն (HEKS/EPER կազմակերպության ֆինանսավորմամբ, «Շեն» ԲՀԿ և «Սյունիք-Զարգացում» համայնքային ՀԿ հետ համատեղ):

«Ցուցահանդեսային տեխնոլոգիաներ» դասընթացի շրջանակներում ԵՊՀ ԻՄ կիրառական արվեստի ֆակուլտետի 4-րդ կուրսի ուսանողները Տուրիզմի կառավարման և մշակութաբանության ամբիոնի դոցենտ, արվեստաբան-գծանկարիչ Լևոն Լաճիկյանի գլխավորությամբ այցելեցին Մայր Աթոռ Ս․ Էջմիածին:

2024 թ. նոյեմբերի 29-ին ԵՊՀ Իջևանի մասնաճյուղում կայացավ Ռուսաց լեզվի լրացուցիչ կրթության կենտրոնի բացման հանդիսավոր արարողությունը:

2024 թ. նոյեմբերի 23-ին ԵՊՀ Իջևանի մասնաճյուղ այցելեցին «Վիքիմեդիա Հայաստան» գիտակրթական հասարակական կազմակերպության ներկայացուցիչները՝ ՀԿ նախագահ Արշակ Շահենյանը, որակյալ բովանդակության պատասխանատու Մհեր Բեքարյանը, դասընթացների պատասխանատու Արտաշես Թադևոսյանը և միջոցառումների համակարգող Դավիթ Սարգսյանը: Այցելության նպատակը ԵՊՀ ԻՄ-ում «Վիքիմեդիա Հայաստան» գիտակրթական հասարակական կազմակերպության վիքիակումբի բացումն էր: