2019թ. ապրիլի 30-ին ԵՊՀ Իջևանի մասնաճյուղում կայացավ վոլեյբոլի մարզային առաջնություն, որը կազմակերպել էր Արտակարգ իրավիճակների, մարմնակրթության և սպորտի ամբիոնը:
Առաջնությանը մասնակցեցին տղաների 6 և աղջիկների 2 հավաքական թիմեր:
ԵՊՀ ԻՄ-ի աղջիկների թիմը մրցեց Խաշթառակի դպրոցի աղջիկների հավաքական թիմի հետ: Միավորներով առաջատար դարձավ Խաշթառակի դպրոցի աղջիկների թիմը, որը ԵՊՀ ԻՄ-ի տնօրենության կողմից պարգևատրվեց պատվոգրով:
Առավել լարված էր տղաների պայքարը: ԵՊՀ ԻՄ-ի աշխատակիցների, Սարիգյուղի, Գանձաքարի, Ծաղկավանի, ԱԻՆ Տավուշի ՄՓՎ-ի, ԵՊՀ ԻՄ-ի ուսանողների թիմերի համառ պայքարն ընթացավ օլիմպիական կարգով: Պարտվող թիմը դուրս էր մնում հետագա պայքարից:
Կիսաեզրափակիչ դուրս եկան ԵՊՀ ԻՄ-ի ուսանողների, Սարիգյուղի և ԱԻՆ Տավուշի ՄՓՎ-ի թիմերը՝ ցուցադրելով բավականին գեղեցիկ, դիտարժան խաղ: Հաղթեց Սարիգյուղի հավաքական թիմը:
Երկրորդ և երրորդ տեղերը համապատասխանաբար գրավեցին ԱԻՆ Տավուշի ՄՓՎ-ի և ԵՊՀ ԻՄ-ի ուսանողների հավաքական թիմերը:
Մրցանակային տեղեր գրաված մասնակիցները պարգևատրվեցին մեդալներով և պատվոգրերով:
