ԵՊՀ Իջևանի մասնաճյուղը 2024-2025 ուստարվա դիմորդների համար կազմակերպում է նախապատրաստական դասընթացներ հանրակրթական «Հայոց լեզու և հայ գրականություն», «Հայոց պատմություն», «Մաթեմատիկա», «Ֆիզիկա», «Օտար լեզու» (անգլերեն, ֆրանսերեն, ռուսերեն) և ներբուհական «Գծանկար», «Կոմպոզիցիա» առարկաներից: Դասընթացները վարելու են համալսարանի առաջնակարգ և փորձառու դասախոսները:
Համապատասխան խմբերի ձևավորման դեպքում սահմանամերձ գյուղերի դիմորդների համար դասընթացները կկազմակերպվեն առցանց եղանակով:
Դասընթացները կմեկնարկեն ապրիլի 11-ից և կավարտվեն հունիսի 5-ին:
Մասնակցելու համար անհրաժեշտ է 2024 թ. մարտի 30-ից մինչև ապրիլի 6-ն ընկած ժամանակահատվածում MKPKIB@ysu.am էլեկտրոնային հասցեին ուղարկել լրացված դիմում-հայտը, 1 լուսանկար (3×4 չափի) և ծննդյան վկայականի կամ անձնագրի պատճենը:
Յուրաքանչյուր առարկայի դասընթացի արժեքը 40 000 ՀՀ դրամ է:
Արցախից բռնի տեղահանված դիմորդների համար նախապատրաստական դասընթացներն անվճար են:
Միաժամանակ ԵՊՀ Իջևանի մասնաճյուղում կիրականացվեն հանրակրթական «Հայոց լեզու և հայ գրականություն», «Հայոց պատմություն», «Մաթեմատիկա», «Ֆիզիկա», «Օտար լեզու» (անգլերեն, ֆրանսերեն, ռուսերեն) և ներբուհական «Գծանկար», «Կոմպոզիցիա» առարկաներից գիտելիքների անվճար ստուգում և գնահատում: Մասնակցելու համար անհրաժեշտ է մինչև ս.թ. մայիսի 31-ը դիմել ԵՊՀ ԻՄ պրակտիկայի կազմակերպման և շահակիցների հետ համագործակցության բաժին (հեռ.՝ (+374 94) 03 21 12):
Վոլեյբոլի բաց առաջնություն՝ նվիրված ԵՊՀ ԻՄ հիմնադրման 30-ամյակին
2024 թ. ապրիլի 13-ին՝ ժամը 11:00-ին, մասնաճյուղի մարզադահլիճում տեղի կունենա ԵՊՀ ԻՄ հիմնադրման 30-ամյակին նվիրված վոլեյբոլի բաց առաջնություն:
Մասնակցելու համար անհրաժեշտ է մինչև ապրիլի 10-ը լրացնել առցանց հայտադիմումը:
2023-2024 ուստարվա 2-րդ կիսամյակի անվանական կրթաթոշակառուները
Սիրելի՛ համալսարանականներ, ձեզ ենք ներկայացնում ԵՊՀ Իջևանի մասնաճյուղի՝ 2023-2024 ուստարվա 2-րդ կիսամյակում անվանական կրթաթոշակ ստացող ուսանողներին։
♦♦♦
«ՄՈՆԹԵ ՄԵԼՔՈՆՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի առկա ուսուցման անվճար համակարգի երրորդ կուրսի ուսանող
Սահակ Գեղամի Գուլակյան
♦♦♦
«ՎԱԶԳԵՆ ՍԱՐԳՍՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Կիրառական արվեստի ֆակուլտետի «Դիզայն» մասնագիտության «Դիզայն» բակալավրի կրթական ծրագրի առկա ուսուցման վճարովի համակարգի երկրորդ կուրսի ուսանողուհի
Մելինե Մանվելի Բրուտյան
♦♦♦
«ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Օտար լեզու և գրականություն» մասնագիտության «Անգլերեն լեզու և գրականություն» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Լիլիա Սմբատի Իսկանդարյան
♦♦♦
«ՀԱՄԼԵՏ ԿԱՐԱՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի առկա ուսուցման անվճար համակարգի երրորդ կուրսի ուսանողուհի
Մերի Հրայրի Խուդավերդյան
♦♦♦
«ԱՐՏԱԿ ՑՈՒՑՈՒԼՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Իննա Հրայրի Հարությունյան
♦♦♦
«ՇԱՎԱՐՇ ՄԱՐԳԱՐՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Տնտեսագիտության ֆակուլտետի «Ֆինանսներ» մասնագիտության «Ֆինանսներ(ըստ ոլորտի)» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Մարգարիտա Արմանի Առաքելյան
♦♦♦
«ՍՊԱՐՏԱԿ ՍԱՐԳՍՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Կիրառական արվեստի ֆակուլտետի «Կիրառական արվեստ» մասնագիտության «Դեկորատիվ-կիրառական արվեստ» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանող
Ալիսա Էդգարի Ոսկանյան
♦♦♦
«ԱՐՑԱԽՅԱՆ 44-ՕՐՅԱ ՊԱՏԵՐԱԶՄԻ ՄԱՍՆԱԿԻՑ ԼԵՆՏՈՒՇ ԳՅՈԶԱԼՅԱՆ» ԱՆՎԱՆԱԿԱՆ ԿՐԹԱԹՈՇԱԿ
Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության «Ինֆորմատիկա և կիրառական մաթեմատիկա» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Սվետլանա Կարենի Մելիքբեկյան
♦♦♦
«ԴԱՎԻԹ ԱՆՀԱՂԹ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Հոգեբանություն» մասնագիտության «Հոգեբանություն» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Սյուզաննա Հայկի Ավետիսյան
♦♦♦
«ՇԱՌԼ ԱԶՆԱՎՈՒՐ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Օտար լեզու և գրականություն» մասնագիտության «Անգլերեն լեզու և գրականություն» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Լիլիա Արտավազդի Եղոյան
♦♦♦
«ԳՐԻԳՈՐ ՆԱՐԵԿԱՑԻ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Հայոց լեզու և գրականություն» մասնագիտության «Հայոց լեզու և գրականություն» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Ռոզա Հովսեփի Բաղրամյան
♦♦♦
«ՄԽԻԹԱՐ ԳՈՇ» ԱՆՎԱՆԱԿԱՆ ԿՐԹԱԹՈՇԱԿ
Հումանիտար գիտությունների ֆակուլտետի «Պատմություն» մասնագիտության «Պատմություն» բակալավրի կրթական ծրագրի առկա ուսուցման անվճար համակարգի չորրորդ կուրսի ուսանողուհի
Հասմիկ Կարենի Մարգարյան
♦♦♦
«ՍԱՀԱԿ ՁՈՐԱՓՈՐԵՑԻ» ԱՆՎԱՆԱԿԱՆ ԿՐԹԱԹՈՇԱԿ
Տնտեսագիտության ֆակուլտետի «Զբոսաշրջություն» մասնագիտության «Զբոսաշրջություն» բակալավրի կրթական ծրագրի առկա ուսուցման անվճար համակարգի երրորդ կուրսի ուսանողուհի
Լիլիթ Դավիթի Գասպարյան
Մեկնարկում է «Երեվանի պետական համալսարանի Իջեվանի մասնաճյուղում դասավանդման գերազանցության մրցանակ» ամենամյա մրցույթը
Մրցույթն անցկացվում է հետևյալ անվանակարգերում՝
- «Կիրառական արվեստ» մասնագիտությունների անվանակարգ (1 մրցանակ) – մասնակից ստորաբաժանում՝ Կիրառական արվեստի ֆակուլտետ,
- «Բնական գիտություններ» մասնագիտությունների անվանակարգ (1 մրցանակ) – մասնակից ստորաբաժանում՝ Բնական գիտությունների ֆակուլտետ
- «Հումանիտար գիտություններ» մասնագիտությունների անվանակարգ (1 մրցանակ) – մասնակից ստորաբաժանում՝ Հումանիտար գիտությունների ֆակուլտետ,
- «Տնտեսագիտություն» մասնագիտությունների անվանակարգ (1 մրցանակ) – մասնակից ստորաբաժանում՝ Տնտեսագիտության ֆակուլտետ։
«Երևանի պետական համալսարան» հիմնադրամի Իջևանի մասնաճյուղում «Դասավանդման գերազանցության մրցանակ» ամենամյա մրցույթի հաղթող համարվում է այն անձը, ով վերոնշյալ 1-4 անվանակարգերում մրցանակակիր է ճանաչվել ամենաբարձր միավորներով։
Հայտերի ներկայացման վերջնաժամկետն է 2024 թ. ապրիլի 29-ը։
Մրցույթի մասնակիցը պետք է ներկայացնի հետևյալ փաստաթղթերը՝
- դիմում-հայտ,
- ինքնակենսագրություն (С\/),
- ընթացիկ ուսումնական տարում դասավանդվող դասընթացների ցանկ՝ հաստատված ամբիոնի վարիչի կողմից,
- լսարանային գործունեության օրինակներ՝ ակտիվ ուսուցման և նորարարական մեթոդների օգտագործմամբ, ինչպես նաև առնվազն մեկ տեսաձայնագրված դասախոսության օրինակ,
- ուսումնական տարվա ընթացքում դասավանդվող դասընթացների համար ուսանողների գնահատականները՝ որպես հետադարձ կապի արդյունքներ,
- դասընթացի ընթացքում ուսանողների կողմից ներկայացված աշխատանքների օրինակներ (առկայության դեպքում),
- դեկանի կամ ամբիոնի վարիչի կողմից աջակցության նամակ,
- վերջին 5 տարվա ընթացքում դասավանդվող առարկաների թեմաների վերաբերյալ գիտահետազոտական և ուսումնամեթոդական աշխատանքներ (առկայության դեպքում),
- վերջին 2 տարվա ընթացքում թեկնածուի դասերին մասնակցած ուսանողների աջակցության նամակ(ներ) (առկայության դեպքում),
- ընթացիկ ուսումնական տարում դասավանդվող առնվազն երկու դասընթացների նյութեր՝ տեղադրված «E-learning» հարթակում։
Մրցույթի հայտը կարելի է լրացնել էլեկտրոնային տարբերակով։
Մրցույթն անցկացվում է ըստ «Երևանի պետական համալսարան» հիմնադրամի Իջևանի մասնաճյուղում «Դասավանդման գերազանցության մրցանակ» ամենամյա մրցույթի կազմակերպման և անցկացման կարգի։
Անցկացվեց «Միասին ապրել, միասին սովորել» ինտելեկտուալ խաղ-մրցույթը
ԵՊՀ Իջևանի մասնաճյուղի և «Հույսի կամուրջ» հասարակական կազմակերպության միջև կնքված փոխըմբռնման հուշագրի հիման վրա 2024 թ. մարտի 22-ին ԵՊՀ ԻՄ «Հոգեբանություն» մասնագիտության առկա ուսուցման 4-րդ կուրսի ուսանողները մասնագիտական պրակտիկայի շրջանակներում «Հույսի կամուրջ» կազմակերպության սոցիալական մանկավարժների հետ համատեղ «Լոֆթ Իջևան»-ում անցկացրին «Միասին ապրել, միասին սովորել» խորագրով համադպրոցական ինտելեկտուալ խաղ-մրցույթը:
Միջոցառումն իրականացնում է «Հույսի կամուրջ» ՀԿ-ն ՀՀ ԿԳՄՍ նախարարության կողմից պատվիրակված ծառայությունների միջոցառումների շրջանակում «Լոֆթ Իջևան»-ի հետ համագործակցությամբ և միտված է հաշմանդամություն կամ կրթության առանձնահատուկ պայմանների կարիք ունեցող երեխաների համար հավասար և ներառական սոցիալ-կրթական միջավայրի ստեղծմանը:
Ինտելեկտուալ խաղին մասնակցում էին 7-9-րդ դասարանների աշակերտներ՝ Իջևան խոշորացված համայնքի 8 դպրոցներից (Իջևանի՝ Սպ. Սարգսյանի անվան թիվ 1, Ակնաղբյուրի, Լուսաձորի հիմնական և Աչաջրի՝ Հր. Թամրազյանի անվան, Վազաշենի, Խաշթառակի, Սարիգյուղի, Սևքարի միջնակարգ դպրոցներից): Թիմերում ընդգրկված էին 5-ական մասնակիցներ:
Ժյուրիի կազմում էին «Լոֆթ Իջևան» կենտրոնի համակարգող Աննա Մարդանյանը, աշխատակից Սվետլանա Եղիկյանը, «Հույսի կամուրջ» կազմակերպության սոցիալական մանկավարժ, «Սպորտը հանուն հավասար հնարավորությունների» ծրագրի օգնական Վահե Առուստամյանը, ԵՊՀ ԻՄ դասախոս Սվետա Սաֆարյանը և Ուսանողական խորհրդի նախագահ Դավիթ Ալեքսանյանը:
Խաղից առաջ ջութակի կատարումով ներկայացան Ազատամուտի արվեստի դպրոցի սաները, իսկ ընթացքում երաժշտական այլ կատարումներով ու ասմունքով հանդես եկան Սարիգյուղի և Վազաշենի միջնակարգ դպրոցների թիմերը:
Ինտելեկտուալ խաղ-մրցույթում հաղթեց Աչաջրի՝ Հր. Թամրազյանի անվան միջնակարգ դպրոցի թիմը:
Վերջում թիմերին տրվեցին մասնակցության հավաստագրեր, հաղթող թիմի անդամներին՝ նաև պատվոգրեր և գրքեր: