Երևանի պետական համալսարանի Իջևանի մասնաճյուղ

Ամանորյա միջոցառում

2012թ. դեկտեմբերի 14-ին ԵՊՀ Իջևանի մասնաճյուղում տեղի ունեցավ ամանորյա միջոցառում (անգլերեն լեզվով), որը նախաձեռնել և կազմակերպել էին Օտար լեզուների ամբիոնի վարիչ Ք.Հարությունյանը և նույն ամբիոնի դասախոս Լ.Բագումյանը:

Ներկա էին մասնաճյուղի տնօրեն Ս.Առաքելյանը, Հումանիտար գիտությունների ֆակուլտետի դեկան Վ.Ալեքսանյանը, դասախոսներ, ուսանողներ:

«Անգլերեն լեզու և գրականություն» մասնագիտության I կուրսի ուսանողները ներկայացրին Ամանորին նվիրված երգեր (հատկանշական է «ABBA» խմբի «Happy New Year» երգը), բանաստեղծություններ, պար, բեմադրեցին «Սպիտակաձյունիկ» ներկայացումը:

Նվերներով եկան Ձմեռ պապն ու Ձյունանուշը:

Վերջում հանդես եկավ Հումանիտար գիտությունների ֆակուլտետի դեկան Վ.Ալեքսանյանը՝ անգլերենով շնորհակալություն հայտնելով տոնական հաճելի միջոցառման համար: