Երևանի պետական համալսարանի Իջևանի մասնաճյուղ

Հայտնի են ԵՊՀ ԻՄ 2024-2025 ուստարվա առկա ուսուցման ընդունելության արդյունքները

ԵՊՀ ԻՄ (11)

Ս.թ. հուլիսի 18-ին ՀՀ ԿԳՄՍ նախարարի կողմից հաստատվել են ԵՊՀ ԻՄ առկա ուսուցման՝ 2024-2025 ուստարվա ընդունելության արդյունքները, ըստ որոնց՝ ԵՊՀ Իջևանի մասնաճյուղ է ընդունվել 176 (45 անվճար, 131 վճարովի) դիմորդ:

ԵՊՀ Իջևանի մասնաճյուղի ողջ անձնակազմի անունից սիրով շնորհավորում ենք մասնաճյուղ ընդունված մեր բոլոր դիմորդներին և նրանց մաղթում հաջողություններ ու ձեռքբերումներ ուսման մեջ և կյանքում:

Անվճար ուսուցման մրցույթի արդյունքները տե՛ս այստեղ, վճարովի ուսուցման մրցույթի արդյունքները՝ այստեղ:

Դիպլոմների հանձնման հանդիսավոր արարողություն

1.2glxavor_1 2024 թ․ հուլիսի 16-ին՝ ժամը 11:00-ին, ԵՊՀ Իջևանի մասնաճյուղում տեղի կունենա 2023-2024 ուստարվա առկա և հեռակա ուսուցման շրջանավարտների դիպլոմների հանձնման հանդիսավոր արարողությունը:

Սիրով կսպասենք բոլորին:

Միջազգային աշնանային դպրոց՝ նվիրված ԵՊՀ ԻՄ հիմնադրման 30-ամյակին

ԵՊՀ ԻՄ (34)Սիրելի՛ ուսանողներ, Զալցբուրգի համալսարանի (Ավստրիա), ՀՀ ԳԱԱ հնագիտության և ազգագրության ինստիտուտի ու ԵՊՀ Իջևանի մասնաճյուղի միջև համագործակցության շրջանակներում «Հայ մշակութային ժառանգության միջգիտակարգային ուսումնասիրություններ» հեռավար լաբորատորիան 2024 թ. սեպտեմբերի 19-23-ը ԵՊՀ Իջևանի մասնաճյուղի ուսանողների համար կկազմակերպի միջազգային աշնանային դպրոց, որը բաղկացած կլինի դասախոսություններից և դաշտային գիտահետազոտական աշխատանքներից:

Դասախոսությունները կանցկացվեն ԵՊՀ ԻՄ-ում, իսկ դաշտային գիտահետազոտական աշխատանքները՝ Տավուշի նշանավոր հուշարձաններում: Աշնանային դպրոցի աշխատանքները կհամակարգեն Զալցբուրգի համալսարանի քրիստոնյա Արևելքի հետազոտությունների ինստիտուտի տնօրեն, հայագիտության բաժնի վարիչ, դոկտոր, պրոֆեսոր Յասմին Դում-Թրագուտը և ՀՀ ԳԱԱ ՀԱԻ «Հայ մշակութային ժառանգության միջգիտակարգային ուսումնասիրություններ» հեռավար լաբորատորիայի համաղեկավար Հայկուհի Մուրադյանը: Դպրոցին կմասնակցեն ուսանողներ նաև Ավստրիայից:

Աշնանային դպրոցի նպատակն է ուսանողներին ծանոթացնել Տավուշի պատմության որոշ դրվագներին, հոգևոր կառույցների գործունեությանը, արխիվային փաստաթղթերի ուսումնասիրության միջոցով պատմական իրադարձությունների հետազոտության մեթոդիկային, ինչպես նաև կազմակերպել քայլարշավ՝ իրականացնելով դաշտային գիտահետազոտական աշխատանքներ:

Դպրոցի աշխատանքներին կարող են մասնակցել այն ուսանողները, որոնք՝

  • ԵՊՀ Իջևանի մասնաճյուղի հումանիտար գիտակարգերի բակալավրիատի վերջին կամ մագիստրատուրայի առաջին և երկրորդ կուրսի ուսանող են,
  • տիրապետում են անգլերենին (նվազագույնը՝ A2 մակարդակ),
  • ակտիվ են և հետաքրքրված Տավուշի պատմամշակութային ժառանգությամբ,
  • վստահ են, որ կարող են ոտքով հաղթահարել քայլարշավը:

Վերոնշյալ պայմաններին համապատասխանող դիմորդները պետք է մինչև օգոստոսի 25-ը լրացնեն առցանց հայտադիմումը՝ պարտադիր ներկայացնելով «Աշնանային դպրոցին մասնակցելու շարժառիթը» (1-2 էջի սահմանում):

Մասնակցությունն անվճար է: Աշնանային դպրոցի ավարտին ուսանողներին կտրամադրվեն վկայագրեր:

Մեկնարկել է 2024-2025 ուստարվա բակալավրի կրթական ծրագրերով առկա ուսուցման ընդունելության գործընթացը

ԵՊՀ ԻՄ (32)Սիրելի՛ դիմորդ, 2024 թ. ապրիլի 18-ից մեկնարկել է 2024-2025 ուսումնական տարվա բակալավրիատի ընդունելության համար բուհի և մասնագիտության ընտրության, ընտրած մասնագիտության համար սահմանված միասնական և ներբուհական քննությունների հայտագրման գործընթացը: Դիմում-հայտերը լրացնելու համար այցելեք www.dimord.am  կայք և հետևեք Առցանց ընդունելության դիմում-հայտի լրացման տեսանյութում տրվող հրահանգներին:

Շրջանավարտը (դիմորդը) բուհը և մասնագիտությունը նշելու և նշված մասնագիտության համար սահմանված ընդունելության (միասնական, ներբուհական) քննություն(ներ)ը հանձնելու կամ հանձնած քննություն(ներ)ը մուտքագրելու համար պետք է ունենա ԳԹԿ անձնական համար և մինչև մայիսի 10-ը առցանց եղանակով Գնահատման և թեստավորման կենտրոնի dimord.am կայքէջում լրացնի ընդունելության դիմում-հայտ:

ԳԹԿ-ի անձնական համար ստանալու համար շրջանավարտը (դիմորդը) դիմում է իր ուսումնական հաստատության տնօրենին, իսկ նախորդ տարիների և 2023-2024 ուստարվա նախնական և միջին մասնագիտական ուսումնական հաստատությունների շրջանավարտները դիմում են իրենց բնակության վայրի` այդ նպատակով առանձնացված ուսումնական հաստատության տնօրենին:

Այս տարի ԵՊՀ Իջևանի մասնաճյուղն իրականացնում է առկա ուսուցման ընդունելություն` հետևյալ կրթական ծրագրերով.

  • Տարրական մանկավարժություն և մեթոդիկա,
  • Ռուսաց լեզու և գրականություն,
  • Դիզայն,
  • Դեկորատիվ-կիրառական արվեստ,
  • Պատմություն,
  • Հայոց լեզու և գրականություն,
  • Անգլերեն լեզու և գրականություն,
  • Ֆրանսերեն լեզու և գրականություն,
  • Հոգեբանություն,
  • Ֆինանսներ (ըստ ոլորտի),
  • Ինֆորմատիկա և կիրառական մաթեմատիկա,
  • Զբոսաշրջություն:

Հիշեցում.

1-ին և 2-րդ փուլերի հայտերի լրացման ընթացքում դիմորդը ոչ մի հարցով ԵՊՀ Իջևանի մասնաճյուղի ընդունող հանձնաժողով չի այցելում:

Այն դիմորդները, որոնք ս.թ. միասնական քննությունների 1-ին փուլում (հունվար-փետրվար) մասնակցել են միասնական քննություններին և ցանկանում են մասնակցել  առկա  մասնագիտությունների ցանկով միասնական քննությունների 2-րդ (հունիս)   փուլին, պետք է մուտք գործեն  dimord.am կայք այն էլ․ փոստի հասցեով և գաղտնաբառով, որով գրանցվել են dimord.am կայքում 1-ին (հունվար-փետրվար) փուլում:

1-ին փուլով (ընդունելության կարգի 14-րդ կետ) դիմող դիմորդներն ընդունելության քննությունների և մասնագիտության հայտագրման դիմում-հայտը dimord.am կայքի միջոցով Գնահատման և թեստավորման կենտրոն (ԳԹԿ) են ուղարկում էլեկտրոնային (առցանց) եղանակով՝ մինչև ս.թ. մայիսի 10-ը ներառյալ, մայիսի 10-ին՝ մինչև ժամը 18:00-ն, իսկ 2-րդ փուլով (ընդունելության կարգի 15-րդ կետ) դիմողները՝ ս.թ. հունիսի 26-ից մինչև հուլիսի 1-ը ներառյալ, հուլիսի 1-ին՝ մինչև ժամը 17:00-ն:

Ներբուհական քննությունների անցաթուղթ տրամադրում է բուհը:

ԵՊՀ Իջևանի մասնաճյուղի դիմորդները դիմում-հայտի լրացման հետ կապված խորհրդատվություն ստանալու են հեռախոսազրույցի միջոցով՝ զանգահարելով 096987654 (VivaCell), 096557556 (Beeline) հեռախոսահամարներով՝ ԵՊՀ ԻՄ ընդունելության հանձնաժողովի պատասխանատու քարտուղար Վ․ Աղաբաբյանին:

Նախատեսված է նաև առանձին էլեկտրոնային փոստի հասցե՝ vahan.aghababyan@ysu.am, որի միջոցով ԵՊՀ Իջևանի մասնաճյուղի դիմորդը կարող է իր հարցերն ուղղել գրավոր եղանակով: Նշված կապի միջոցները գործում են միայն դիմում-հայտերի ընդունման համար վերոնշյալ ժամկետներում և սահմանված աշխատանքային օրերին ու ժամերին:

ԵՊՀ Իջևանի մասնաճյուղ ընդունված դիմորդները օգոստոսի 27-ից մինչև օգոստոսի 30-ը ԵՊՀ ԻՄ ընդունող հանձնաժողով պետք է ներկայացնեն պահանջվող փաստաթղթերը:

Պահանջվող փաստաթղթերն են.

  1. ավարտական փաստաթուղթ`ատեստատ կամ դիպլոմ (միջուկով),
  2. լուսանկար (3×4 սմ չափսի) – 4 հատ (1-ը՝ էլեկտրոնային),
  3. անձը հաստատող փաստաթուղթ (բնօրինակը և պատճենը՝ 1 օրինակից),
  4. քննության համար նախատեսված վճարի անդորրագիրը (էլեկտրոնային տարբերակը կցվում է հայտը լրացնելիս),
  5. զինվորական գրքույկ (բնօրինակը)՝ առկայության դեպքում,
  6. արտոնություններից օգտվելու դեպքում համապատասխան փաստաթղթեր, որոնց բնօրինակը և պատճենը մասնաճյուղի պատասխանատու քարտուղարին է ներկայացվում I փուլի համար մինչև հունիսի 7-ը, II փուլի համար՝ հուլիսի 7-ը(տե՛ս 78-82 կետերի արտոնություններից օգտվող դիմորդների պահանջվող փաստաթղթերը),  
  7. միջազգային և հանրապետական մրցույթների դիպլոմներ,
  8. միասնական քննությունների վկայագիրը (տրվում է ԳԹԿ-ի կողմից՝ միասնական քննությունների ավարտին):

 Ուշադրություն.

«Դիզայն» և «Դեկորատիվ-կիրառական արվեստ» կրթական ծրագրերի ներբուհական քննության համար նախատեսված 3000 դրամ գումարը պետք է վճարել «Արդշինբանկ»-ում բացված ԵՊՀ ԻՄ հետևյալ հաշվեհամարին՝  2476100170940000:

Վճարել հնարավոր է Հայաստանի տարածքում գործող ցանկացած բանկի միջոցով, սակայն «Արդշինբանկ»-ի ցանկացած մասնաճյուղում վճարում կատարելիս բանկային ծախսերի գումար չի գանձվում:

Բանկում վճարում կատարելիս պետք է հստակ նշվի ուսանողի անունը, ազգանունը, հայրանունը և մասնագիտությունը: Դիմորդը բանկում կատարած վճարման անդորրագիրը պահպանում և ներկայացնում է ներբուհական քննության ժամանակ:

Միասնական քննությունների վճարից ազատվում են`

  • պարտադիր ժամկետային ծառայությունից զորացրված անձինք,
  • 1-ին և 2-րդ խմբերի և մինչև 18 տարեկան մանկուց հաշմանդամները,
  • ՀՀ պաշտպանության ժամանակ զոհված զինծառայողների երեխաները,
  • առանց ծնողական խնամքի մնացած մինչև 23 տարեկան անձինք:

Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ ՆԳ նախարարության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:

ՀՀ պետական և ոչ պետական բուհերի՝ 2024-2025 ուսումնական տարվա ընդունելության սկզբունքները տե՛ս այստեղ:

ՀՀ պետական և ոչ պետական բուհերի ընդունելության կարգը տե՛ս այստեղ:

ԵՊՀ ԻՄ 2024-2025 ուստարվա առկա ուսուցման մասնագիտությունների ցանկը տե՛ս այստեղ:

Հանդիպում-աշխատարանին մասնակցելու հրավեր

ՀԱՆԴԻՊՈՒՄ - ԱՇԽԱՏԱՐԱՆ«ԿԱԶԱ» հիմնադրամը Քաղաքացիական կրթության ոլորտի կրթական խաղերի և ոչ ֆորմալ կրթական գործիքների տարածման շաբաթվա շրջանակներում, համագործակցելով ԵՊՀ Իջևանի մասնաճյուղի քաղաքացիական կրթության կենտրոնի հետ, 2024 թ. ապրիլի 17-ին՝ ժամը 14:30-ին, նշված կենտրոնում կազմակերպում է հանդիպում-աշխատարան։

Հանդիպման շրջանակներում կներկայացվեն ոչ ֆորմալ գործիքները ֆորմալ կրթության մեջ, մասնակիցները հնարավորություն կունենան ներգրավվել «ԿԱԶԱ» հիմնադրամի կողմից ստեղծված կրթական խաղերի անցկացմանը:

Խաղերը ոչ միայն ժամանցի, այլև նոր գիտելիք և հմտություն ստանալու հրաշալի գործիք են: «ԿԱԶԱ» հիմնադրամի ստեղծած խաղերը հնարավորություն են տալիս՝

  • մոդելավորել իրական կյանքի իրավիճակներ,
  • ակտիվ ներգրավել սովորողներին և թույլ տալ նրանց կիրառել ու փորձարկել ստացած գիտելիքը,
  • ցույց տալ ուսուցման և առօրյա կյանքի միջև կապը:

 

Կարող են դիմել 17-ից բարձր տարիքի անձինք:

Հանդիպման տևողությունը 2-2․5 ժամ է:

Մասնակցելու համար անհրաժեշտ է մինչև 2024 թ. ապրիլի 16-ը՝ ժամը 17:00-ն, լրացնել հայտադիմումը հետևալ հղումով՝ http://surl.li/soeax:

Քանի որ տեղերը սահմանափակ են, կհրավիրվեն հայտը ներկայացրած առաջին 35 դիմորդները: