ԵՊՀ Իջևանի մասնաճյուղը սիրով շնորհավորում է տնօրենի խորհրդական, Մասնագիտական կրթության որակի ապահովման բաժնի վարիչ, Ընդհանուր մաթեմատիկայի և բնագիտության ամբիոնի դոցենտ, մասնաճյուղի մեծ երախտավոր, նրա հիմնադրման ակունքներում կանգնած և մինչև օրս նրա բոլոր ձեռքբերումներին մասնակցող Անուշավան Հայկարամի Մակարյանի ծննդյան 56-ամյակը:
Մասնաճյուղի ամբողջ անձնակազմն ու ղեկավարությունը պարոն Մակարյանին մաղթում են քաջառողջություն, աշխատանքային և ստեղծագործական անսպառ եռանդ, անձնական երջանկություն, բազում հաջողություններ կյանքի բոլոր բնագավառներում:
Այս քսան տարիների ընթացքում՝ ԵՊՀ ԻՄ-ի հիմնադրումից ի վեր, պարոն Մակարյանն իր հարուստ կենսափորձն ու աշխատանքի նկատմամբ բարձր պատասխանատվությունը, նորովի մտածելակերպն ու վերլուծական խոր հմտությունները, թիմային արդյունավետ աշխատանք կատարելու կարողությունները, մի խոսքով՝ աշխատանքային բարձր կուլտուրան, փոխանցել և շարունակում է փոխանցել մասնաճյուղի աշխատակիցներին, որի համար արտահայտում ենք մեր խորին երախտագիտությունը: