«Քեն Կակոսյան ընտանիք» կրթաթոշակային հիմնադրամը տրամադրում է կրթաթոշակ Երևանի պետական համալսարանի, Հայաստանում ամերիկյան համալսարանի և Հայաստանի ազգային ագրարային համալսարանի` Հայաստանի Հանրապետության մարզաբնակ (Շիրակ, Լոռի, Տավուշ, Սյունիք, Վայոց Ձոր) և Արցախի ուսանողներին՝ ամբողջապես փոխհատուցելով չորս տարիների ուսման վարձը:
Կրթաթոշակի նպատակն է աջակցել և ոգևորել սոցիալական ակտիվություն ունեցող ուսանողներին, որոնք կարող են զարգացնել և ակտիվացնել համայնքային կյանքը:
Կրթաթոշակին դիմելու համար ուսանողը պետք է ներկայացնի, թե ինչպես են իր ուսումն ու հետազոտական նախագծերը նպաստելու համայնքային կյանքի բարելավմանն ու բարգավաճմանը:
Կրթաթոշակ ստացած ուսանողները հետագայում պետք է կյանքի կոչեն ներկայացված կարողությունների զարգացման ծրագրերը:
«Քեն Կակոսյան ընտանիք» կրթաթոշակային հիմնադրամի առաջին կրթաթոշակակիրները կընտրվեն արդեն 2023 թվականի գարնանը:
Կրթաթոշակին դիմելու համար պետք է ներկայացնել մոտիվացիոն նամակ՝ հիմնավորելով առաջարկվող ծրագրի օգտակարությունը համայնքի զարգացման համար, ֆակուլտետից տեղեկանք՝ ներառելով ՄՈԳ-ը, և անձնագրի գրանցման էջի պատճեն:
Դիմումների ներկայացման վերջնաժամկետն է 2022 թվականի դեկտեմբերի 5-ը:
Դիմումները կարող եք ուղարկել հետևյալ երկու էլ. հասցեներին՝ amarkarov@ysu.am, alen@aua.am:
Կրթաթոշակի մասին ավելի մանրամասն կարող եք իմանալ՝ անցնելով հետևյալ հղմամբ՝ https://asbarez.com/aua-announces-the-kenn-kakosian-family-scholarship-fund/:
Հավելյալ հարցերը կարող եք գրել այս էլ. հասցեին՝ ani.poghosyan@ysu.am:
