Երևանի պետական համալսարանի Իջևանի մասնաճյուղ

Կայացավ ԵՊՀ ԻՄ-ի էլեկտրոնային գրադարանի շնորհանդեսը

2017թ. դեկտեմբերի 12-ին մասնաճյուղում կայացավ ԵՊՀ ԻՄ-ի էլեկտրոնային գրադարանի  շնորհանդեսը:

Ներկա էին բուհի վարչական և պրոֆեսորադասախոսական անձնակազմի ներկայացուցիչներ՝ տնօրենի գլխավորությամբ,  ուսանողներ, հյուրեր:

Գրադարանի վարիչ Վլադիմիր Պողոսյանը ներկայացրեց նորաստեղծ կայքի կառուցվածքը, բաժինները, կայքից հեշտությամբ օգտվելու, գիրք փնտրելու սկզբունքները: Շեշտվեց, որ կայքում գրքերը տեղադրված են ըստ մասնագիտական ուղղվածության, կայքի աջ մասում տեղադրված են նոր հրատարակված գրքերը, ձախ մասի ստորին հատվածում՝ օգտակար,  հիմնական մասնագիտական գրքերը:

http://ijevanlib.ysu.am/

Վ.Պողոսյանը էլեկտրոնային գրադարանի բացման առթիվ շնորհավորեց, բարի գալուստ, օգտակար ու հաճելի ընթերցանություն մաղթեց բոլոր համալսարանականներին, ընթերցասեր հանրությանը՝ նշելով. «Շնորհավորում եմ բոլորիս էլեկտրոնային գրադարանի համացանցային կայքի բացման առիթով: Այսօր մենք կարող ենք վստահորեն նշել, որ ունենք հայաստանյան կրթական չափանիշներին համապատասխան էլեկտրոնային գրադարան, որը մեկ քայլ առաջ է տանելու մատչելի կրթություն ստանալու գործընթացը: Այս կայքի գործարկումը ոչ միայն կարևոր է, այլև անհրաժեշտ, քանզի փոխվում են կրթական պահանջներն ու մոտեցումները, և գրադարանային գործում արդիական տեխնոլոգիաների կիրառումը ժամանակի պահանջ և հրամայական է։ Բացի գրքային հնարավորություններից՝ այս կայքը մեծապես կօգնի նաև առցանց դասախոսությունների հասանելիությամբ, իսկ նորությունների հարթակը անընդհանտ թարմացվելու և արդիականացվելու է, որպեսզի համապատասխանի գրադարանային նորագույն տեխնոլոգիաների պահանջներին»։

Մասնաճյուղի էլեկտրոնային գրադարանի նորամուտին շնորհավորական ուղերձով հանդես եկավ ԵՊՀ ԻՄ-ի տնօրեն Ս. Ա. Առաքելյանը՝ մասնավորապես նշելով. «Գրադարանները հոգևոր կյանքի և մշակույթի զարգացման մեջ կատարել ու այսօր էլ կատարում են անփոխարինելի դեր: Յուրաքանչյուր գրադարան կոչված է իրականացնելու իրեն հատուկ գործառույթները՝ պատմամշակութային, տեղեկատվական, հաղորդակցական, տեխնոլոգիական, մանկավարժական, վիճակագրական, սպասարկման և այլն:

Կայացավ ԵՊՀ ԻՄ-ի էլեկտրոնային գրադարանի շնորհանդեսը

Տեղեկատվական տեխնոլոգիաների զարգացումը քաղաքակիրթ աշխարհում ուղեկցվում է գրադադարանային համակարգերի համապատասխան բարեփոխումներով: Հիմնականում հենց արդի առաջավոր գրադարաններն են ապահովում տեղեկատվական հագեցած շտեմարանների ստեղծումն ու ընդլայնումը, զանազան տեղեկատվական ծառայությունների մատչելի սպասարկումը՝ տեխնոլոգիական նոր միջոցներով: ԵՊՀ Իջևանի մասնաճյուղի գրադարանը ևս բացառություն չէ։

ԵՊՀ ԻՄ-ի էլեկտրոնային գրադարանի կայքի ստեղծումը ևս մեկ քայլ է մատչելի և հասանելի կրթական հնարավորությունների ընձեռման ճանապարհին, և համոզված ենք, որ այն մեծապես կնպաստի ուսանողների գիտական հետաքրքրությունների շրջանակի ընդլայնմանը, հաստատուն գիտելիքների հարստացմանն ու տարածմանը։ Շնորհավորում եմ մասնաճյուղի էլեկտրոնային գրադարանի կայքի ստեղծման առթիվ և համոզված եմ, որ այն հարուստ, ամբողջական ու հետաքրքիր հարթակ կդառնա ընթերացասեր ուսանողության համար»:

Կայացավ ԵՊՀ ԻՄ-ի էլեկտրոնային գրադարանի շնորհանդեսը

Էլեկտրոնային գրադարանի շնորհանդեսին շնորհակալալական և շնորհավորական խոսքեր ասացին ուսանողները և դասախոսները՝ նորաստեղծ կայքին մաղթելով անխափան աշխատանք, շարունակակական զարգացում և առաջընթաց:   

Վերջում տեղի ունեցավ հյուրասիրություն:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

2017թ. նոյեմբերի 7-ին Իջևանում Ռուսաստանի Դաշնության կողմից ֆինանսավորվող և ՄԱԿի Զարգացման ծրագրի (ՄԱԶԾ) կողմից իրականացվող «Ինտեգրված գյուղական զբոսաշրջության զարգացում» ծրագիրը՝ ՀՀ տարածքային կառավարման և զարգացման նախարության հետ համատեղ, ԵՊՀ Իջևանի մասնաճյուղում կազմակերպեցին Տավուշի տուրիզմի զարգացման և հետազոտության կենտրոնի պաշտոնական բացման արարողությունը:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

Կենտրոնի բացման արարողությանը մասնակցեցին ՀՀ տարածքային կառավարման և զարգացման նախարարի առաջին տեղակալ Վաչե Տերտերյանը, Հայաստանում ՄԱԶԾ մշտական ներկայացուցչի տեղակալ Դմիտրի Մարիասինը, ՀՀ կրթության և գիտության փոխնախարար Դավիթ Սահակյանը, Հայաստանում Ռուսաստանի Դաշնության դեսպանության մշակութային կցորդ Եվգենի Պանտելեևը, Տավուշի փոխմարզպետներ Լևոն Սարգսյանը, Վ.Ալեքսանյանը, Իջևանի քաղաքապետ Վ.Ղալումյանը, ԵՊՀ ԻՄ-ի տնօրեն Ս.Առաքելյանը, ԶԼՄ-ների, մարզի տարբեր կազմակերպությունների ներկայացուցիչներ, կենտրոնի աշխատակիցներ, ուսանողներ, հյուրեր:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

«Ինտեգրված գյուղական զբոսաշրջության զարգացում» ծրագիրը դեռևս տարեսկզբին հայտարարել էր Հայաստանի բոլոր մարզերում զարգացման և հետազոտության կենտրոնների հիմնման մտադրության մասին: Հետազոտության կենտրոնները յուրատեսակ կառույցներ են, որոնք տեղի երիտասարդների ներգրավման միջոցով միտում ունեն կրթելու տեղական համայնքներին և հնարավորություն տալու նրանց մասնակցել գյուղական զբոսաշրջության զարգացմանն ուղղված աշխատանքներին:

«Այսօր զբոսաշրջության զարգացումը Հայաստանի կառավարության առաջնայնություններից է, և մեր երկրի համար կարևորագույն և արդի թեմաներից մեկը: Մենք վստահ ենք, որ Հայաստանն ունի բազմաթիվ գեղեցիկ ու դեռևս չբացահայտված վայրեր, որոնք կարող են գրավել զբոսաշրջիկներին աշխարհի բոլոր ծայրերից: Ես շատ մեծ հույս ունեմ, որ այս կենտրոնը կունենա իր ներդրումը զբոսաշրջության զարգացման մեջ», – իր բացման խոսքում նշեց տարածքային կառավարման և զարգացման նախարարի առաջին տեղակալ Վաչե Տերտերյանը:  

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

Նա հավելեց, որ Տավուշը տուրիզմի համար ամենաբարենպաստ միջավայր ունեցող մարզերից է, բայց պետք է ունենանք նորարարական մոտեցումներ, նոր տեխնոլոգիաներ, նոր մարդիկ, նոր ոգևորություն, ինչը բնականաբար կարող է ձևավորվել բուհական, երիտասարդական միջավայրում: Այս առումով կենտրոնի և ԵՊՀ Իջևանի մասնաճյուղի համագործակցությունը հեռանկարային է: 

«Կենտրոնի ամենակարևոր գործառույթներից է ստեղծել կառավարման համակարգ տեղական համայնքներում և կրթել համայնքների ներկայացուցիչներին՝ հայտնաբերելու իրենց տարածքի զբոսաշրջության գոհարները և դրանք վերածել եկամտի կայուն աղբյուրի: Այս յուրատեսակ կենտրոնի հիմնումը կարևոր քայլ է տեղի երիտասարդության համար ներգրավվելու և հնարավորություն ունենալու իրականություն դարձնել տուրիզմի զարգացմանը վերաբերող իրենց նոր գաղափարները», – ասաց Հայաստանում ՄԱԶԾ մշտական ներկայացուցչի տեղակալ Դմիտրի Մարիասինը:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

«Կրթություն բառը բազմաթիվ նշանակություներ է ձեռք բերել արդի հասարակությունում, սակայն կրթության ամենակարևոր բաղադրիչներից է մնում լսարանում ստացած գիտելիքի գործնական կիրառումը իրական պայմաններում: Այս կենտրոնը երիտասարդներին տալիս է այդ հնարավորությունը՝ փորձելու, ինչու ոչ սխալվելու և ի վերջո հաջողելու», – իր խոսքում նշեց կրթության և գիտության փոխնախարար Դավիթ Սահակյանը:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

ՀՀ Տավուշի մարզպետի տեղակալ Լևոն Սարգսյանը մարզպետ Հովիկ Աբովյանի և անձամբ իր անունից շնորհավորեց կենտրոնի բացման կապակցությամբ և շնորհակալություն հայտնեց ծրագրի իրականացմանն աջակցող բոլոր կազմակերպություններին: Նա հույս հայտնեց, որ կենտրոնը կդառնա այն հիմնական կառույցներից մեկը, որի նորարարական գաղափարները կդրսևորվեն և՛ համայնքային և՛ մարզային մակարդակում իրականացվող ծրագրերում՝ նպաստելով գյուղական տուրզիմի զարգացմանը:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

ԵՊՀ Իջևանի մասնաճյուղի տնօրեն Սամվել Առաքելյանը, սրտանց ողջունելով  Տավուշի տուրիզմի զարգացման և հետազոտության կենտրոնի բացումը, համոզմունք արտահայտեց, որ նորաբաց կենտրոնը մեծապես կնպաստի մարզում զբոսաշրջության զարգացմանը. ԵՊՀ Իջևանի մասնաճյուղի «Սերվիս» («Զբոսաշրջություն») մասնագիտության լավագույն շրջանավարտներին և ուսանողներին ապահովելով աշխատանքով, ռեալ  հնարավորություն տալով լավագույնս դրսևորելու և զարգացնելու իրենց մասնագիտական կարողությունները՝ այն կմեծացնի նաև մասնաճյուղի «Զբոսաշրջություն» մասնագիտության պահանջարկը տարածաշրջանում: ԵՊՀ ԻՄ-ի տնօրենը շնորհակալություն հայտնեց  ՄԱԿ-ի Զարգացման ծրագրի կողմից իրականացվող «Ինտեգրված գյուղական զբոսաշրջության զարգացում» ծրագրի բոլոր ներկայացուցիչներին ու կազմակերպիչներին՝ նման կարևոր նախաձեռնության համար, որը հնարավորություն է տալիս աջակցելու Հայաստանի գյուղական համայնքներին, գյուղաբնակների համար ստեղծում է եկամտի այընտրանքային աղբյուրներ:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

Երկկողմ համագործակցությունն ամրապնդելու և խորացնելու նպատակով  Հայաստանում ՄԱԶԾ մշտական ներկայացուցչության և ԵՊՀ Իջևանի մասնաճյուղի միջև կնքվեց համագործակցության հուշագիր:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

Միջոցառման ընթացքում հյուրերը հանդիպեցին կենտրոնի երիտասարդ աշխատակիցների հետ, ովքեր ԵՊՀ Իջևանի մասնաճյուղի շրջանավարտները և ուսանողներն են, զրուցեցին նրանց աշխատանքի, ապագա պլանների մասին:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

Կենտրոնի բացման արարողությանը հաջորդեց ԵՊՀ ԻՄ-ի կիրառական արվեստի ֆակուլտետի ուսանողների և շրջանավարտների աշխատանքների՝ այդ առիթով կազմակերպված ցուցադրությունը:

Մասնաճյուղում կայացավ Տավուշի տուրիզմի զարգացման և հետազոտության կենտրոնի պաշտոնական բացման արարողությունը

Այնուհետև տեղի ունեցավ TEDx-ի խոսնակների հետ հանդիպումը և Էմփիրեյ խմբի համերգը:

 

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

2017թ. հոկտեմբերի 20-ին ԵՊՀ Իջևանի մասնաճյուղում կայացավ Հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանի ծննդյան 80-ամյա հոբելյանին նվիրված միջոցառում, որը նախաձեռնել էր մասնաճյուղի տնօրենությունը:

Միջոցառմանը ներկա էին ԵՊՀ ԻՄ-ի վարչական և պրոֆեսորադասախոսական անձնակազմի ներկայացուցիչներ (տնօրենության անդամները՝ Ս. Ա. Առաքելյանի գլխավորությամբ, Հայոց լեզվի և գրականության ամբիոնի կազմը և ուրիշներ), ուսանողներ, հյուրեր:

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

Վաստակաշատ դասախոսի և մանկավարժի,  ներհուն գրականագետի, ԵՊՀ ԻՄ-ի բազմամյա անձնվեր աշխատակցի, վստահելի ու սիրելի գործընկերոջ ծննդյան հոբելյանի առթիվ շնորհավորանքի, արժևորման և երախտիքի խոսքեր ասացին մասնաճյուղի տնօրեն Ս. Ա. Առաքելյանը, Հումանիտար գիտությունների ֆակուլտետի դեկան Ա.Ներսիսյանը, իր գործընկերները:

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

Բարձր գնահատելով ԵՊՀ Իջևանի մասնաճյուղում Խ.Վարդանյանի բազմամյա բարեխիղճ, արդյունավետ ու անձնվեր աշխատանքը՝ տնօրեն Ս.Առաքելյանը նրան մաղթեց քաջառողջություն, արևշատություն, ոգու կորով ու անսպառ եռանդ, ուսումնագիտական ու ստեղծագործական ձեռքբերումներով լի, երկար տարիների բովանդակալից կյանք:

Այնուհետև ԵՊՀ-ի ռեկտոր Արամ Սիմոնյանի կողմից մասնաճյուղի տնօրեն Սամվել Առաքելյանը ԵՊՀ ոսկե մեդալ հանձնեց Հայ գրականության ամբիոնի դոցենտ, բան. գիտ. թեկնածու Խաչատուր Գարուշի Վարդանյանին` երկարատև անբասիր աշխատանքի, համալսարանի կրթության զարգացման, երիտասարդ մասնագետների պատրաստման գործում ունեցած նշանակալի ավանդի համար և ծննդյան հոբելյանական տարեդարձի կապակցությամբ:

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

Հայոց լեզվի և գրականության ամբիոնի դոցենտ, բան. գիտ. թեկն. Ա.Սարհատյանը իր շնորհավորական ուղերձում մասնավորապես նշեց. «Ցանկացած գիտական ոլորտ կարելի է նմանեցնել անտառի, ուր  և՛ ծառեր կան` վիթխարի, սաղարթախիտ, որոնք իրենց  հովանու տակ կարող են առնել բյուրավորների, կան այնտեղ  և՛ թփուտներ, որ առաջին իսկ երաշտից չորանում են արմատներով ու անհետանում` առանց հետք թողնելու…

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

Խ.Վարդանյանը մեր գրականագիտության այն մեծերից է, որ իր գրական փայլուն հետազոտություններով բնագրերին համարժեք հոդվածներ ու աշխատություններ է թողել… Նուրբ զգացմունքների տեր գրականագետ է  նա` զգայուն հոգեբան, որ կարողանում է զգալ գրական երկի ու կերպարի, հեղինակի ապրումների բոլոր գույները… Ինձ համար նա մերթ քայլող քնարերգություն է,   մերթ էպիկական հզոր տարերք, մերթ ներշնչանք` ոտքից գլուխ` պարզ, համեստ, շիտակ ու շռայլ, երգի, ծառ ու ծաղկի մեծ սիրահար…

Եկեք երբեք չհարցնենք նրա տարիքը. ամեն տարի շնորհավորենք նրան, մաղթենք քաջառողջություն ու ասենք՝ Դուք միշտ մեր կողքին կլինեք, քանի դեռ այդքան անսպառ է Ձեր եռանդը, Ձեր անսահման սերը գրի ու գրականության, ուսանողի ու այս կրթօջախի նկատմամբ, քանի դեռ գրականությունը իր հրդեհն է վառում Ձեր աչքերում, քանի դեռ Ձեր խոսքի ու երգի ելևէջներում առկա են սիրո և նվիրումի  անմար հույզեր…»:

Բ.գ.թ., ասիսիտենտ Ա.Հասանյանն ընթերցեց  ամբիոնի վարիչ, բ.գ.թ., դոցենտ Վ.Ավագյանի շնորհավորական ուղերձից հատված:

Մասնաճյուղի վարչական և դասախոսական անձնակազմի մյուս ներկայացուցիչներն էլ ջերմ ու անկեղծ շնորհավորանքներ և բարեմաղթանքներ հղեցին Խ.Վարդանյանին` ծննդյան տարեդարձի և ըստ արժանվույնս գնահատվելու (ԵՊՀ ոսկե մեդալով պարգևատրվելու) առթիվ:

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

Ելույթ ունեցավ Խ.Վարդանյանը` շնորհակալություն հայտնելով տնօրենությանը` նման նախաձեռնության համար, փոխադարձեց ջերմ ու անմիջական շնորհավորանքներով և բարեմաղթանքներով հանդես եկած բոլոր գործընկերներին և, ի պատասխան,  նրանց նվիրեց մի սրտաբուխ կատարում` Հայոց լեզվի և գրականության ամբիոնի դասախոսների գեղեցիկ ձայնակցությամբ:

ԵՊՀ ոսկե մեդալով պարգևատրվեց ԵՊՀ ԻՄ-ի հայոց լեզվի և գրականության ամբիոնի դոցենտ, բ.գ.թ. Խաչատուր Վարդանյանը

Տնօրենության նախաձեռնած միջոցառումը համալսարանականներիս համար գեղեցիկ առիթ էր արժևորելու մեր կողքին կանգնած մեծերին, մեր սերը, մեծարանքն ու երախտագիտությունն արտահայտելու գիտության և կրթության այն ազնիվ նվիրյալների նկատմամբ, ովքեր արդեն մի քանի տասնամյակ սերունդներ են կրթում ու դաստիարակում, որոնց երեկվա սաներն այսօր նրանց հետ համատեղ իրականցնում են Ուսուցչի` Գիտելիք և դպրության սերմնացանի` որքան պատվաբեր, նույնքան էլ պատասխանատու գործը:

Հաջողությամբ կայացավ մեր դասախոսի նյույորքյան ցուցահանդեսը

2017թ. հունիս ամսին ԱՄՆ-ի Նյու Յորք քաղաքում կայացավ ԵՊՀ ԻՄ-ի Տուրիզմի կառավարման և մշակութաբանության ամբիոնի ասիստենտ Լևոն Լաճիկյանի (Լաչիկյանի) «Պոլսո դերը հայ մշակույթի պատմության մեջ» թեմայով դասախոսություն-ցուցահանդեսը:

Հաջողությամբ կայացավ մեր դասախոսի նյույորքյան ցուցահանդեսը

«Որքան էլ սա իմ առաջին ցուցահանդեսը չէր արտասահմանում, այն շահեկանորեն առանձնացավ մյուսներից խոսքի ու պատկերի համադրությամբ և լսարանի վրա գործած իր ազդեցության ուժով»,- ԱՄՆ կատարած ստեղծագործական ուղևորությունից հետո այսպես խոստովանեց Լ.Լաճիկյանը:

Հաջողությամբ կայացավ մեր դասախոսի նյույորքյան ցուցահանդեսը

Նա Նյու Յորքի տարածաշրջան էր մեկնել տեղի հայ համայնքի հրավերով՝ «Պոլսո դերը հայ մշակույթի պատմության մեջ» թեմայով դասախոսելու, ինչպես նաև ցուցադրելու Պոլսո տեսարանները պատկերող իր նկարաշարը:

Ի դեպ, այս ցուցահանդեսը արվեստագետի ստեղծագործական կյանքում թվով 15-րդն էր:

Հաջողությամբ կայացավ մեր դասախոսի նյույորքյան ցուցահանդեսը

Գեղարվեստական գլխավոր իրադարձությունը տեղի ունեցավ Նյու Ջերսիի Թուֆայան սրահում` ներկայությամբ 100-ից ավելի մեր հայրենակիցների:

Բանախոսը խոսուն փաստերով ցույց տվեց, թե ինչպես ժամանակի ընթացքում Պոլիսը վերածվեց հայոց մշակութային մայրաքաղաքի: Այնտեղ էր, որ 1700թ. իր միաբանությունը հիմնեց Մխիթար Սեբաստացին, գրեթե նույն ժամանակ մեր հոգևոր-մշակութային կյանքում զարթոնք ապահովեց Հովհաննես Կոլոտ Բաղիշեցին, այնուհետև Տիգրան Չուխաջյանը երկնեց առաջին հայկական օպերան, Հակոբ Վարդովյանը սկզբնավորեց հայ պրոֆեսիոնալ թատրոնը, հանդես եկավ Պալյանների ճարտարապետական գերդաստանը, իսկ XX դարի սկզբներին Պոլսում ապրեցին ու ստեղծագործեցին Գրիգոր Զոհրապն ու Սիամանթոն, Դանիել Վարուժանն ու Ռուբեն Սևակը և շատ ուրիշներ:

Հաջողությամբ կայացավ մեր դասախոսի նյույորքյան ցուցահանդեսը

Լևոն Լաճիկյանը ոչ միայն ներկայացրեց Պոլսի անցյալը, այլև մանրամասն անդրադարձավ ներկա պոլսահայ կրթական ու մշակութային կյանքին, որը մոտիկից ուսումնասիրել էր վերջին մի քանի տարիներին դեպի Պոլիս կատարած 3 այցերի ընթացքում: Վերջիններիս արդյունք էին նաև նրա` մի քանի տասնյակից ավելի նուրբ գծանկարները, որոնք բարձր գնահատվեցին ներկաների կողմից:

Ամերիկյան հաջորդ կանգառը Նյու Յորքի Սրբոց Նահատակաց հայկական եկեղեցին էր, որի լայնարձակ սրահում կայացավ մեր դասախոսի գծանկարչական աշխատանքների շնորհանդեսը: Պարոն Լաճիկյանի նվիրած մի ստեղծագործությամբ էլ, որը պատկերում էր հիշյալ հայկական եկեղեցին, մեկնարկեց Սրբոց Նահատակացի 60-ամյակի հանդիսությունների շարքը:

Հաջողությամբ կայացավ մեր դասախոսի նյույորքյան ցուցահանդեսը

Մենք հպարտ ենք մեր ուսանողներով («Write On! Competition 2017» մրցույթում ևս մեր ուսանողները գրավեցին մրցանակային տեղեր)

2017թ. ապրիլի 25-ին ԵՊՀ Իջևանի մասնաճյուղում կայացավ «WRITE ON! COMPETITION 2017» մրցույթում հաղթած մեր ուսանողների վկայականների հանձնման արարողությունը:

Մենք հպարտ ենք մեր ուսանողներով («Write On! Competition 2017» մրցույթում ևս  մեր ուսանողները գրավեցին մրցանակային տեղեր)

Ավելի քան տասը տարի է, ինչ ԱՄՆ Խաղաղության կորպուսի կամավորների ջանքերով գործում է «WRITE ON! COMPETITION» մրցույթը, որը նախատեսված է տարբեր երկրների 6-12-րդ դասարանների աշակերտների և բուհերի I-IV կուրսերի ուսանողների համար:

Այս տարի ևս ԵՊՀ Իջևանի մասնաճյուղի «Անգլերեն լեզու և գրականություն» մասնագիտության տարբեր կուրսերի ուսանողներ մասնակցեցին մրցույթին և գրավեցին մրցանակային տեղեր:

Մենք հպարտ ենք մեր ուսանողներով («Write On! Competition 2017» մրցույթում ևս  մեր ուսանողները գրավեցին մրցանակային տեղեր)

Ազգային փուլի 541 մասնակիցների մեջ 2-րդ կուրսի ուսանողուհիներ Սյուզաննա Շահնազարյանը,  Արինա Պարոնյանը և Նելլի Գևորգյանը գրավեցին համապատասխանաբար առաջին, երկրորդ և երրորդ տեղերը:

Մենք հպարտ ենք մեր ուսանողներով («Write On! Competition 2017» մրցույթում ևս  մեր ուսանողները գրավեցին մրցանակային տեղեր)

3-րդ կուրսի ուսանողուհի Անուշ Հակոբյանը գրավեց առաջին տեղը:

Մենք հպարտ ենք մեր ուսանողներով («Write On! Competition 2017» մրցույթում ևս  մեր ուսանողները գրավեցին մրցանակային տեղեր)

 

4-րդ կուրսի (հեռակա ուսուցման համակարգի) ուսանողուհի Նարա Առուշանյանը ևս գրավեց առաջին տեղը:

Մենք հպարտ ենք մեր ուսանողներով («Write On! Competition 2017» մրցույթում ևս  մեր ուսանողները գրավեցին մրցանակային տեղեր)

Միջազգային փուլ ուղարկվեցին միայն առաջին տեղ գրաված մասնակիցների շարադրությունները:

Միջազգային փուլում 22 երկրների` առաջին տեղ գրաված ներկայացուցիչների մեջ 2-րդ մրցանակային տեղ գրավեցին Հայաստանից երկու մասնակից ` Երևանից 10-րդ դասարանցի աշակերտ և ԵՊՀ Իջևանի մասնաճյուղից «ԱԼԳ» 3-րդ կուրսի ուսանողուհի Անուշ Հակոբյանը:

Մենք հպարտ ենք մեր ուսանողներով («Write On! Competition 2017» մրցույթում ևս  մեր ուսանողները գրավեցին մրցանակային տեղեր)Հիշեցնենք, որ անցյալ տարվա մրցույթի միջազգային փուլում

Անուշը գրավել էր 3-րդ մրցանակային տեղ:

ԵՊՀ Իջևանի մասնաճյուղը սիրով շնորհավորում է Անուշ Հակոբյանին և իր բոլոր մրցանակակիր ուսանողներին, հպարտանում նրանց ձեռքբերումներով, մաղթում նրանց նորանոր հաղթանակներ, առավել մեծ բարձունքների նվաճումներ: