Երևանի պետական համալսարանի Իջևանի մասնաճյուղ

Մասնաճյուղի ներկայացուցիչները ԵՊՀ ՈՒԳԸ 5-րդ միջազգային գիտաժողովում

2018թ. ապրիլի 16-20-ը կայացավ ԵՊՀ ուսանողական գիտական ընկերության  5-րդ միջազգային ուսանողական գիտաժողովը, որը նվիրված էր Հայաստանի Առաջին Հանրապետության հիմնադրման 100-ամյակին: Գիտաժողովին մասնակցում էին աշխարհի ավելի քան մեկ տասնյակ երկրների շուրջ 50 գիտաուսումնական հաստատությունների գրեթե 400 ներկայացուցիչներ:

Գիտաժողովի հանդիսավոր բացմանը ներկա էին ԵՊՀ ուսանողների և շրջանավարտների հետ տարվող աշխատանքների գծով պրոռեկտոր Ռուբեն Մարկոսյանը, ԵՊՀ ՈՒԳԸ նախագահ Մհեր Հակոբյանը, դասախոսներ, ՈՒԳԸ անդամներ, գիտաժողովի մասնակիցներ:

2.Բացում 2

Մհեր Հակոբյանը հանդես եկավ ողջույնի խոսքով: Նա շնորհակալություն հայտնեց բոլոր մասնակիցներին՝ ցուցաբերած հետաքրքրության համար, ՈՒԳԸ ողջ թիմին՝ կատարված աշխատանքի համար, ԵՊՀ ղեկավարությանը՝ ցուցաբերած աջակցության համար:

1.Բացում 1

Ռուբեն Մարկոսյանն իր ելույթում նշեց, որ ՈՒԳԸ միջոցառումներն աչքի են ընկնում կազմակերպվածության բարձր մակարդակով և փորձում են ապահովել համապատասխան գիտական մակարդակ:

Գիտաժողովի աշխատանքներն ընթացան մասնագիտական 20 բաժանմուքներում, որոնք շարունակվեցին մինչև ապրիլի 20-ը ներառյալ:

Փակման արարողության ժամանակ Մհեր Հակոբյանը նշեց. «Այս գիտաժողովը տարբերվում է նախորդից: Մենք կարող ենք արձանագրել, որ մեկ քայլ առաջ ենք գնացել ու կատարելագործել մեր ամենակարևոր միջոցառումը: Այս տարի գիտաժողովի և՛ մասնակիցների թիվն էր շատ, և՛ կազմակերպչական աշխատանքներում ներգրավված մարդկանց: ԵՊՀ ՈՒԳԸ ամենամյա գիտաժողովն աշխարհում երիտասարդական կարևոր միջոցառումներից մեկն է դառնում»:

3.Փակում

 Գիտաժողովին մասնակցում էին ԵՊՀ Իջևանի մասնաճյուղի 6 ներկայացուցիչներ:

Ապրիլի 18-ին Լեզվաբանության բաժանմունքում “The Old English Vocabulary and Word-Formation” թեմայով գիտական զեկուցում կարդաց «Անգլերեն լեզու և գրականություն» մասնագիտության 3-րդ կուրսի ուսանողուհի Սյուզաննա Արտաշեսի Շահնազարյանը:

4. Սյուզաննա

Մյուս ներկայացուցիչները գիտաժողովին մասնակցեցին ապրիլի 19-ին:

Աշխարհագրության և երկրաբանության բաժանմունքում ելույթ ունեցավ «Քարտեզագրություն և կադաստրային գործ» մասնագիտության 4-րդ կուրսի ուսանող Հակոբ Սամվելի Դավթյանը: Նա ներկայացրեց «Տավուշի մարզի Սևքար գյուղի և հարակից տարածքների զբոսաշրջային ռեսուրսների վերհանում, հաշվառում և քարտեզագրում» թեմայով գիտական զեկուցում:

Պատմության բաժանմունքում «Պատմություն» մասնագիտության 3-րդ կուրսի ուսանողուհի Իրինա Արսենի Սաֆարյանը ներկայացրեց Ջոն Քենեդու դերը Կարիբյան ճգնաժամում:

 

8.Իրինա 1Ընդհանուր մաթեմատիկայի և բնագիտության ամբիոնի դասախոս Սլավիկ Սամվելի Ալավերդյանը ելույթ ունեցավ Մանկավարժության բաժանմունքում: Նա ներկայացրեց «Շախմատի դերը աշակերտի մոտ մաթեմատիկակական հասկացությունների վերաբերյալ պատկերացումների զարգացման գործում»:

Մասնաճյուղի ներկայացուցիչները ԵՊՀ ՈՒԳԸ 5-րդ միջազգային գիտաժողովում

«Հայոց լեզու և գրականություն» մասնագիտության 2-րդ կուրսի ուսանողուհիներ Աստղիկ Արթուրի Ղազարյանը և Ռոզա Արմենի Մելքումյանը մասնակցեցին Հայ ևարտասահմանյան գրականության բաժանմունքի աշխատանքներին:

16-20-04-2018-3

Աստղիկ Արթուրի Ղազարյանը ներկայացրեց «Առասպելաբանական և վիպական մոտիվները Խ. Աբովյանի «Վերք Հայաստանի» վեպում» թեմայով գիտական զեկուցում:

16-20-04-2018-2

Ռոզա Արմենի Մելքումյանը կարդաց «Ամպրոպային հերոսի գործառույթների հայտնաբերումը Երուանդի և Երուազի` երկվորյակ եղբայրների անուններում» թեմայով զեկուցում:

16-20-04-2018-1

Բոլոր բաժանմունքների նախագահները և ներկաները բարձր գնահատեցին մասնաճյուղի ներկայացուցիչների աշխատանքների որակը, ողջունեցին հատկապես 2-րդ կուրսեցիների մասնակցությունը միջազգային գիտաժողովին:

Գիտաժողովից հետո ԵՊՀ ԻՄ-ի ներկայացուցիչներն այցելեցին Խաչատուր Աբովյանի տուն-թանգարան:

16-20-04-2018-4

Գրախոսության փուլը հաջողությամբ հաղթահարած աշխատանքները հետագայում կտպագրվեն «ԵՊՀ ՈՒԳԸ գիտական հոդվածների ժողովածուում»:

 

 

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

2018թ. մարտի 23-ին Հումանիտար գիտությունների ֆակուլտետում Անգլերեն լեզվի և գրականության  ամբիոնի կողմից կազմակերպվել էր «Գույներն ու գունանվանումները լեզվամշակույթում» թեմայով գիտագործնական սեմինար, որը վարում էր ամբիոնի վարիչ բ.գ.թ., դոցենտ Ք.Հարությունյանը:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Ներկա էին պրոֆեսորադասախոսական անձնակազմի ներկայացուցիչներ և ուսանողներ:

Թեմայի շրջանակներում Ք.Հարությունյանը մասնակիցներին ներկայացրեց գույներն  ու գունաճանաչողությունը ժամանակակից անգլերենում և առհասարակ մշակույթում՝ մինչ այդ կատարելով պատմական անդրադարձ:

Գունաճանաչողության մասին խոսելիս բանախոսը նշեց, որ չնայած գույների նյութեղեն ուսումնասիրությամբ զբաղվում են այնպիսի գիտություններ, ինչպիսիք են քիմիան և ֆիզիկան, այդուհանդերձ տարբեր մշակույթներ կրող անհատների և հասարակության դեպքում դրա ընկալումը տարբեր է: Ընդգծվեց, որ այդ ուղղությամբ ուումնասիրություններ են իրականացնում հոգեբանությունը, արվեստաբանությունը, գրականագիտությունը, ոճագիտությունը և այլն:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Բանախոսը անցկացրեց զուգահեռներ հայերենի, ռուսերենի և անգլերենի միջև՝ ցույց տալով միևնույն գույնի կիրառման և ըմբռնման նմանություններն ու տարբերությունները տարբեր լեզուներում՝ որպես լեզվի համեմատական ուսումնասիրման կարևորագույն աղբյուր:

Այնուհետև հանգամանորեն ներկայացվեցին տարբեր լեզուներով դարձվածքներում գույնի իմաստային կիրառման, տարբեր մասնագիտություն ունեցող մարդկանց գունաճանաչման առանձնահատկությունները, միջբերվեցին կոնկրետ օրինակներ:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Ք.Հարությունյանը միևնույն ժամանակ փաստեց մի խումբ տեսաբանների ուսումնասիրություններն այն մասին, որ միևնույն գույնը կարող է տարբեր զգացողություններ առաջացնել տարբեր մարդկանց մեջ, և հակառակը, տարբեր տարիքի և սեռի ներկայացուցիչներ կարող են ունենալ տվյալ գույնի ընկալման տարբեր մակարդակներ:

Բովանդակալից տեղեկատվությամբ հագեցած գիտագործնական սեմինարն ուղեկցվեց մասնակիցների բուռն քննարկումներով, որը ևս մեկ անգամ ընդգծեց թեմայի արդիականությունն ու հետաքրքրությունը:

Սեմինարի վերջում Ք.Հարությունյանը ներկաներին նվիրեց համանուն թեմայով իր հեղինակային գիրքը:

«Գույներն ու գունանվանումները լեզվամշակույթում» թեմայով գիտական զեկուցում ներկայացրեց Անգլերեն լեզվի և գրականության ամբիոնի վարիչը

Զեկուցում կարդաց Ընդհանուր մաթեմատիկայի և բնագիտության ամբիոնի դասախոս Ս.Ալավերդյանը

2018թ. մարտի 9-ին ԵՊՀ ԻՄ-ի բնական գիտությունների ֆակուլտետի ընդհանուր մաթեմատիկայի և բնագիտության ամբիոնի դասախոս Սլավիկ Ալավերդյանը ներկայացրեց «Շարժվող օբյեկտի հայտնաբերման մի խնդիր» թեմայով գիտահանրամատչելի զեկուցում:

Զեկուցում կարդաց Ընդհանուր մաթեմատիկայի և բնագիտության  ամբիոնի դասախոս Ս.Ալավերդյանը

Միջոցառումը նախաձեռնել էր ֆակուլտետի ուսանողական գիտական ընկերությունը:

Ներկա էին ֆակուլտետի 3 տասնյակ ուսանողներ:

Զեկուցում կարդաց Ընդհանուր մաթեմատիկայի և բնագիտության  ամբիոնի դասախոս Ս.Ալավերդյանը

Ս.Ալավերդյանը ներկայացրեց փնտրման խնդրի էությունը, լուծման ալգորիթմը, պրեզենտացիայի միջոցով ցուցադրեց խնդրի լուծման ընթացքը:

Զեկուցում կարդաց Ընդհանուր մաթեմատիկայի և բնագիտության  ամբիոնի դասախոս Ս.Ալավերդյանը

Ընդգծվեց, որ փնտրման խնդիրները մեծ կարևորություն ունեն գիտության և տեխնիկայի բազմաթիվ բնագավառներում (մեխանիկա, տիեզերագնացություն, ռոբոտաշինություն և այլն)։ Տնտեսագիտության մեջ հանդիպող որոշ խաղեր և սպորտաձևերում հանդիպող որոշ իրավիճակներ կարելի է ներկայացնել որպես փնտրման խնդիրներ։

Զեկուցում կարդաց Ընդհանուր մաթեմատիկայի և բնագիտության  ամբիոնի դասախոս Ս.Ալավերդյանը

Բացատրվեց, որ ընդհանուր առմամբ փնտրման խնդիրը մի օբյեկտի կողմից մեկ այլ օբյեկտի հայտնաբերումն ապահովող ղեկավարման կառուցումն է։ Փնտրող և որոնվող օբյեկտները կարող են ունենալ տարբեր սահմանափակումներ՝ առավելագույն արագություն, արագությունը փոխելու առավելագույն անկյուն կամ փոփոխման առավելագույն քանակ, տարածության կամ հարթության մեջ տեղաշարժվելու հնարավորություն, գծային չափեր, տվյալ պահին փնտրողին հասանելի (հայտնի) տիրույթի չափ, տեսք ու փոփոխման օրենքներ և այլն։

Զեկուցում կարդաց Ընդհանուր մաթեմատիկայի և բնագիտության  ամբիոնի դասախոս Ս.Ալավերդյանը

  Ներկայացվեց հարթության վրա արագությամբ ղեկակավարվող շարժական կետային օբյեկտի փնտրման խնդիրը, որն իրականացվում է տարածության մեջ արագությամբ ղեկավարվող փնտրողի կողմից:

Զեկուցում կարդաց Ընդհանուր մաթեմատիկայի և բնագիտության  ամբիոնի դասախոս Ս.Ալավերդյանը

«Հողամասերի օտարում» թեմայով զեկուցում կարդաց «ՔԿԳ» 2-րդ կուրսի ուսանողուհի Դիանա Ներսիսյանը

 2018թ. մարտի 6-ին ԵՊՀ ԻՄ-ի բնական գիտությունների ֆակուլտետի «Քարտեզագրություն և կադաստրային գործ» մասնագիտություն 2-րդ կուրսի ուսանողուհի Դիանա Ներսիսյանը ներկայացրեց «Հողամասերի օտարում» թեմայով գիտահանրամատչելի զեկուցում:

v

Միջոցառումը կազմակերպել էր ֆակուլտետի ուսանողական գիտական ընկերությունը:

Ներկա էին ֆակուլտետի դասախոսներ և ուսանողներ:

Զեկուցման մեջ ներկայացվեց, որ քաղաքացիների ու իրավաբանական անձանց հողամասերի նկատմամբ սեփականության իրավունքը հողամասերն իրենց հայեցողությամբ տիրապետելու, օգտագործելու և տնօրինելու իրավունքն է՝ օրենքով նախատեսված սահմանափակումների և այլ պայմանների պահպանմամբ: Հողամասերի նկատմամբ քաղաքացիների և իրավաբանական անձանց սեփականության իրավունքը ծագում է պետական ու համայնքային հողերի մասնավորեցման, ժառանգման, առքուվաճառքի, նվիրատվության և հողի հետ կապված այլ գործարքների ու իրավաբանական փաստերի հիման վրա:

Ընդգծվեց, որ երկու կամ մի քանի անձանց մոտ սեփականության, օգտագործման ներքո գտնվող հողամասը նրանց է պատկանում համապատասխանաբար՝ ընդհանուր սեփականության, ընդհանուր օգտագործման իրավունքով: Հողամասի նկատմամբ ընդհանուր սեփականության իրավունքը ծագում է երկու կամ մի քանի անձանց սեփականության իրավունքով այն հողամասն անցնելիս, որը չի կարող բաժանվել առանց դրա նպատակային նշանակության փոփոխման կամ օրենքի ուժով ենթակա չէ բաժանման: 

«Հողամասերի օտարում» թեմայով զեկուցում կարդաց  «ՔԿԳ» 2-րդ կուրսի ուսանողուհի Դիանա Ներսիսյանը

Սեփականատերերից մեկին պատկանող շենքի, շինության վերակառուցումը չի հանգեցնում ընդհանուր հողամասում նրա բաժնի մեծացմանը՝ առանց մյուս սեփականատերերի համաձայնության:

Նշվեց, որ քաղաքացիներին, իրավաբանական անձանց կամ համայնքներին չպատկանող հողերը պետության սեփականությունն են: Պետությունը կարող է սեփականության իրավունքով հողամասեր գնել համայնքներից, քաղաքացիներից և իրավաբանական անձանցից:

Համայնքների սեփականության են պատկանում տվյալ համայնքի սահմանագծի ներսում գտնվող հողերը՝ բացառությամբ պետությանը, քաղաքացիներին, իրավաբանական անձանց և սեփականության այլ սուբյեկտներին պատկանող հողերի:

Պետության սեփականության հողամասերն օտարվում են՝

 1) սեփականության իրավունքն անհատույց փոխանցելու միջոցով.

 2) ուղղակի վաճառելու միջոցով.

 3) աճուրդով:

Պետության և համայնքների սեփականության հողամասերը սեփականության իրավունքով անհատույց տրամադրվում են գյուղատնտեսական գործունեության համար և որպես տնամերձ կամ անհատական բնակելի տան կառուցման և սպասարկման համար:

Դ.Ներսիսյանը ներկայացրեց, որ պետության և համայնքների սեփականություն հանդիսացող հողամասերի վաճառքը կատարվում է աճուրդով:

«Հողամասերի օտարում» թեմայով զեկուցում կարդաց  «ՔԿԳ» 2-րդ կուրսի ուսանողուհի Դիանա Ներսիսյանը

Աճուրդի մեկնարկային գինը չի կարող պակաս լինել հողի կադաստրային արժեքի 50 տոկոսից: Աճուրդի մեկնարկային գինը յուրաքանչյուր համայնքի, ինչպես նաև համայնքների առանձին հատվածների համար սահմանում է համայնքի ղեկավարը՝ համաձայնեցնելով համայնքի ավագանու հետ:

Հայաստանի Հանրապետության կառավարության սահմանած ցանկում ընդգրկված սահմանամերձ, լեռնային, ծայրամասային բնակավայրերում աճուրդի մեկնարկային գինը չի կարող պակաս լինել հողի կադաստրային արժեքի 30 տոկոսից:

Զեկուցման ներկայացումից հետո ծավալվեց հետաքրքիր քննարկում՝ դասախոսների և ուսանողների մասնակցությամբ:

Վերջում ելույթ ունեցավ նաև Ծրագրավորման և ինֆորմացիոն տեխնոլոգիաների ամբիոնի դոցենտ, տ.գ.թ. Ա.Սիմոնյանը, ով ֆակուլտետի 2 մասնագիտությունների ուսանողներին առաջարկեց համագործակցել, ուսումնասիրել իրենց մասնագիտական գիտելիքների կիրառման հնարավորությունները և դրանց վերաբերյալ ներկայացնել զեկուցումներ:

«Գեյլ-Ռայզերի թեորեմը» թեմայով զեկուցում կարդաց Ընդհանուր մաթեմատիկայի և բնագիտության ամբիոնի դասախոս Մելինե Մելիքյանը  

2018թ. փետրվարի 14-ին ԵՊՀ ԻՄ-ի բնական գիտությունների ֆակուլտետում   կազմակերպվել էր գիտական զեկուցման ներկայացում, որը նախաձեռնել էր ֆակուլտետի ուսանողական գիտական ընկերությունը (ՈՒԳԸ):

«Գեյլ-Ռայզերի թեորեմը» թեմայով զեկուցում կարդաց Ընդհանուր մաթեմատիկայի և բնագիտության ամբիոնի դասախոս Մելինե Մելիքյանը  

Ներկա էին ֆակուլտետի դասախոսներ, աշխատակիցներ և ուսանողներ:
«Գեյլ-Ռայզերի թեորեմը» թեմայով զեկուցում կարդաց Ընդհանուր մաթեմատիկայի և բնագիտության ամբիոնի դասախոս Մելինե Մելիքյանը:
Զեկուցողը նշեց, որ Գեյլ-Ռայզերի թեորեմը կոմբինատորիկայի 2 ճյուղերի՝ գրաֆների տեսության և կոմբինատոր մատրիցների տեսության արդյունքն է։

«Գեյլ-Ռայզերի թեորեմը» թեմայով զեկուցում կարդաց Ընդհանուր մաթեմատիկայի և բնագիտության ամբիոնի դասախոս Մելինե Մելիքյանը  

Ներկայացվեց, թե ինչ են մաժորացիան, գրաֆը, ցանցը, ինցիդենտության մատրիցը և համալուծ հաջորդականությունները։

Բերվեցին օրինակներ, ներկայացվեցին Գեյլ-Ռայզերի թեորեմի կիրառությունները գրաֆների տեսությունում։

«Գեյլ-Ռայզերի թեորեմը» թեմայով զեկուցում կարդաց Ընդհանուր մաթեմատիկայի և բնագիտության ամբիոնի դասախոս Մելինե Մելիքյանը  

Միջոցառումն անցավ ակտիվ քննարկումների մթնոլորտում:

Վերջում բանախոսն ավելացրեց, որ պատրաստ է մասնաճյուղի ուսանողական գիտական ընկերության հետ համագործակցել՝ ուսանողների համար հետագայում ևս կարդալով զեկուցումներ:

«Գեյլ-Ռայզերի թեորեմը» թեմայով զեկուցում կարդաց Ընդհանուր մաթեմատիկայի և բնագիտության ամբիոնի դասախոս Մելինե Մելիքյանը