Միջազգային գիտաժողովների, գիտատեխնիկական մրցույթների և այլ միջոցառումների մասնակցելու համար 16-30 տարեկան երիտասարդները կարող են դիմել  ԿԳՄՍՆ՝ ավիատոմսի  ծախսի փոխհատուցում ստանալու նպատակով: Փոխհատուցումը տրամադրվում է ՀՀ պետական բյուջեի «Երիտասարդության ծրագրի» «Երիտասարդական պետական քաղաքականությանն ուղղված ծրագրեր և միջոցառումներ» միջոցառման շրջանակներում:

Ավիատոմսի ծախսի փոխհատուցում կարող են ստանալ 16-ից մինչև 30 (ներառյալ) տարեկան երիտասարդները կամ 16-ից մինչև 30 (ներառյալ) տարեկան երիտասարդներից կազմված մինչև հինգհոգանոց խմբի անդամները՝ հետևյալ միջոցառումներին մասնակցելու համար.

1. Միջազգային երիտասարդական ծրագրեր՝ ֆորումներ, հանդիպումներ, կլոր սեղաններ, սեմինարներ, դասընթացներ (թրեյնինգ), համաժողովներ, գագաթնաժողովներ, նիստեր,
2. միջազգային գիտաժողովներ, կոնֆերանսներ, գիտական համաժողովներ, գիտական նստաշրջաններ,
3. միջազգային գիտատեխնիկական մրցույթներ,
4. միջազգային մշակութային մրցույթներ, փառատոներ, ցուցահանդեսներ,
5. միջազգային ինտելեկտուալ մրցույթներ,
6. միջազգային ստարտափ ծրագրեր:

Դիմելու կարգը՝ ԿԳՄՍՆ կայքից:

Աղբյուրը՝ http://scs.am/:

 Սիրելի՛ համալսարանականներ, ԵՊՀ Իջևանի մասնաճյուղի՝ 2021-2022 ուսումնական տարվա 2-րդ կիսամյակի առկա ուսուցման դասերը կսկսվեն 2022թ.  փետրվարի 8-ից:

Հեռակա ուսուցման բակալավրի կրթական ծրագրերով ուսումնական պարապմունքները կմեկնարկեն մարտի 1-ից, իսկ մագիստրատուրայի ծրագրով՝ մարտի 15-ից:

Առկա ուսուցման համակարգում 2021-22 ուստարվա I կիսամյակի քննաշրջանը կտևի հունվարի 11-29-ը, հեռակա ուսուցման համակարգում (բակալավրատ և մագիստրատուրա)՝ հունվարի 30-ից մինչև փետրվարի 26-ը:

Առկա ուսուցման համակարգում նույն կիսամյակի քննաշրջանի լուծարքային շրջանը կանցկացվի երկու փուլով և կտևի փետրվարի 4-26-ը, հեռակա ուսուցման համակարգում (բակալավրատ և մագիստրատուրա)՝ մարտի 1-26-ը:

Բոլորիս մաղթում ենք հաջող և արդյունավետ ուսումնական գործընթաց:

 2022թ. ապրիլի 8-ին Վանաձորի պետական համալսարանի ուսանողական գիտական ընկերությունը կազմակերպում է հանրապետական 11-րդ երիտասարդական գիտաժողով՝ «Նոր հեռանկարներ ուսանողների գիտահետազոտական ներուժի բացահայտման համար» խորագրով: Գիտաժողովին կարող են մասնակցել բակալավրիատի և մագիստրատուրայի ուսանողներ, ասպիրանտներ, հայցորդներ և երիտասարդ գիտնականներ։ Գիտաժողովը նախատեսում է առկա/առցանց մասնակցության ձևեր:

Նստաշրջանի ընթացքում գործելու են հետևյալ բաժանմունքները.

1. Պատմություն
2. Իրավագիտություն և քաղաքագիտություն
3. Հայ բանասիրություն
4. Օտար լեզուներ և գրականություն
5. Տնտեսագիտություն
6. Մանկավարժություն
7. Հոգեբանություն և սոցիոլոգիա
8. Փիլիսոփայություն
9. Արվեստագիտություն
10. Բնագիտություն և աշխարհագրություն
11. Կենսաբանություն և քիմիա
12. Ֆիզիկա, մաթեմատիկա և ինֆորմատիկա:

Գիտաժողովի աշխատանքներին մասնակցելու համար անհրաժեշտ է մինչև 2022թ. փետրվարի 15-ը Ուսանողական գիտական ընկերության էլ. փոստի հասցեին (sss.vsu.am@mail.ru) ուղարկել մասնակցության հայտը:

Ստացված հայտերը կանցնեն մասնագիտական դիտարկման փուլ, և միայն դրական արդյունքի պարագայում կհաստատվի հայտատուի մասնակցությունը: Գիտական նստաշրջանին զեկուցված նյութերը գրախոսման փուլը հաղթահարելու և տպագրության երաշխավորվելու պարագայում տպագրվելու են Վանաձորի պետական համալսարանի ուսանողական գիտական ընկերության «Գիտաժողովի նյութեր» ժողովածուի հերթական համարում։

Գիտաժողովի աշխատանքային լեզուներն են՝ հայերեն, ռուսերեն, անգլերեն:

Չափորոշիչներին չհամապատասխանող զեկուցումները չեն ընդունվելու:

Մասնակցության հայտին, տպագրության ներկայացվող հոդվածի պահանջներին կարելի է ծանոթանալ հետևյալ հղումով:

 ԱՐՓԱ (Analysis Research & Planning for Armenia) հիմնարկությունը հայտարարում է ամենամյա նորարարության մրցույթ ՀՀ մինչև 35 տարեկան գիտնականների, ասպիրանտների, գիտահետազոտողների (օրինակ՝ ճարտարագիտություն, անօդաչու սարքեր, ռոբոտաշինություն, էլեկտրոնիկա և/կամ մեխանիկական տեխնոլոգիաներ, բժշկագիտություն և այլ բնագավառներ) համար՝ առաջարկելով մրցութային հետևյալ պարգևները՝ առաջին մրցանակ՝ 5000 դոլար, երկրորդ մրցանակ՝ 1000 դոլար:

Մրցույթը կկայանա երկու փուլով:

Առաջին փուլի համար անհրաժեշտ է ուղարկել մեկ էջ նորարարության ամփոփումները PDF տարբերակով մինչև 2022թ. մայիսի 30-ը ներառյալ: Նկարներ/graphs կամ վիդեո ուղարկելով՝ ավելի արդյունավետ կդառնա քննարկումը:

Երկրորդ փուլում առաջին փուլի համար ներկայացված ամփոփումների հաղթողները, հետևելով մասնագետների տված բարելավման առաջարկություններին, կվերբեռնեն իրենց լրիվ և ամբողջական հայտերը` ըստ ԱՐՓԱ հիմնարկության կայքէջում (https://www.arpainstitute.org/) նշված պայմանների մինչև 2022թ. օգոստոսի 31-ը ներառյալ:

Մանրամասներին կարող եք ծանոթանալ՝ անցնելով հետևյալ հղումներով.

• http://ysu.am/uploaded/ARPA_Invention_Criteria_2022.pdf,
• http://ysu.am/uploaded/InventionFlier2022.pdf:

Աղբյուրը՝ ysu.am: