Հարգելի՛ համալսարանականներ, մասնաճյուղի պաշտոնական կայքէջի «Որակի ապահովման գործընթացներ» բաժնի «Հարցումների արդյունքներ» էջում տեղադրվել են ԵՊՀ ԻՄ-ում դասավանդման որակի և արդյունավետության վերաբերյալ ուսանողական հարցման արդյունքները (2015-16 ուստարի 2-րդ կիսամյակ, առկա ուսուցում), իսկ «Հաշվետվություններ, վերլուծություններ» էջում՝ Դասավանդման որակի և արդյունավետության վերաբերյալ 2011-2016թթ. ուսանողական հարցման արդյունքների վերլուծությունը:
2011-15թթ. հարցման արդյունքները ՄԿՈԱ բաժնի կողմից ենթարկվել են վերլուծության, որն վերլուծությունն ընդգրկում է 2015-16 ուստարվա երկու կիսամյակների վերաբերյալ անցկացված հարցումների արդյունքները, ամբիոնների ու ֆակուլտետների մակարդակներով 2011-12-ից 2015-16 ուսումնական տարիների հետազոտություններից ստացած տվյալների ընդհանրական գնահատականները:
5-բալանի սանդղակով (5-ը ամենաբարձր, իսկ 1-ը ամենացածր գնահատականներն են) յուրաքանչյուր հաջորդ կիսամյակի ընթացքում ոււսանողների կողմից գնահատվում են նախորդ կիսամյակում անցած բոլոր դասընթացների դասավանդողների մասնագիտական, անձնային ու մանկավարժական որակները: Մասնավորապես, թե դասախոսները որքանով են նյութը մատուցում մատչելի, օժանդակում դասընթացի նյութը յուրացնելուն, որքանով է լսարանում ապահովվում շահախնդիր ուսումնական կարգապահությունը, արտալսարանային ակտիվ ու նպատակաուղղված հաղորդակցումը: Ուղիղ հարցադրմամբ ուսանողները գնահատել են նաև ֆակուլտետի դեկանի, դեկանի տեղակալի ու ֆակուլտետի գործավարի գործունեությունից իրենց բավարարվածությունը:
Մրցակցային տնտեսության ու կրթության պայմաններում նորովի է դրվում կրթության որակի, միջազգային կրթատարածքի ու ժամանակակից գործատուների պահանջներին համարժեք մասնագետների պատրաստման հարցը: Մի իրողություն, որն էլ ավելի է կարևորում դասախոս-ուսանող և ֆակուլտետ-ուսանող հարաբերություններում հետադարձ կապը, այդ հարաբերությունների կատարելագործման ճանապարհին ուսանողների պահանջների ու նկատառումների հնարավորինս հաշվառումը:
Հարցումների արդյունքների կարճաժամկետ, միջնաժամկետ և երկարաժամկետ կտրվածքներով ընդհանրացումը նաև բուհի գործունեության արդյունավետության յուրովի գնահատականներից մեկն է:
