2016թ. մայիսի 11-ին և 6-ին «Տավուշի զբոսաշրջության զարգացման գործակալություն» ՀԿ-ի հետ համագործակցության շրջանակներում կայացան ԵՊՀ ԻՄ-ի «Սերվիս» մասնագիտության ուսանողների հերթական հանդիպումները ՀԿ-ի նախագահ, էքսկուրսավար-թարգմանիչ Հովհաննես Ղահրամանյանի հետ:
Հանդիպումների ընթացքում քննարկվեցին երկու կողմերի համագործակցությանն առնչվող հարցեր, մասնակիցներին տրվեցին զբոսաշրջային վայրերի մասին անգլերեն լեզվով բուկլետներ:
Ձեռք բերվեց պայմանավորվածություն կազմակերպելու գործնական պարապմունքներ, էքսկուրսիաներ: Նախատեսված է հունիս ամսին եռօրյա այցելություն կազմակերպել Վայոց ձորի մարզ՝ տեղի զբոսաշրջային ներուժն ուսումնասիրելու, այդ ոլորտում երկու տարածաշրջանների (Վայքի և Տավուշի) արդի վիճակի ու զարգացման հեռանկարների միջև զուգահեռներ անցկացնելու նպատակով:
Մեր ուսանողներն ակտիվ մասնակցություն կունենան նաև սեպտեմբերին կայանալիք Տավուշի տոնավաճառին. կներկայացնեն աշխատանքները, կօգնեն կազմակերպչական աշխատանքներում: