Նորություններ և իրադարձություններ

Երևանի պետական համալսարանում ս.թ. դեկտեմբերի 25-ին տեղի է ունեցել Հոգաբարձուների խորհրդի նիստը՝ օրակարգային 10 հարցով, որոնց թվում էր ԵՊՀ Իջևանի մասնաճյուղի նոր տնօրենի ընտրության հարցը:

ԵՊՀ ԻՄ «Հայոց լեզու և գրականություն» կրթական ծրագրի ուսանողները ս.թ. դեկտեմբերի 24-ին մասնակցեցին ՀՀ ԳԱԱ Հ. Աճառյանի անվան լեզվի ինստիտուտի կիրառական լեզվաբանության բաժնի նախաձեռնությամբ կազմակերպված նյարդահոգելեզվաբանության ուղղվածության միջազգային առցանց խորհրդակցությանը («Международное совещание по проблемам прикладной лингвистики: нейролингвистика, психолингвистика»): Օրակարգում նյարդահոգելեզվաբանական 4 խնդիր էր՝ «Կիրառական լեզվաբանությունը և ժամանակակից տեխնոլոգիաները. արհեստական բանականություն» (Прикладная лингвистика и современные технологии: искусственный интеллект), «Նյարդալեզվաբանության ժամանակակից խնդիրները. լեզվամտածողության վերականգնումը լեզվական թեստերի միջոցով» (Актуальные проблемы нейролингвистики: восстановление языкового мышления с помощью языковых тестов), «Հոգելեզվաբանության զարգացման կանխատեսումներ. XXI դարի II կեսի նախաշեմին» (Прогнозы развития психолингвистики: на пороге II половины XXI века), «Դաշտային մեթոդները լեզվական և միջգիտակարգային հետազոտությունների մեջ» (Полевые методы в языковых и междисциплинарных исследованиях (диалектология, разговорная речь):

2024 թ. դեկտեմբերի 21-ին ԵՊՀ ԻՄ կրթական բարեփոխումների և դասախոսների վերապատրաստման բաժինն իրականացրեց «Կազմակերպությունների հզորացման գործոնները» թեմայով վերապատրաստում, որը վարեց ԵՊՀ ԻՄ ընդհանուր տնտեսագիտության ամբիոնի դոցենտ, տ.գ.թ. Ջոնսոն Աղաբաբայանը: Վերապատրաստմանը մասնակցում էին ԵՊՀ ԻՄ շուրջ 2 տասնյակ վարչական աշխատակիցներ:

ՀՀ նկարիչների միությունում օրերս կազմակերպվել էր «Սալոն 2024» ցուցահանդեսը, որը յուրօրինակ տարեկան հաշվետվություն էր:

ԵՊՀ Իջևանի մասնաճյուղում Ա. Հ. Մակարյանի նախագահությամբ կայացավ տնօրենության նիստ:

2024 թ. դեկտեմբերի 13-ին ԵՊՀ Իջևանի մասնաճյուղում տեղի ունեցավ «Մշակ լրագիրը որպես առօրեականության և հասարակական գործընթացների ուսումնասիրության սկզբնաղբյուր» թեմայով բանախոսություն, որը վարեց համանուն դրամաշնորհային ծրագրի ղեկավար, Հայոց պատմության և հասարակագիտության ամբիոնի դասախոս Վլադիմիր Պողոսյանը: Բանախոսությանը մասնակցում էին ԵՊՀ ԻՄ վարչական անձնակազմի անդամներ, դասախոսներ և ուսանողներ:

Սիրով տեղեկացնում ենք, որ արդեն ամփոփվել են 2024 թ. սեպտեմբերին մեկնարկած «Լավագույն ուսանող» հանրապետական մրցույթի արդյունքները, որոնց համաձայն՝ ԵՊՀ Իջևանի մասնաճյուղի ուսանողներ Սահակ Գուլակյանը և Նազելի Եսայանը հաղթող են ճանաչվել բնագիտական և հումանիտար գիտությունների ոլորտներում:

2024 թ. դեկտեմբերի 11-ին ԵՊՀ ԻՄ-ում գործող «Ամերիկյան գրադարան և դասընթացների կենտրոն»-ում «Հայոց լեզու և գրականություն» կրթական ծրագրի ուսանողները մասնակցեցին «Ես և իմ մասնագիտությունը» թեմայով բաց դաս-սեմինարին, որը վարում էր Հայոց լեզվի և գրականության ամբիոնի ասիստենտ, բ.գ.թ. Սիրանուշ Հովհաննիսյանը:

ԵՊՀ ԻՄ «Ռուսաց լեզու և գրականություն» կրթական ծրագրի 2-րդ և 4-րդ կուրսերի ուսանողուհիներ Հասմիկ Քոքոբելյանը, Հայկուհի Քոքոբելյանը, Սեդա Ամիրջանյանը, Ասպրամ Հովհաննիսյանը, Ռոզա Ադամյանը և Նազելի Եսայանը Օտար լեզուների ամբիոնի պրոֆեսոր, մ.գ.թ. Սվետլանա Մինասյանի գիտական ղեկավարությամբ զեկուցումներով հանդես եկան ս.թ. դեկտեմբերի 10-ին Մոսկվայի քաղաքային համալսարանի Օտար լեզուների ինստիտուտի կողմից իրականացված «Ժամանակակից լեզվաբանությունը բազմաչափ տարածության մեջ. արհեստական բանականությունն ընդդեմ ավանդույթի» («В многомерном пространстве современной лингвистики: искусственный интеллект vs традиция») թեմայով միջազգային երիտասարդական համաժողովում:

2024 թ. դեկտեմբերի 10-ին ԵՊՀ Իջևանի մասնաճյուղում տեղի ունեցավ հանդիպում-քննարկում ՆԳՆ փրկարարական ծառայության Տավուշի մարզային փրկարարական վարչության բնակչության պաշտպանության բաժնի պետի ժամանակավոր պաշտոնակատար, ՓԾ մայոր Սարգիս Մարկոսյանի և Ճգնաժամային կառավարման կենտրոնի օպերատիվ հերթապահ հերթափոխի ավագ հրահանգիչ Էդգար Քամալյանի հետ: