2016թ. փետրվարի 19-ին ԵՊՀ Իջևանի մասնաճյուղի «Տավուշ» ռազմահայրենասիրական ակումբը տոնեց իր հիմնադրման երկու տարին:
«Տավուշ» ակումբի գործունեությունը նպատակաուղղված է բարձրացնելու ուսանողների, տարածաշրջանի երիտասարդության ռազմահայրենասիրական ոգին, նպաստելու նրանց հասարակական գործունեության ակտիվացմանը:
Ակումբն ակտիվորեն համագործակցում է ԵԿՄ վարչության, ՀՀ ԶՈՒ ՊՆ տարբեր զորամասերի, ԵՊՀ-ի «Վարդանանք» ակումբի, մարզում առկա հասարակական կազմակերպությունների, դպրոցների, ՀԵՀ-ի Տավուշի մարզային կենտրոնի հետ:
Այս երկու տարիների ընթացքում «Տավուշ» ռազմահայրենասիրական ակումբը կազմակերպել է բուհի, քաղաքի և մարզի մասշտաբով տարբեր միջոցառումներ, այցելություններ զորամասեր, ուխտագնացություններ տարբեր պատմամշակութային վայրեր, ակցիաներ, թրեյնինգներ, սեմինարներ, էքսկուրսիաներ և այլն:
Ակումբի հիմնադրման երկրորդ տարեդարձի կապակցությամբ տավուշցիները կազմակերպել էին խորհրդանշական միջոցառում, որի ընթացքում համալսարանականներին ներկայացրին իրենց գործունեության վերաբերյալ ընդհանուր տեղեկատվություն, անդրադարձան այս երկու տարվա ընթացքում իրենց նախաձեռնած հիշարժան միջոցառումներին, կայացած նշանակալի իրադարձություններին:
Նրանք համալսարանականներին նվիրեցին փուչիկներ, ստացան ջերմ շնորհավորանքներ ու երկարատև գործունեության մաղթանքներ:
Ակուբականներից յուրաքանչյուրը ՀՀ դրոշի գույներով իր «հետք»-ը թողեց թղթի վրա, որը կհամալրեն գալիք ակումբակաները: