«Էրազմուս+» միջազգային կրեդիտային շարժունության գործողության շրջանակում Երևանի պետական և Ադամ Միցկևիչի անվան Պոզնանի համալսարանների (Պոզնան, Լեհաստան) միջև կնքված պայմանագրով նախատեսվում է 1 շարժունություն Պատմության ֆակուլտետի պրոֆեսորադասախոսական կազմի համար` 2022-2023 ուստարվա 2-րդ կիսամյակում 1 շաբաթ ժամկետով 8 ժամ դասախոսություն կարդալու համար:
Աշխատանքային լեզուն անգլերենն է:
Ծրագիրը դրամաշնորհառուներին տրամադրում է անհատական կրթաթոշակ, ինչպես նաև հոգում է ճանապարհածախսը: Ավելի մանրամասն տեղեկատվություն ֆինանսավորման և «Էրազմուս+» միջազգային կրեդիտային շարժունության ծրագրի մասին կարող եք գտնել «Էրազմուս+» ազգային գործակալության կայքէջում՝ https://erasmusplus.am/credit-mobility/:
Ծրագրի դիմումներն ընդունվում են ԵՊՀ միջազգային կապերի բաժնում՝ էլեկտրոնային տարբերակով (էլ. հասցե՝ lia_evoyan@ysu.am):
Դիմումների ընդունման վերջնաժամկետն է 2023թ. ապրիլի 17-ը՝ ժամը 17:00-ն:
Ստորև ներկայացվում է անհրաժեշտ փաստաթղթերի ցանկը (փաստաթղթերն ընդունվում են միայն անգլերեն).
Հարցերի դեպքում և հավելյալ տեղեկատվության համար կարող եք դիմել ԵՊՀ միջազգային կապերի բաժին՝ Կենտրոնական մասնաշենք, 4-րդ հարկ, 408 սենյակ, հեռախոս՝ (+374 10) 554-641 (ներքին՝ 11-38):
2023թ. ապրիլի 15-16-ին ԵՊՀ Իջևանի մասնաճյուղը կազմակերպում է «Սոցիալ-մանկավարժական նորարարությունները կրթության մեջ» երիտասարդ գիտնականների միջազգային գիտագործնական 2-րդ համաժողովը, որին կարող են մասնակցել բակալավրիատի և մագիստրատուրայի տարբեր մասնագիտությունների ուսանողներ, երիտասարդ դասախոսներ և գիտնականներ:
Համաժողովի նպատակն է՝ ուսանողական հետազոտությունների խթանումը, ուսանողների՝ մագիստրոսների, ասպիրանտների ստեղծագործական ներուժի բացահայտումը, ուսանողների և դասախոսների ներբուհական և միջբուհական համագործակցության զարգացումը, երիտասարդության ուշադրության կենտրոնացումը ժամանակակից մանկավարժական հետազոտությունների կարևորության վրա:
Համաժողովիխնդիրներնեն՝ քննարկել մանկավարժության արդի հիմնախնդիրները, լուսաբանել սոցիալական մանկավարժության, դասավանդման մեթոդիկայի, մանկավարժական հոգեբանության ասպարեզում գիտական հետազոտությունները, վերլուծել մանկավարժության զարգացման հիմնական միտումները, արժեքներն ու հեռանկարները:
Համաժողովիուղղություններնեն՝
Մասնագիտական-մանկավարժական կրթության զարգացման միտումներն այսօր և վաղը:
Ռուսերենը որպես օտար լեզու` միջմշակութային կրթության հիմք:
Նորարարական սկզբունքները, մոտեցումները և տեխնոլոգիաները:
Տեղեկատվական տեխնոլոգիաները կրթության մեջ:
Ռուսերենի՝ որպես օտար լեզվի կրթական ծրագրերի նախագծումը:
Լեզվի, գրականության և մշակույթի դերը:
Լեզուների և մշակույթների դասավանդման մեթոդիկա:
Ռուսերենը և այլ օտար լեզուներ. միջմշակութային հաղորդակցություն և նրանց դասավանդման մեթոդիկան:
Համաժողովն իրականացվելու է առկա և առցանց ձևաչափով:
Մասնակցել ցանկացողներն իրենց հայտերը և հոդվածները (գիտական աշխատանքի էլեկտրոնային տարբերակով) պետք է ներկայացնեն էլեկտրոնային փոստով (stud.conference2023@gmail.com) մինչև 2023թ․ մարտի 10-ը (ներառյալ):
Հոդվածները կարող են ներկայացվել թե՛ որպես անհատական աշխատանք և թե՛ որպես ղեկավարի հետ համատեղ աշխատանք:
Ծանոթագրություն (անոտացիա, ռուսերեն)՝ 200 բառից ոչ ավել (12 տառաչափ)
Բանալի-բառեր՝ 5-10 (12 տառաչափ)
Տեքստ (12 տառաչափ)
Գրականության ցանկը ձևավորվում է այբբենական կարգով (12 տառաչափ):
Աղբյուրիձևավորմանօրինակ.
Գրականության ցանկը ձևավորվում է այբբենական կարգով.
Գիրք.
Капица С. П. Парадоксы роста: Законы глобального развития человечества. – М.:
Альпина нон-фикшн, 2013. – 204 с.
Հոդված.
Некипелов А. Д. Экономика и культурные ценности // Диалог культур и партнерство цивилизаций: IX Международные Лихачевские научные чтения (14-15 мая 2009 г.). – СПб.: СПбГУП, 2009. – 881 c. – С. 476-478.
Кадочников Д. В. Теоретико-экономический взгляд на языковую политику // Вопросы экономики. – 2016. – No2. – С. 128-140.
Էլեկտրոնայինաղբյուրներ.
Кокшаров А. С. Влияние культуры на экономическое развитие // Гуманитарные научные исследования. 2013. No 11 URL: http://human.snauka.ru/2013/11/4609 (дата обращения: 17.05.2020).
2023թ. մարտի 28-ից Ֆրանկոֆոնիայի և քույր քաղաքների բարեկամության շրջանակներում Վալանսի քաղաքապետարանի և Հայկական բարեգործական ընդհանուր միության (ՀԲԸՄ) Վալանսի մասնաճյուղի հրավերով ԵՊՀ Իջևանի մասնաճյուղի հինգ ուսանողուհիներ դասախոսի ուղեկցությամբ երերքշաբաթյա այցով մեկնեցին Վալանս՝ կատարելագործելու մասնագիտական գիտելիքները և բանավոր խոսքը՝ մասնակցելով դասընթացների և հանդիպումների, կատարելով ճանաչողական այցեր:
Մարտի 28-ին ԵՊՀ ԻՄ-ի պատվիրակությունն այցելեց Գրենոբլի համալսարանի Վալանսի մասնաճյուղ, ծանոթացավ համալսարանի կառուցվածքին, կրթական ծրագրերին և մասնագիտություններին, լսեց Ն.Պիքեյի դասախոսությունը՝ «Ֆրանսիան որպես աշխարհիկ երկիր» թեմայով: Ըստ մշակված ծրագրի՝ խումբը նաև կմասնակցի թարգմանչական դասընթացների (ֆրանսերեն-անգլերեն, անգլերեն- ֆրանսերեն):
Մարտի 29-ից մինչև ապրիլի 5-ը մեր ուսանողները հաճախել են Վալանսի Կամիյ Վեղնե պետական լիցեյ, որը, լինելով կրթական մեծ համալիր, ընդգրկում է քոլեջ, լիցեյ և իրականացնում է նախապատրաստական երկամյա դասընթացներ՝ բարձրագույն դպրոցներ ընդունվելու համար: Ուսանողները մասնակցել են նախապատրաստական 1-ին և 2-րդ կուրսերի դասընթացներին (փիլիսոփայություն, աշխարհաքաղաքական պատմություն, ընդհանուր մշակույթ, անգլերեն և այլն): Մարզում այս լիցեյն առանձնանում է նրանով, որ այլ օտար լեզուներին զուգահեռ (անգլերեն, իտալերեն, գերմաներեն) առաջարկում է հայերենի և ռուսերենի ուսուցում: Մասնագիտություններից կարելի է նշել հետևյալները՝ արվեստ, սպորտ, եվրոպագիտություն, կինո, տնտեսագիտություն, անտիկ մշակույթ, ծրագրավորում և թվային տեխնոլոգիաներ, ճարտարագիտություն և այլն:
ԵՊՀ ԻՄ-ի պատվիրակությունը կատարել է նաև ճանաչողական այցեր, մասնավորապես՝ այցելել է Մարսել և Վալանսից հարավ գտնվող Գրիյանի դղյակ, որը հիշատակվում է 11-րդ դարից, և որտեղ 17-րդ դարում բնակվել ու իր հայտնի նամակներն է գրել մարքիզուհի դը Սևինյանը:
Ուսանողներն այցելել են նաև Վալանսի «Դոֆինե Լիբեղե» թերթի խմբագրություն, «Ռադիո Բլյո Դռոմ-Առդեշ» ռադիոտուն:
Ապրիլի 3-ին մասնաճյուղի պատվիրակությունը հյուրընկալվել և ջերմ ընդունելության է արժանացել Հայկական բարեգործական ընդհանուր միության (ՀԲԸՄ) Վալանսի մասնաճյուղում: Հանդիպմանը ներկա են եղել Վալանսի քաղաքապետ Նիկոլա Դարագոնը, ՀԲԸՄ Վալանսի մասնաճյուղի նախագահ Կևին Մարգարյանը, միության անդամները, հյուընկալող ընտալիքները, հովանավորները: Հանդիպումն անցել է ջերմ մթնոլորտում, ֆրանս-հայկական դարավոր բարեկամության, Իջևան-Վալանս համագործակցության, ուսանողների փոխանակման ծրագրերի շուրջ քննարկումներով:
Պետական ավարտական քննություններին մասնակցելու համար շրջանավարտը մինչև ապրիլի 15-ը գրավոր դիմում է իր ուսումնականա հաստատության տնօրենին։ Ուսումնական հաստատության տնօրենը ապրիլի 15-ից մինչև մայիսի 10-ը պետական ավարտական քննություններ հանձնողների ցուցակ-հայտերը մուտքագրում է Գնահատման և թեստավորման կենտրոնի app.dimord.am էլեկտրոնային կայքում։
Շրջանավարտը (դիմորդը) բուհը և մասնագիտությունը նշելու և նշված մասնագիտության համար սահմանված ընդունելության (միասնական, ներբուհական) քննություն(ներ)ը հանձնելու կամ հանձնած քննություն(ներ)ը մուտքագրելու համար պետք է ունենա ԳԹԿ անձնական համար և ապրիլի 15-ից մինչև մայիսի 10-ը առցանց եղանակով Գնահատման և թեստավորման կենտրոնի dimord.am կայքէջում լրացնի ընդունելության դիմում-հայտ:
ԳԹԿ անձնական համար ստանալու համար շրջանավարտը (դիմորդը) դիմում է իր ուսումնական հաստատության տնօրենին, իսկ նախորդ տարիների և 2022-2023 ուստարվա նախնական և միջին մասնագիտական ուսումնական հաստատությունների շրջանավարտները դիմում են իրենց բնակության վայրի` այդ նպատակով առանձնացված ուսումնական հաստատության տնօրենին: Առանձնացված ուսումնական հաստատությունների ցանկը ներկայացված է կից:
Ուսումնական հաստատության տնօրենը ստուգում է ընդունելության քննություն հայտագրել ցանկացող դիմորդի՝ ՀՀ ֆինանսների նախարարությունում Գնահատման և թեստավորման կենտրոնի 900018003401 հաշվեհամարին յուրաքանչյուր քննության համար փոխանցված 1500 (մեկ հազար հինգ հարյուր) դրամ վճարի անդորրագրի առկայությունը կամ վճարից ազատված լինելու փաստաթուղթը և տալիս ԳԹԿ անձնական համար: Ընդունելության դիմում-հայտը լրացնելու համար անհրաժեշտ է նաև`
3×4 չափի լուսանկարի էլեկտրոնային տարբերակը,
անձնագրի կամ ծննդյան վկայականի պատճենը:
Միասնական քննությունների վճարից ազատվում են`
պարտադիր ժամկետային ծառայությունից զորացրված անձինք,
1-ին և 2-րդ խմբերի և մինչև 18 տարեկան մանկուց հաշմանդամները,
ՀՀ պաշտպանության ժամանակ զոհված զինծառայողների երեխաները,
առանց ծնողական խնամքի մնացած մինչև 23 տարեկան անձինք:
Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ ՆԳ նախարարության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:
«Իջևանի հասարակական-մշակութային կյանքը առօրեականության համատեքստում 1920-1970-ական թվականներին» թեմայով դրամաշնորհային ծրագրի իրականացման շրջանակներում ԵՊՀ ԻՄ-ի հայոց պատմության և հասարակագիտության ամբիոնի դասախոսների և ուսանողների մասնակցությամբ տեղի ունեցավ կլոր սեղան-քննարկում:
Քննարկման առանցքում Իջևանի քաղաքային տարածության ձևավորման առանձնահատկություններին նվիրված ուսումնասիրության արդյունքների ամփոփումն ու հանրայնացումն էր, որի ընթացքում բանախոսները ներկայացրին քաղաքային միջավայրի և համակեցության ձևավորման իջևանյան առանձնահատկությունները, խորհրդային և ազգային գաղափարների ազդեցությունը Իջևանի քաղաքային միջավայրի վրա:
Բանախոսներից Վ.Պողոսյանը մասնավորապես նշեց, որ Խորհրդային Հայաստանի գոյության առաջին տարիներին Իջևանը փոքր` մոտ 2200 բնակչով գյուղ էր՝ մոտակա գյուղերի կենտրոնը: Խորհրդային առաջին տարիների քաղաքաշինական «շքերթը» Իջևան «չհասավ», բայց հետագայում քաղաքաշինական և ճարտարապետական ոճավորման վրա ունեցավ հստակ ազդեցություն: Մինչև Հայրենական պատերազմը Իջևանում փողոցները խճապատված չէին, միայն «երեսնական թվականներին հիմնված գյուղատնտեսական տեխնիկումի համալիրի շրջապատն էր, որ իջևանցիները քաղաք են անվանել, հավանաբար հաշվի առնելով, որ Իջևանի միակ ասֆալտապատ հատվածն էր և նաև գործում էր ներքին սանսպասարկման համակարգ»: Ինչպես պատմում են տեղաբնակները` գյուղի գլխավոր փողոցի սալապատման աշխատանքներն իրականացրել են գերմանացի ռազմագերիները հավանաբար 1945-46 թվականներին: Մնացած առումներով Իջևանի քաղաքային կյանքի ցուցիչները շատ քիչ էին` մայրուղու անմխիթար շենք-շինությունները, շուկան, ճաշարանը, «հատակն ու դռները համարյա փտած ունիվերմագը», ծառայողական կենտրոնը` «փայտե երկար պատշգամբներով երկհարկանի շենքով», որտեղ տեղակայված էին շրջանային իշխանությունները:
Ներկայացվեց, որ արդեն հետպատերազմյա շրջանում սկսեց իր դիմագիծը ձևավորել այժմյան Իջևանը, ինչը պայմանավորված էր նաև հանրապետական իշխանությունների վարած քաղաքականությամբ: Հետպատերազմյան առաջին տարիներին հանրապետության կենտրոնական իշխանությունների նախաձեռնությամբ սկսվեց շրջանային կենտրոնների հատակագծման և զարգացման հեռանկարների որոշակիացման գործընթացը:
1948թ. ճարտարապետներ Հ.Դավթյանի, Պ.Թումանյանի և Պ.Մանուկյանի կողմից կազմվեց Իջևանի առաջին հատակագիծը, որտեղ ամփոփվեցին ուղղահայաց, միմյանց հատվող փողոցների, ճարտարապետական անսամբլային ոճավորման մոտեցումները: Միևնույն ժամանակ հետպատերազմյան շրջանի շինարարությունն իրականցվում էր ոչ միայն լայն մասշտաբայնությամբ, այլև կոնկրետացված հատակագծային հիմքերով` հաշվի առնելով բնակավայրերի զարգացման հեռանկարները: Իջևանի հատակագծման հեղինակները փորձեցին համադրել խորհրդահայ ճարտարապետական մտքի զարգացման արդյունքները:
Բնակչության կրկնակի աճը, արդյունաբերական նոր համալիրների կառուցման հեռանկարները անհրաժեշտություն ստեղծեցին վերանայել քաղաքի՝ 1948թ. հատակագիծը, և 1963թ. պատրաստվեց նոր հատակագիծ 25 հազար բնակիչ ունեցող քաղաքի համար, որը վերանայվեց 1965 թվականին: Նոր նախագծով, որի քննարկմանը մասնակցում էին հանրապետության լավագույն ճարտարապետները, նախատեսվում էր Իջևանը դարձնել շինարարական կենտրոն, արագ իրականացնել քաղաքաշինական ծավալման գործընթացները, ձևավորել նոր թաղամասեր և միկրոշրջաններ: 1960-ական թթ. վերջին խնդիր դրվեց մոնումենտալ տեսք հաղորդել Իջևանի երկու մուտքերին` քաղաքի մշակութային ներկապնակի ձևավորման համար կարևորել խորհրդային և հայկական խորհրդանիշների ամբողջացումը: Եվ այս շրջանում կառուցվեցին մեզ հայտնի ու անհայտ բազմաթիվ շինություններ, որոնք այժմյան Իջևանի քաղաքային կյանքի առանցքն ու հիմնաքարն են:
Կլոր-սեղան քննարկումն ամփոփելով՝ բանախոսները նշեցին, որ հետազոտության արդյունքները տպագրման փուլում են և տպագրությունից հետո կներկայացվեն գիտասեր և իջևանասեր հասարակության դատին:
Սիրելի՛ դիմորդ, 2024 թ. ապրիլի 18-ից մեկնարկել է 2024-2025 ուսումնական տարվա բակալավրիատի ընդունելության համար բուհի և մասնագիտության ընտրության, ընտրած մասնագիտության համար սահմանված … Կարդալ ավելին →
«ԿԱԶԱ» հիմնադրամը Քաղաքացիական կրթության ոլորտի կրթական խաղերի և ոչ ֆորմալ կրթական գործիքների տարածման շաբաթվա շրջանակներում, համագործակցելով ԵՊՀ Իջևանի մասնաճյուղի քաղաքացիական … Կարդալ ավելին →
«Ռեստարտ» գիտակրթական հիմնադրամը ԵՊՀ Իջևանի մասնաճյուղի և Հայաստանում Էրազմուսի ազգային գրասենյակի հետ համագործակցությամբ իրականացնում է տեղեկատվական հանդիպում՝ նվիրված Էրազմուս միջազգային … Կարդալ ավելին →
Հարգելի՛ համալսարանականներ, Էրազմուս+ ծրագրի շրջանակներում 2024 թ. ապրիլի 18-ին՝ ժամը 13:00-ին, ԵՊՀ Իջևանի մասնաճյուղի հումանիտար գիտությունների ֆակուլտետի թիվ 57 լսարանում … Կարդալ ավելին →
ԵՊՀ Իջևանի մասնաճյուղը 2024-2025 ուստարվա դիմորդների համար կազմակերպում է նախապատրաստական դասընթացներ հանրակրթական «Հայոց լեզու և հայ գրականություն», «Հայոց պատմություն», «Մաթեմատիկա», «Ֆիզիկա», … Կարդալ ավելին →
2024 թ. ապրիլի 13-ին՝ ժամը 11:00-ին, մասնաճյուղի մարզադահլիճում տեղի կունենա ԵՊՀ ԻՄ հիմնադրման 30-ամյակին նվիրված վոլեյբոլի բաց առաջնություն: Մասնակցելու համար … Կարդալ ավելին →
Հուշագրի ստորագրմանը մասնակցում էին ԵՊՀ Իջևանի մասնաճյուղի տնօրենի պաշտոնակատար Անուշավան Մակարյանը, ԵՊՀ ԻՄ հայոց պատմության և հասարակագիտության ամբիոնի դոցենտ, պ.գ.թ., … Կարդալ ավելին →
ԵՊՀ ԻՄ պրակտիկայի կազմակերպման և շահակիցների հետ համագործակցության բաժինը 2024 թ. ապրիլին Տավուշի մարզի 21 հանրակրթական դպրոցներում (Բերդի, Դիլիջանի և … Կարդալ ավելին →
2024 թ. ապրիլի 27-ին ԵՊՀ Իջևանի մասնաճյուղի խորհրդակցությունների սենյակում տեղի ունեցավ «Քաղաքային տարածության փոխակերպումները Իջևանի օրինակով» թեմայով բաց դասախոսություն, որը … Կարդալ ավելին →
2024 թ. ապրիլի 25-ին ԵՊՀ Իջևանի մասնաճյուղի պրակտիկայի կազմակերպման և շահակիցների հետ համագործակցության (ՊԿՇՀ) բաժնի և Ուսանողական գիտական ընկերության (ՈՒԳԸ) … Կարդալ ավելին →
2024 թ. ապրիլի 23-ին ԵՊՀ Իջևանի մասնաճյուղի ուսանողների համար իրականացվեց «Մանկավարժական կրթության էկոլոգիզացիա. նոր մոտեցումներ» թեմայով առցանց դաս-քննարկումը: Այն վարեց … Կարդալ ավելին →