Գրանցվե՛ք հիմա, մասնակցե՛ք Երևակայության գավաթ 2014 մրցույթին
Մայքրոսոֆթ ընկերության գլխավոր ուսանողական միջոցառումը՝ Երևակայության գավաթը այս տարի տեղի կունենա 12-րդ անգամ՝ իր 3 հիմնական անվանակարգերով՝ Խաղեր, Նորարարություն, Համաշխարհային համագործակցություն: Այս տարի համաշխարհային եզրափակիչը տեղի կունենա Մայքրոսոֆթի հայրենի քաղաքում՝ Սիեթլում, որտեղ դուք կարող եք մրցել ողջ աշխարհից ժամանած այլ երիտասարդների հետ և շահել Երևակայության գավաթը, ինչպես նաև 50.000 ԱՄՆ դոլար մրցանակ:
Հավաքե՛ք Ձեր թիմը, ծանոթացե՛ք մանրամասներին և գրանցվե՛ք այստեղ
Լրացված հարցաթերթիկի կրկնօրինակը ուղարկե՛ք apply@mic.am հասցեին մինչև 2014թ ապրիլի 15-ը՝ նամակի վերնագրի հատվածում նշելով << Imagine cup>>:
Պատկերացրե՛ք, որ Դուք ունեք ընդամենը 5 րոպե՝ Ձեր կյանքը փոխելու համար: Այս լրացուցիչ առցանց մրցույթին մասնակցելու համար՝ ձայնագրե՛ք վիդեո հոլովակ՝ ոչ ավել, քան 3 րոպե տևողությամբ՝ Ձեր թիմի հետ միասին ներկայացրե՛ք Ձեր նախագիծը՝ առանց սլայդերի, գրաֆիկների և նկարների. պարզապես պատմե՛ք: Երեք անվանակարգերից յուրաքանչյուրում հաղթող թիմը կստանա 3.000 ԱՄՆ դոլար մրցանակ:
Մրցույթի հաղթողները
2013թ հուլիսին 71 երկրներ ներկայացնող 81 թիմեր հավաքվել էին Ռուսաստանի Սանկտ-Պետերբուրգ քաղաքում՝ մասնակցելու Երևակայության գավաթ 2013 մրցույթի համաշխարհային եզրափակչին: Այստեղ էր նաև Հայաստանը ներկայացնող Lionsharp թիմը՝ իր Voiceboard նախագծով: Ծանոթացե՛ք նախորդ տարվա հաղթող թիմերին և դարձե՛ք այս վառ միջոցառման մասնիկը: Աղբյուրը` micarmenia.am |