Տոկիոյի «The Goi Peace Foundation» հիմնադրամը, ՅՈՒՆԵՍԿՕ-ի 70-ամյակի կապակցությամբ, երիտասարդության համար կազմակերպում է ակնարկի /էսսե/ միջազգային մրցույթ՝ «Իմ դերը, որպես երկրագնդի քաղաքացի» և«Կառուցենք խաղաղություն մեր սրտերում և մտքերում» թեմաներով:
Սահմանված է տարիքային երկու խումբ՝ ս.թ. հունիսի 15-ի դրությամբ մինչև 14 տարեկան և 15-ից 25 տարեկան մասնակիցներ:
Ակնարկը, որ պետք է ներառի առավելագույնը 700 բառ, կարելի է ներկայացնել անգլերեն, ֆրանսերեն, իսպաներեն կամ գերմաներեն լեզուներով, մինչև ս.թ. հունիսի 15-ը ներառյալ:
Այն պետք է չհրապարակված լինի և գրված մեկ անձի կողմից /համահեղինակությունը չի ընդունվում/:
Էսսեն կարելի է ուղարկել փոստով կամ էլեկտրոնային ճանապարհով՝ www.goipeace.or.jp կայքի միջոցով, որտեղ հնարավոր Է նաև մանրամասն տեղեկատվություն ստանալ մրցույթի պայմանների և մրցանակների մասին:
Աղբյուրը` www.edu.am