Երևանի պետական համալսարանի Իջևանի մասնաճյուղ

ԱՄՆ-ի Այովայի համալսարանի ուսանողները՝ ԵՊՀ ԻՄ-ում ընթացող ամառային դպրոցում

1. գլխավոր 2023թ. հուլիսի 1-ից օգոստոսի 1-ը ԵՊՀ Իջևանի մասնաճյուղում «Project Ijevan Valley EdTech Summer School-2023» նախագծի շրջանակներում ԱՄՆ-ի Այովայի համալսարանի ուսանողների համար իրականացվում է «Բազմամշակութային աշխարհում ռուսաց լեզվի և մշակույթի ուսանողների կրթության արդյունավետության բարձրացում Հայաստանում» խորագրով ամառային դպրոցը (պրակտիկան): Դպրոցն իրականացվում է ծրագրի ղեկավար և համակարգող, ԵՊՀ ԻՄ-ի օտար լեզուների ամբիոնի պրոֆեսոր Սվետլանա Մինասյանի, ծրագրում ներգրավված մասնաճյուղի դասախոսների և ԱՄՆ-ի Այովայի համալսարանի Համաշխարհային լեզուների, գրականության և մշակույթների ռուսական ծրագրի տնօրեն, ծրագրի՝ ամերիկյան կողմից համակարգող Իրինա Կոստինայի մասնակցությամբ:
Ծրագրի հիմնական նպատակն է բացահայտել և զարգացնել ուսանողների ստեղծագործական կարողությունները ռուսաց լեզվի և գրականության, մշակույթի, նախագծային և գիտահետազոտական գործունեության մեջ: Ծրագիրը նախատեսված է ռուսերենի իմացության A-2, B-1 մակարդակների համար:
Ամառային դպրոցը հիանալի հնարավորություն է բարելավելու ռուսերենի գործնական կիրառումը, ծանոթանալու ռուսական, հայկական մշակույթներին, պատմությանը և ներկայացնելու ամերիկյան մշակույթը, գրականությունը և պատմությունը ԵՊՀ Իջևանի մասնաճյուղի ուսանողներին:
Իրականացվող դասընթացներն իդեալական են հումանիտար ուղղվածությամբ ուսանողների և ասպիրանտների համար, որոնց վերապատրաստման ծրագիրը հիմնականում ներառում է ռուսերենի, Ռուսաստանի մշակույթի և պատմության իմացության ընդլայնումը:
Այս ինտենսիվ դասընթացը նախատեսված է այն ուսանողների համար, ովքեր նախկինում սովորել են ռուսերեն և ունեն քերականության, հնչյունաբանության և ռուսաց լեզվի բառապաշարի վերաբերյալ հիմնական գիտելիքներ: Ծրագրի շրջանակներում անցկացվող դասընթացները կօգնեն մասնակիցներին խորացնել ռուսերենի գործնական հմտությունները, ընդլայնել իրենց բառապաշարը, զարգացնել ընթերցանության կարողությունները և խոսակցական լեզուն: Դասընթացների շրջանակներում հատուկ ուշադրություն է դարձվում ռուսերեն խոսքի լսողական ընկալման ուսուցմանը (լսելու և խոսելու), քննարկումներին, ելույթներին: Ամբողջական ծրագրի ուսումնական մասի տևողությունը 3 շաբաթ (120 ժամ) է:
Ուսուցման ծրագիրը ներառում է՝
• A-2, B-1 մակարդակների ռուսերենի՝ որպես օտար լեզվի գործնական համալիր դասեր՝ հիմնված պատմվածքի վրա, ուսուցման նորարարական համակարգային ծրագրերի կիրառում, որպես անցած դասընթացի արդյունք՝ ստեղծագործական աշխատանքների ներկայացում,
• թեմատիկ պարապմունքներ (ծանոթություն Ռուսաստանի, Հայաստանի պատմությանը, ավանդույթներին և մշակույթին՝ համեմատելով ամերիկյան մշակույթի հետ),
• այցելություններ Հայաստանի տեսարժան վայրեր (քայլարշավ և ավտոբուսային շրջագայություններ):
Խիստ հագեցած է նաև ծրագրի մշակութային մասը: Շաբաթ և կիրակի օրերին դպրոցի մասնակիցներն իրականացրել են շրջագայություններ Տավուշի մարզի զբոսաշրջային վայրեր և պատմական հուշարձաններ, վանական համալիրներ: Ուսանողներն Հայաստանում գտնվելու իրենց վերջին օրերը կանցկացնեն մայրաքաղաքում. հանդիպումներ կունենան ԵՊՀ-ում, կծանոթանան Երևանի տեսարժան վայրերին, կայցելեն Սևան, Գառնի, Գեղարդ և Տաթև:
«Project Ijevan Valley EdTech Summer School-2023» նախագծի շրջանակներում իրականացվող ամառային դպրոցի դասընթացների ավարտին ամերիկացի ուսանողները կստանան վկայականներ:

Կայացավ 2022-2023 ուստարվա շրջանավարտների ավարտական հանդիսավոր միջոցառումը

1. գլխավոր (2) 2023թ. հուլիսի 12-ին ԵՊՀ Իջևանի մասնաճյուղում կայացավ 2022-2023 ուստարվա 224 շրջանավարտների (առկա ուսուցման 129 և հեռակա ուսուցման 95) ավարտական հանդիսավոր միջոցառումը, որին մասնակցում էին Երևանի պետական համալսարանի ռեկտոր Հովհաննես Հովհաննիսյանը, ԵՊՀ ռեկտորի աշխատակազմի ղեկավար Դավիթ Հովհաննիսյանը, Տավուշի մարզպետ Հայկ Ղալումյանը, մարզի տարբեր ոլորտների ներկայացուցիչներ, բուհի վարչական և պրոֆեսորադասախոսական անձնակազմի անդամները, ուսանողներ, շրջանավարտներ, ծնողներ, արտաքին շահակիցներ, ԶԼՄ-ների ներկայացուցիչներ:

Միջոցառումը բացվեց ՀՀ օրհներգով, Երևանի պետական համալսարանի հիմնով: Ապա 1 րոպե լռությամբ հարգանքի տուրք մատուցվեց Արցախյան 44-օրյա պատերազմում անմահացած մեր հայորդիների հիշատակին:

Հանդիսավոր միջոցառումը, որն ուղեկցվում էր Կիրառական արվեստի ֆակուլտետի շրջանավարտների աշխատանքների ցուցահանդեսով և տոնական երաժշտությամբ, բաղկացած էր 2 մասից:

Միջոցառման առաջին մասում տեղի ունեցավ շրջանավարտների դիպլոմների հանձնման հանդիսավոր արարողությունը, որի ընթացքում շնորհավորանքի և բարեմաղթանքի խոսքերով հանդես եկան ԵՊՀ-ի ռեկտոր Հովհաննես Հովհաննիսյանը, ԵՊՀ ԻՄ-ի տնօրենի պաշտոնակատար Անուշավան Մակարյանը, Տավուշի մարզպետ Հայկ Ղալումյանը, մասնաճյուղի այս տարվա գերազանց առաջադիմությամբ շրջանավարտ Տաթևիկ Վասիլյանը, Ուսանողական խորհրդի և Ուսանողական գիտական ընկերության նախկին նախագահներ, այս տարվա շրջանավարտներ Գառնիկ Խաչատրյանը և Մեդորա Ասիլյանը, ԵՊՀ ԻՄ-ում իրականացվող ամառային դպրոցի մասնակիցներ ԱՄՆ-ի Այովայի համալսարանի պրոֆեսոր Իրինա Կոստինան և նույն համալսարանի ուսանող Ջեյկոբ Վիլյամ Սիֆկեն:

1․2գլխավոր

 Իր շնորհավորական խոսքում Մայր բուհի ռեկտոր Հովհաննես Հովհաննիսյանն ընդգծեց, որ համալսարանական լինելը այս 4 կամ 6 տարվա կյանքը չէ, դա հավերժ կոչում է, որը տանում են ամբողջ կյանքի ընթացքում:

«Սիրելի՛ համալսարանականներ, ես ուզում եմ ասել, որ Երևանի պետական համալսարանի Իջևանի մասնաճյուղը ուրույն դեր ունի ոչ միայն Տավուշի մարզում, այլև ամբողջ հանրապետությունում: Մասնաճյուղը՝ որպես ռեգիոնալ բուհ, առաջամարտիկ է շատ, եթե չասեմ՝ համարյա բոլոր հարցերում. դրա մասին են վկայում մեր ընդունելության ցուցիչները, դիմորդների քանակը: Եթե համեմատելու լինենք այլ բուհերի հետ, կտեսնենք, որ Իջևանի մասնաճյուղը մի քանի քայլ առաջ է այլ բուհերից: Դա վկայում է այն մասին, որ մենք մեծ ուշադրություն ենք դարձնում կրթության որակին և գնալով ավելի ենք խորացնելու այդ ուշադրությունը: Մեզ համար կարևոր է որակյալ և համալսարանին վայել շրջանավարտ ունենալը՝ գիտելիքներով հարուստ, որովհետև այդ գիտելիքները հետագայում ծառայելու են Հայաստանի Հանրապետությանը: Սիրելի՛ շրջանավարտներ, ես ուզում եմ ևս մեկ անգամ ԵՊՀ-ի ղեկավարության անունից շնորհավորել բոլորիդ և բարի երթ մաղթել այս նոր՝ մարտահրավերներով լեցուն կյանքում, որպեսզի ձեր տեղը գտնեք և երբեք չմոռանաք, որ դուք համլսարանական եք և որտեղ էլ լինեք, պետք է ձեր ծառայությունը բերեք այն պետությանը՝ Հայաստանի Հանրապետությանը, որը տվել է ձեզ այդ հնարավորությունը: Շնորհակալություն», – նշեց պարոն ռեկտորը:

ԵՊՀ ԻՄ-ի տնօրենի պաշտոնակատար Անուշավան Մակարյանը շնորհավորեց ԵՊՀ ԻՄ-ի այս տարվա 224 շրջանավարտներին, ովքեր համալրեցին ԵՊՀ-ի 150 հազար շրջանավարտների «բանակը», հղեց իր բարեմաղթանքները՝ ցանկանալով, որ նրանք կյանքում գտնեն իրենց տեղը՝ իրենց նպատակներին ու երազանքներին համապատասխան, մաղթեց նրանց բարի երթ:

Տավուշի մարզպետ Հայկ Ղալումյանն իր շնորհավորական խոսքում համոզմունք հայտնեց, որ բուհում ձեռք բերած իրենց գիտելիքները և մարդկային որակները շրջանավարտները հետագայում կծառայեցնեն մեր ժողովրդի, երկրի զարգացմանը:

Բարձր առաջադիմությամբ շրջանավարտներին ԵՊՀ-ի ռեկտորը, Տավուշի մարզպետը և ԵՊՀ ԻՄ-ի տնօրենի պաշտոնակատարը հանձնեցին գերազանցության դիպլոմները, ապա ֆակուլտետների դեկանները, ըստ մասնագիտությունների, առկա և հեռակա ուսուցման մյուս շրջանավարտներին հանձնեցին իրենց դիպլոմները:

Միջոցառման երկրորդ մասը՝ շրջանավարտների ավարտական երեկույթը, շարունակվեց գեղատեսիլ բնության գրկում՝ Ենոքավանի «Yell Extreme Park»-ում, որտեղ ապահովվեց մասնակիցների բարձր տրամադրությունը. եղան ֆոտոնկարահանումներ, երաժշտություն և հյուրասիրություն:

Վոլեյբոլի բաց առաջնություն՝ նվիրված մեր անմահացած հերոսների հիշատակին

1. Գլխավոր․ IMG_1626 ԵՊՀ Իջևանի մասնաճյուղի մարզադահլիճում 2023թ. ապրիլի 22-ին կայացավ վոլեյբոլի բաց առաջնություն՝ ի հիշատակ 2016-2022 թվականների ռազմական և պատերազմական գործողությունների ընթացքում անմահացած մեր հայրենակիցների:

Ներկաները նախ 1 րոպե լռությամբ հարգեցին մեր անմահացած հերոսների հիշատակը։

Բացման խոսքով հանդես եկավ ԵՊՀ ԻՄ-ի արտակարգ իրավիճակների, մարմնակրթության և սպորտի ամբիոնի դասախոս Վ.Պողոսյանը՝ ողջունելով մասնակիցներին, բոլոր ներկաներին և նրանց մաղթելով հաջող և դիտարժան խաղ:

Ողջույնի խոսք ասաց ԵՊՀ Իջևանի մասնաճյուղի տնօրենի պաշտոնակատար Ա.Մակարյանը՝ մասնավորապես նշելով. «Հարգելի՛ մարզասերներ, այսօր մեր մասնաճյուղում իսկապես սպորտային տոն է. արդեն երկար ժամանակ տարբեր պատճառներով տեղի չեն ունեցել նման մասշտաբային իրադարձություններ: Ուզում եմ շնորհակալություն հայտնել նախ և առաջ կազմակերպիչներին՝ այս գեղեցիկ միջոցառումը կազմակերպելու համար, շնորհակալություն եմ ուզում հայտնել մասնակիցներին՝ նմանատիպ ակտիվության համար: Հույս ունեմ, որ մեր պայքարը կլինի ազնիվ. կհաղթեն իսկապես ուժեղները և արժանավորները:

Միջոցառումը ինչ-որ առումով սիմվոլիկ է. ճակատագրի բերումով հայ ազգը վերջին 100 և ավել տարիների ընթացքում անընդհատ ունեցել է կորուստներ, և այդ շարքը դեռևս չի կտրվում, սիմվոլիկ է, որ այն նվիրում ենք մեր նահատակների հիշատակին: Իրենք արել են այն, ինչ կարող էին, իրենք տվել են ամենաքաղցր, ամենաթանկ բանը՝ իրենց կյանքը, մեզ համար…. Ի՞նչ է մնում է մեզ անել. մեզ մնում է հիշել, հարգել նրանց հիշատակը և ապրել, արարել այնպես, որ արժանի լինենք նրանց հիշատակին»:

Առաջնությանը մասնակցում էր 13 թիմ՝ Սարիգյուղի, Այգեհովիտի, Գանձաքարի (2 թիմ), Պտղավանի, Ներքին Ծաղկավանի, Նոյեմբերյանի, Իջևանի երիտասարդների, Իջևանի համայնքապետարանի, Իջևանի ավագ դպրոցի, Իջևանի՝ Սպարտակ Սարգսյանի անվան թիվ 1 հիմնական դպրոցի, Իջևանի 92:48 և ԵՊՀ Իջևանի մասնաճյուղի թիմերը:

Խաղերն ընթանում էին օլիմպիական մրցակարգով (պարտվողը դուրս էր մնում հետագա պայքարից) և աչքի էին ընկնում համառ և գեղեցիկ պայքարով:

1-4-րդ կիսաեզրափակիչ դուրս եկան «Գանձաքար» – «Պտղավան» և «ԵՊՀ Իջևանի մասնաճյուղ» – «Սարիգյուղ» թիմերը: Հաղթողները՝ Գանձաքարի և Սարիգյուղի թիմերը, դուրս եկան եզրափակիչ: Հաղթող ճանաչվեց Սարիգյուղի թիմը, որը ցուցադրեց շատ գեղեցիկ խաղ:

Այսպիսով՝ առաջին տեղը գրավեց Սարիգյուղի թիմը, երկրորդ տեղը՝ Գանձաքարի թիմը: Երրորդ տեղը զբաղեցրին Պտղավանի և ԵՊՀ Իջևանի մասնաճյուղի թիմերը:

Մրցանակային տեղեր գրաված թիմերը ԵՊՀ Իջևանի մասնաճյուղի տնօրենության կողմից պարգևատրվեցին մեդալներով, գավաթներով և հավաստագրերով:

16 երկրից 215 մասնակից՝ «Սոցիալ-մանկավարժական նորարարությունները կրթության մեջ» միջազգային գիտագործնական 2-րդ համաժողովում

1. գլխավոր

 

 2023թ. ապրիլի 15-16-ին ԵՊՀ Իջևանի մասնաճյուղն առկա և առցանց ձևաչափով իրականացրեց «Սոցիալմանկավարժական նորարարությունները կրթության մեջ» երիտասարդ գիտնականների միջազգային գիտագործնական 2-րդ համաժողովը, որին մասնակցեցին բակալավրիատի և մագիստրատուրայի տարբեր մասնագիտությունների ուսանողներ, երիտասարդ դասախոսներ և գիտնականներ՝ 62 համալսարանի 215 ներկայացուցիչներ 16 երկրից (Հայաստան, Ալժիր, Բելառուս, Վրաստան, Իրաք, Իրան, Ղազախստան, Ղրղզստան, Չինաստան, Լեհաստան, Ռուսաստան, Տաջիկստան, Թաթարստան, Ուզբեկստան, Ուկրաինա, Ֆինլանդիա):

Միջազգային համաժողովի լեզուներն էին հայերենը, ռուսերենը, անգլերենը:

Համաժողովի նպատակն էր ուսանողական հետազոտությունների խթանումը, ուսանողների՝ մագիստրոսների, ասպիրանտների ստեղծագործական ներուժի բացահայտումը, ուսանողների և դասախոսների ներբուհական և միջբուհական համագործակցության զարգացումը, երիտասարդության ուշադրության կենտրոնացումը ժամանակակից մանկավարժական հետազոտությունների կարևորության վրա:

Բացման և ողջույնի խոսքով հանդես եկան համաժողովի կազմկոմիտեի նախագահ, ԵՊՀ ԻՄ-ի տնօրենի պաշտոնակատար, ֆ.մ.գ.թ., դոցենտ Անուշավան Մակարյանը, կազմկոմիտեի նախագահի տեղակալ, նախագծի հեղինակ, ԲԳՌԱ պրոֆեսոր, ԵՊՀ ԻՄ-ի օտար լեզուների ամբիոնի պրոֆեսոր, մ.գ.թ. Սվետլանա Մինասյանը: Միջազգային գործընկերներից ողջույնի խոսք ասացին Տ Ն Բոկովան (մ.գ.դ., ՌՀԸ պրոֆեսոր, ՏԳՏ պրոֆեսոր, ՄՔՄՀ Օտար լեզուների ինստիտուտի փոխտնօրեն, Մոսկվա, Ռուսաստան), Ա. Ա. Եվտյուգինան (մ.գ.դ., պրոֆեսոր, Ռուսաց և օտար լեզուների ամբիոնի վարիչ, ՌԴ պետական պրոֆեսիոնալ-մանկավարժական համալսարան, Եկատերինբուրգ, Ռուսաստան), Տ. Վ. Կուպրինան (մ.գ.թ., Ուրալի՝ Ռուսաստանի առաջին նախագահ Բ. Ն. Ելցինի անվան դաշնային համալսարանի օտար լեզուների և թարգմանչության ամբիոնի դոցենտ, Եկատերինբուրգ, Ռուսաստան), Ն. Ա Բոժենկովան (բ.գ.դ., ԴՊԲԲԿՈՒՀ, Ա․ Ս․ Պուշկինի անվան ռուսաց լեզվի պետական ինստիտուտի բանասիրության ֆակուլտետի ընդհանուր և ռուս լեզվաբանության ամբիոնի պրոֆեսոր, Մոսկվա, Ռուսաստան), Ա. Գ. Բերմուսը (մ.գ.դ., պրոֆեսոր, ԲԿ ՊԴԻԿՀ (ФГАОУ ВО) մանկավարժական գիտությունների և կրթության ամբիոնի վարիչ, Հարավային դաշնային համալսարան, Դոնի Ռոստով, Ռուսաստան), Է Կ Շարիպովան (ՌԲԱ ակադեմիկոս, փ.գ.դ., Օշի ՊՀ միջազգային կրթական ծրագրերի բարձրագույն դպրոցի պրոֆեսոր, Օշ, Ղրղզստան), Ն Ա Շերմուհամեդովան (փ.գ.դ., պրոֆեսոր, Փիլիսոփայության և հոգևորության հիմունքների ամբիոնի վարիչ, Միրզո Ուլիթբաևի անվան Ուզբեկստանի ազգային համալսարան, Տաշքենդ, Ուզբեկստան), Վ. Վ. Բույլովը (փիլիսոփայության դոկտոր, Փիլիսոփայության ֆակուլտետի հումանիտար գիտությունների բաժանմունքի ռուսաց լեզվի և թարգմանության ամբիոնի պրոֆեսոր, Արևելյան Ֆինլանդիայի համալսարան, Հելսինկի, Յոենսուու, Ֆինլանդիա):

Տիկին Ս.Մինասյանը մասնավորապես նշեց, որ այսօր կրթությունը պետք է զարգացնի առաջնահերթ ոլորտները, մասնավորապես՝ երիտասարդական լաբորատորիաների, քննարկումների հարթակների մոդելների ստեղծում և մշակում, ուսուցիչների գործնական վերապատրաստման համակարգի ձևավորում, մշակութային և հումանիտար ոլորտում գործընկերության և համագործակցության մոդելի ձևավորում և տեխնոլոգիաների նախագծում: Մասնակիցների հոդվածներն ապացույցն են այն բանի, որ եկել է կրթադաստիարակչական ծրագրեր քննարկելու, կոնկրետ խնդիրների ու հարցերի շուրջ գիտական բաց քննարկումներ նախաձեռնելու ժամանակը: Համաժողովների ընթացքում ստեղծելով քննարկումների հարթակներ՝ մենք հնարավորություն ենք տալիս առաջին հերթին հաղթահարել սոցիալական և գիտական մեկուսացումը: Քննարկման ոլորտը նպատակաուղղված է հումանիտար գիտությունների բնագավառում ճշգրիտ գիտությունների հետ մեկտեղ նոր մոտեցումներ, մոդելներ, հետազոտական տեխնոլոգիաներ գտնելուն, համատեղ և ինքնատիպ կրթական նախագծեր մշակելուն: Համաժողովի քննարկման հարթակը հնարավորություն կտա հասկանալ, թե ինչն է այսօր արդիական կրթության մեջ և ինչպես հասնել ակնկալվող նպատակին (Ս.Մինասյանի ողջույնի խոսքը տե՛ս այստեղ):

Միջազգային համաժողովում ներկայացված աշխատանքները վերաբերում էին մասնագիտական-մանկավարժական կրթության զարգացման ներկա և ապագա միտումներին, նորարարական սկզբունքներին, մոտեցումներին և տեխնոլոգիաներին, կրթության մեջ տեղեկատվական տեխնոլոգիաներին, լեզվի, գրականության և մշակույթի դերին, լեզուների և մշակույթների դասավանդման մեթոդիկային, ռուսերենի՝ որպես օտար լեզվի միջմշակութային կրթության հիմք լինելուն, կրթական ծրագրերի նախագծմանը, միջմշակութային հաղորդակցությանը և թարգմանությանը:

Համաժողովի պատշաճ և բարձր մակարդակով կազմակերպման և իրականացման համար ԵՊՀ ԻՄ-ի տնօրենության և ողջ անձնակազմի անունից խորին շնորհակալություն ենք հայտնում միջազգային գիտագործնական համաժողովի բոլոր կազմակերպիչներին և առանձնապես պրոֆեսոր Սվետլանա Մինասյանին, մասնակիցներին և մոդերատոր-համակարգողներին՝ ուսանողների աշխատանքը մեկնաբանելու, մեթոդական ցուցումներ տալու և մասնակիցների հետազոտությունները գնահատելու համար:

Մասնակիցները ստացան հավաստագրեր:

ԵՊՀ ԻՄ-ի պաշտոնական կայքում կարող եք տեսնել համաժողովի ծրագիրը, հոդվածների ժողովածուն (որը ներառում է 215 հոդված) և կազմկոմիտեն (որում ընդգրկված են 13 պրոֆեսորներ՝ տարբեր երկրներից):

Մյուս լուսանկարները տե՛ս Պատկերասրահում:

 

Կայացավ ԵՊՀ ԻՄ-ի մագիստրատուրայի՝ 2023թ. շրջանավարտների դիպլոմների հանձնման հանդիսավոր արարողությունը

1. գլխավոր. IMG_1379  2023թ. մարտի 11-ին ԵՊՀ Իջևանի մասնաճյուղում կայացավ «Ընդհանուր մանկավարժություն» մասնագիտության «Դպրոցական մանկավարժություն և մեթոդիկա» կրթական ծրագրով հեռակա ուսուցման մագիստրատուրայի շրջանավարտների դիպլոմների հանձնման հանդիսավոր արարողությունը:

ԵՊՀ ԻՄ-ի տնօրենի պաշտոնակատար Անուշավան Մակարյանը, փոխտնօրեն Մհեր Օթարյանը և մագիստրոսական կրթական ծրագրի համակարգող Ալեքսան Մարգարյանը շնորհավորեցին ԵՊՀ ԻՄ-ի «Ընդհանուր մանկավարժություն» մասնագիտությամբ մագիստրատուրայի երկրորդ տարվա շրջանավարտներին և հղեցին իրենց բարեմաղթանքները:

Տնօրենն իր խոսքում ընդգծեց, որ ուսումնառության տարիները մարդու՝ որպես անհատի և մասնագետի ձևավորման ու զարգացման համար կարևորագույն շրջան են: Եվ ԵՊՀ Իջևանի մասնաճյուղն իր ողջ անձնակազմով ջանք ու եռանդ չի խնայել, որ այդ տարիները լինեն հնարավորինս հագեցած, որակյալ կրթության ձեռքբերման, մասնագիտական կրթական վերջնարդյունքների լիարժեք ձևավորման տարիներ:

Պարոն Մակարյանը շրջանավարտներին մաղթեց մասնագիտական մեծ ձեռքբերումներ և հաջողություններ, անձնական երջանկություն, ԵՊՀ ԻՄ-ի հեղինակությունն ու համալսարանականի պատիվը բարձր պահելու կամք, նպատակասլացություն, բարի երթ և կանաչ ճանապարհ:

Այնուհետև տեղի ունեցավ դիպլոմների հանձնման արարողությունը:

ԵՊՀ ԻՄ-ի մագիստրատուրայի՝ 2022-2023 ուստարվա 13 շրջանավարտներից 6-ը ստացավ գերազանցության դիպլոմ: