Նորություններ և իրադարձություններ

2024 թ. հոկտեմբերի 29-ին ԵՊՀ ԻՄ-ում գործող Գիտելիքի նորարարական հաբում տեղի ունեցավ Եվրոպական միության (ԵՄ) դիտորդական առաքելության ներկայացուցիչների հետ տեղեկատվական հանդիպում-քննարկում, որին մասնակցում էին ԵՊՀ շարունակական կրթության կենտրոնի, ԵՊՀ Իջևանի մասնաճյուղի վարչական ու պրոֆեսորադասախոսական անձնակազմի ներկայացուցիչներ և ուսանողներ:

ԵՊՀ Իջևանի մասնաճյուղում ս.թ. հոկտեմբերի 26-ին տեղի ունեցավ տնօրենության նիստ՝ Ա. Հ. Մակարյանի նախագահությամբ:

ԵՊՀ Իջևանի մասնաճյուղի և Երևանի «Գլաձոր» համալսարանի միջև կնքված համագործակցության հուշագրի իրականացման շրջանակներում 2024 թ. հոկտեմբերի 25-26-ին ԵՊՀ ԻՄ-ում կազմակերպվեց երկօրյա հրավիրյալ դասախոսություն-վարպետության դաս «Օտար լեզու և գրականություն» մասնագիտության 3-րդ և 4-րդ կուրսերի ուսանողների համար` նվիրված նեղ ոլորտային (իրավաբանական և բժշկական) մասնագիտական անգլերենի գիտելիքների, կարողությունների ու հմտությունների զարգացմանը:

ԵՊՀ Իջևանի մասնաճյուղում կայացավ «Հովանի» կրթական հիմնադրամի տնօրեն Արմեն Ալիխանյանի հետ հանդիպում, որին մասնակցում էին ԵՊՀ ԻՄ տնօրենի պաշտոնակատար Ա. Մակարյանը, Ուսումնամեթոդական վարչության պետ Ա. Դավթյանը և ուսանողներ:

2024 թ. հոկտեմբերի 16-ին ԵՊՀ Իջևանի մասնաճյուղի գրադարանում կայացավ Տուրիզմի կառավարման և մշակութաբանության ամբիոնի դոցենտ, արվեստաբան-գծանկարիչ Լևոն Լաճիկյանի (Լաչիկյանի)՝ Ստամբուլում վերջերս լույս տեսած «Պոլիսը՝ հին և նոր» եռալեզու պատկերագրքի շնորհանդեսը, որն ուղեկցվեց «Պոլիսը և հայերը. անցյալն ու ներկան» թեմայով բանախոսությամբ:

2024 թ. հոկտեմբերի 11-ին ԵՊՀ ԻՄ-ում իրականացվեցին 2024-2025 ուստարվա մագիստրատուրայի հեռակա ուսուցման ընդունելության հարցազրույցները և քննությունները՝ «Կառավարում» մասնագիտության «Գործարար վարչարարություն (կառավարում)» և «Ընդհանուր մանկավարժություն» մասնագիտության «Դպրոցական մանկավարժություն և մեթոդիկա» կրթական ծրագրերով:

2024 թ. հոկտեմբերի 5-ից ԵՊՀ Իջևանի մասնաճյուղում մեկնարկեցին հերթական ատեստավորման ենթակա ուսուցիչների վերապատրաստումները, որոնք կիրականացվեն մասնաճյուղի, հանրապետության և մարզի առաջատար ու արհեստավարժ մասնագետների կողմից:

ԵՊՀ Իջևանի մասնաճյուղի հրավերով բանասիրական գիտությունների պատվավոր դոկտոր, ԱՄՆ Վերմոնտ քաղաքի Միդլբերի քոլեջի պրոֆեսոր Թոմաս Ռ. Բեյերը անգլերենով և ռուսերենով երկօրյա դասախոսություններ անցկացրեց օտար լեզուներ ուսումնասիրող («ԱԼԳ», «ՖԼԳ», «ՌԼԳ» կրթական ծրագրերի) ուսանողների համար:

ԵՊՀ Իջևանի մասնաճյուղում Ա. Հ. Մակարյանի նախագահությամբ տեղի ունեցավ Գիտական խորհրդի նիստ, որի ընթացքում հաստատվեցին ԵՊՀ ԻՄ գիտական խորհրդի՝ 2024-2025 ուստարվա 1-ին կիսամյակի նիստերի ժամանակացույցը (առաջարկված փոփոխություններով հանդերձ), ԵՊՀ ԻՄ 2024-2025 ուստարվա 1-ին կիսամյակի անվանական կրթաթոշակ ստացող ուսանողների ցուցակը:

2024 թ. սեպտեմբերի 27-ին ԵՊՀ ԻՄ բնական գիտությունների ֆակուլտետում տեղի ունեցավ Եվրոպական միության և Ավստրիական զարգացման գործակալության աջակցութամբ վերազինված հետազոտական փորձասենյակի բացման հանդիսավոր արարողությունը: Ներկաների թվում էին Եվրոպական միության Կանաչ գյուղատնտեսության նախաձեռնությունը Հայաստանում (EU GAIA) ծրագրի ղեկավար Պասկալ Բոկկերսը և կանաչ տեխնոլոգիաների փորձագետ Վարդան Թոռչյանը, ՀՀ Տավուշի մարզպետի տեղակալ Նարեկ Ղուշչյանը, ԵՊՀ ԻՄ տնօրենի պաշտոնակատար Ա. Մակարյանը, Իջևանի քաղաքապետարանի պատասխանատուներ, Տավուշի՝ Պ․ Տէվէճեանի անվան տարածաշրջանային քոլեջի տնօրեն Հ. Բրուտյանը, բիզնես ոլորտից հրավիրված հյուրեր և մասնաճյուղի աշխատակիցներ, դասախոսներ և ուսանողներ: