Հարգելի՛ համալսարանականներ և հատկապես ուսանողներ, սիրով տեղեկացնում ենք, որ ԵՊՀ ԻՄ-ի պաշտոնական կայքէջի «Ուսանող» բաժնում տեղադրվել է «Ուսանողներին առնչվող իրավական ակտերի ժողովածու»-ն, որը կազմվել է Ուսումնամեթոդական վարչության կողմից:
Ժողովածուի նպատակն է բարձրացնել ԵՊՀ ԻՄ-ի ուսանողների իրավագիտակցության մակարդակը, նրանց ծանոթացնել կրթության ոլորտը կարգավորող պետական և ներբուհական փաստաթղթերին, բուհի կառուցվածքին, ուսումնառության կանոններին, ուսանողների իրավունքներին և պարտականություններին, ուսումնական գործընթացի կազմակերպմանը, ներհամալսարանական կառույցներին և նրանց գործունեությանը:
Ժողովածուում ներկայացված են պետական և ներբուհական իրավական ակտերից ուսանողներին վերաբերող հատվածներ, տրված են հղումներ համապատասխան փաստաթղթերին:
