Նորություններ և իրադարձություններ

2024 թ․ հոկտեմբերի 7-ից նոյեմբերի 30-ը մարզի դպրոցներում (Իջևանի համար 5, Գանձաքարի, Սարիգյուղի, Ազատամուտի, Ն․ Ծաղկավանի, Գոշի, Վազաշենի) ընթանում են ԵՊՀ ԻՄ «Տարրական մանկավարժություն և մեթոդիկա», «Ռուսաց լեզու և գրականություն» կրթական ծրագրերի 4-րդ կուրսերի ուսանողների մանկավարժական ակտիվ պրակտիկաները:

Երևանի պետական համալսարանի Իջևանի մասնաճյուղը դարձել է հարթակ յուրօրինակ կրթական նախագծի համար, որը միավորել է ռուսաց լեզվի մագիստրոսներին Ռուսաստանի տարբեր ծայրերից: 2024 թ. նոյեմբերի 5-ից դեկտեմբերի 5-ը մասնաճյուղը հյուրընկալել է «Ռոսսոտրուդնիչեստվոյի» կողմից Մոսկվայի պետական ​​լեզվաբանական համալսարանի աջակցությամբ կազմակերպված «Ռուսաց լեզվի մագիստրոսներ» մրցույթի երկու հաղթողների:

ԵՊՀ ԻՄ «Հայոց լեզու և գրականություն» կրթական ծրագրի 3-րդ և 4-րդ կուրսի ուսանողները մասնակցեցին «Մայրենի լեզվի դասավանդման խնդիրները» թեմայով միջազգային խորհրդակցության, որը նախաձեռնել էր Ռուսաստանի գիտությունների ակադեմիայի պետական գիտական բազային կազմակերպության Հ. Իբրահիմովի անվան համալիր հետազոտական ինստիտուտը: Խորհրդակցությանը որպես փորձագետ հրավիրված էր ԵՊՀ Իջևանի մասնաճյուղի հայոց լեզվի և գրականության ամբիոնի ասիստենտ, բ.գ.թ., ՀՀ ԳԱԱ Հ. Աճառյանի անվան լեզվի ինստիտուտի գիտաշխատող Սիրանուշ Հովհաննիսյանը, որի մի շարք մասնագիտական հարցադրումներով և լրացումներով իրականացվեց փորձի տեսական փոխանցում ՌԴ գոյություն ունեցող ազգային տարբեր միավորների լեզուների պահպանության և տարաշերտ զարգացման ուղղություններով:

ԵՊՀ ԻՄ «Ռուսաց լեզու և գրականություն» կրթական ծրագրի 3-րդ կուրսի ուսանողուհիներ Անահիտ Չիբուխչյանը, Ելենա Սահակյանը և Էդիտա Դավթյանը Օտար լեզուների ամբիոնի պրոֆեսոր, մ.գ.թ. Սվետլանա Մինասյանի գիտական ղեկավարությամբ հանդես եկան զեկուցումներով ս.թ. 14-16-ը Ուրալի պետական համալսարանի կողմից իրականացվող «Ռուսական տարածաշրջանները փոփոխությունների կիզակետում» («Российские регионы в фокусе перемен») թեմայով միջազգային XIX համաժողովում:

Սիրելի՛ ուսանողներ, ԵՊՀ Իջևանի մասնաճյուղի տնօրենության և ամբողջ անձնակազմի անունից ջերմորեն շնորհավորում ենք ձեզ Ուսանողության միջազգային օրվա կապակցությամբ:

ՀՀ արդարադատության նախարարի՝ 2023 թ. դեկտեմբերի 28-ի հրամանով հաստատված «Հայաստանի Հանրապետության 2023-2026 թվականների հակակոռուպցիոն ռազմավարության և դրանից բխող գործողությունների ծրագրի շրջանակներում 2024-2026 թվականների հաղորդակցման հայեցակարգ և գործողությունների ծրագրով» նախատեսված է հանրության իրազեկվածության ապահովում պետության հակակոռուպցիոն բարեփոխումների, հակակոռուպցիոն մարմինների գործունեության և կոռուպցիայի դեմ պայքարում պետության քաղաքականության վերաբերյալ:

ԵՊՀ ԻՄ պրակտիկայի կազմակերպման և շահակիցների հետ համագործակցության բաժինը 2024 թ. հոկտեմբերից մինչև նոյեմբերի 8-ն ընկած ժամանակահատվածում Տավուշի մարզի (Նոյեմբերյանի, Բերդի, Դիլիջանի և Իջևանի տարածաշրջանների) 39 հանրակրթական դպրոցներում կազմակերպել է հանդիպումներ՝ դասախոսություններ վարելու, ԵՊՀ ԻՄ մասնագիտություններն ու կրթական ծրագրերը ներկայացնելու նպատակով:

2024 թ. նոյեմբերի 7-ին ԵՊՀ Իջևանի մասնաճյուղում տեղի ունեցավ հեռակա ուսուցման համակարգի բակալավրի առաջին կուրսերի ուսանողների հետ հանդիպում, որին մասնակցում էին ԵՊՀ ԻՄ տնօրենի պաշտոնակատար Ա. Մակարյանը, փոխտնօրեն Մ. Օթարյանը և ֆակուլտետների դեկանները:

2024 թ. նոյեմբերի 5-ին ԵՊՀ ԻՄ-ում գործող Գիտելիքի նորարարական հաբում տեղի ունեցավ «Գուրուս» ընկերության Վանաձորի մասնաճյուղի “Learning and Development” բաժնի ղեկավար Հայկ Մանուկյանի և Իջևանի մասնաճյուղի SAS ծրագրավորող Լիլիթ Օհանյանի հետ հանդիպում, որին մասնակցեցին ԵՊՀ Իջևանի մասնաճյուղի առավելապես ավարտական կուրսերի ուսանողները:

Սիրելի՛ համալսարանականներ, ձեզ ենք ներկայացնում ԵՊՀ Իջևանի մասնաճյուղի՝ 2024-2025 ուստարվա 1-րդ կիսամյակում անվանական կրթաթոշակ ստացող ուսանողներին: