2013թ. մարտի 22-ին ԵՊՀ Իջևանի մասնաճյուղի «Բնապահպանություն և բնօգտագործում» մասնագիտության ուսանողների նախաձեռնությամբ, Անտառագիտության ամբիոնի ասիստենտ Էլմիրա Օսիպովայի և բաժնի տեսուչ Գալյա Գասպարյանի անմիջական ղեկավարությամբ հեռակա ուսուցման բաժնում անցկացվեց «Կլիմայի փոփոխություն. գլոբալ տաքացում» թեմայով գիտական քննարկում:
Զեկուցումով հանդես եկավ «Բնապահպանություն և բնօգտագործում» մասնագիտության II կուրսի ուսանողուհի Զինա Սաֆարյանը:
Սաֆարյանի ելույթը բուռն քննարկման նյութ դարձավ, որի առնչությամբ իրենց տեսակետներն արտահայտեցին Անտառագիտության ամբիոնի դասախոսներ Արծվի Գրիգորյանը և Մեդորա Խաչատրյանը:
Գիտական զեկուցումներից ու քննարկումից հետո ցուցադրվեց տեսաֆիլմ, որը նվիրված էր ջերմոցային էֆեկտին և գլոբալ տաքացմանը:
