«Թանգարանները և մշակութային լանդշաֆտները»
Թանգարանների միջազգային օր 18.05.2016
Թանգարանների գիշեր 21.05.2016
2005 թվականից Հայաստանը միացել է «Թանգարանների գիշեր» համաեվրոպական միջոցառմանը, որը սովորաբար անցկացվում է մայիսի 18-ին նշվող Թանգարանների միջազգային օրվան հաջորդող ամենամոտ շաբաթ օրը՝ Եվրախորհրդի, ՅՈՒՆԵՍԿՕ-ի և ԻԿՕՄ-ի հովանավորությամբ:
1977 թվականից ի վեր մայիսի 18-ը համախմբում է աշխարհի 5 մայրցամաքների ավելի քան 30 հազար թանգարանների` կոչ անելով տարվա համար առաջարկված թեմային համահունչ հանդես գալ հատուկ միջոցառումներով ու նախաձեռնություններով: Այս տարվա կարգախոսն է` «Թանգարանները և մշակութային լանդ շաֆտները», իսկ օրվա նպատակը՝ բարձրացնել թանգարանների պատասխանատվությունը մշակութային միջա վայրի նկատմամբ, մեծացնել լանդշաֆտի, մշակութային ժառանգության պահպանման գիտելիքներն ու փորձը:
Ինչպես նախորդ տարիներին, այս տարի ևս «Թան գարանների գիշեր» միջոցառմանը և Թանգարանների միջազգային օրվան է միացել Հայաստանի և Արցախի թվով 112 թանգարան: Միաժամանակ, մի շարք միջոցառումներ նվիրվելու են Հայաստանի Հանրապետության անկախության 25-ամյակին: Մասնակից թանգարանները հանդես են գալու ինքնատիպ նախաձեռնություններով` փորձելով առավել հետաքրքիր ու անմոռանալի դարձնել այցելուների երեկոն:
Սիրով հրավիրում ենք մշակութասեր հասարակությանը` ներկա գտնվելու այս գեղեցիկ տոնին` դրանով իսկ ամրապնդելով մշակութային արժեքների պահպանության, տարածման և սերունդներին դրան հաղորդակից դարձնելու մեր նպատակը:
