«ՍՕՍ Մանկական Գյուղեր» ՀԲՀ «Համակարգային խնդիրների վերհանում. աջակցություն երեխաների պաշտպանության ոլորտի բարեփոխումներին Հայաստանում» ծրագիրը հրավիրում է ԵՊՀ Իջևանի մասնաճյուղի ուսանողներին` մասնակցելու «Սիրող ընտանիք յուրաքանչյուր երեխայի համար…» խորագրով լուսանկարչական ցացահանդեսին, որը տեղի կունենա 2022թ. մայիսի 10-20-ին ԵՊՀ ԻՄ-ի կիրառական արվեստի ֆակուլտետում:
Ընտանիքի միջազգային օրը 1994 թվականից ի վեր նշվում է ամեն տարի մայիսի 15-ին: Այն հռչակվել է ՄԱԿ-ի գլխավոր ասամբլեայի կողմից` 1993 թվականի սեպտեմբերի 20-ին ընդունված «Ընտանիքի միջազգային տարի» բանաձևի համաձայն: Բազմաթիվ պետությունների կողմից Ընտանիքի միջազգային օրը պաշտոնապես հաստատումը նպատակ ունի ուշադրություն դարձնելու ընտանեկան մի շարք խնդիրներին և նպաստելու ընտանիքի ամրապնդմանը:
Այս մրցույթը նպատակ ունի շեշտադրելու ընտանիքի կարևորությունը և ընտանիքում ապրելու երեխայի իրավունքը:
Ցուցահանդեսին կարող են մասնակցել ԵՊՀ Իջևանի մասնաճյուղի ուսանողները, բոլոր մասնակիցներին սպասվում է անակնկալ:
Ներկայացվող լուսանկարի համար սահմանվել են հետևյալ չափանիշները.
- լուսանկարի հակառակ երեսին պետք է նշված լինի ուսանողի անունը, ազգանունը, հեռախոսահամարը և լուսանկարի խորագիրը,
- լուսանկարների չափերը՝ A4 չափի,
- գույները` սև ու սպիտակ,
- լուսանկարին կից պետք է ներկայացվի ընտանիքի գրավոր համաձայնությունը՝ իրենց նկարը ցուցադրելու համար (Ընտանիքի համաձայնագրի ձևը):
Տպված լուսանկարները իրենց խորագրերով և ընտանիքի համաձայնագիրը կարող եք ներկայացնել մինչև ս.թ. մայիսի 10-ը ԵՊՀ ԻՄ-ի արտաքին կապերի բաժնի մասնագետ Էրինե Ղարայանին: