Ռուսաստանի բնական գիտությունների ակադեմիայի նախագահության՝ 2024 թ. մայիսի 5-ի թիվ 1201 որոշման համաձայն՝ ԵՊՀ ԻՄ ընդհանուր մաթեմատիկայի և բնագիտության ամբիոնի վարիչի պաշտոնակատար Գևորգ Սարգսի Սիմոնյանը ծննդյան 65-ամյակի և հայրենական կրթության ու դասախոսական հմտությունների զարգացման գործում ներդրման համար պարգևատրվել է Ռուսական բնական գիտությունների ակադեմիայի «Հայրենական գիտության ոսկե ֆոնդ» շարքի «Ռուսաստանի ոսկե ամբիոն» դիպլոմով, վկայականով և կրծքանշանով (տե՛ս այստեղ):
Պետք է փաստել, որ այս մրցանակին արժանանում են ոչ միայն Ռուսաստանի Դաշնության, այլև ԱՊՀ երկրների բուհերի ամբիոնները:
Գևորգ Սիմոնյանը նշեց, որ դիպլոմի հայցման գործընթացին ԵՊՀ ԻՄ գիտական և մանկավարժական կոլեկտիվի՝ ամբիոնի մասնակցելու առաջարկը եղել է Ռուսական բնական գիտությունների նախագահության կողմից ապրիլի 18-ին իրեն հասցեագրված նամակում, որտեղ գրված էր. «Հաշվի առնելով Ձեր մասնակցությունը ակադեմիայի գիտական նախագծերին և ակադեմիայի ամսագրերում ակտիվ հրատարակչական գործունեությունը՝ Ռուսաստանի բնական գիտությունների ակադեմիայի նախագահությունն առաջարկում է մասնակցել Ձեր գիտամանկավարժական կոլեկտիվին «Ոսկե ամբիոն» դիպլոմի ներկայացմանը»:
Ակադեմիայի կայքում լրացվել է համապատասխան ձևաչափով հայտը, որտեղ նշվել են վերջին հինգ տարում ամբիոնի գիտական և ուսումնական ձեռքբերումները:
ԵՊՀ Իջևանի մասնաճյուղի ղեկավարության և ողջ անձնակազմի անունից սիրով շնորհավորում ենք Ընդհանուր մաթեմատիկայի և բնագիտության ամբիոնին՝ վարիչ Գևորգ Սիմոնյանի գլխավորությամբ, մաղթում ուսումնագիտական նորանոր ձեռքբերումներ և հաջողություններ:
