Հայաստանի ուսանողական ջոկատների շտաբի կամավորական աշխատանքների ծառայությունը (HUJ) հրավիրում է մասնկացելու Ֆրանսիայում, Գերմանիայում, Ավստրիայում, Իսպանիայում, Իտալիայում, Շվեյցարիայում, Ֆինլանդիայում և այլ եվրոպական երկրներում, ինչպես նաև Հայաստանում կազմակերպվող աշխատանքի միջազգային ճամբարների ամառային ծրագրերին` որպես կամավոր։

Պայմաններն են.

• Անգլերեն ( ֆրանսերեն, գերմաներեն) լեզվի տիրապետում,
• Արտասահման մեկնողի համար անդամավճարի և ուղեվարձի վճարման հնարավորություն։

Միջազգային կամավորական ճամբարների երեք տիպային ծրագրեր

1.Իսպանիա

Աշխատանքի միջազգային ճամբար«Banos De La Reina»

Աշխատանք` Միջերկրական ծովի ափին գտնվող «Banos De La Reina» հնեաբանական տարածքում։

Տեղայնք` Կալպ (Ալիկանտե), Վալենսիայի ինքնավար համայնք, Իսպանիա։

2. Ֆրանսիա

Աշխատանքի միջազգային ճամբար «Le Mans»

Աշխատանք` տեղի երեխաների և բնակիչների համար միջոցառումների կազմակերպում։

Տեղի կազմակերպությունների և երիտասարդության ներգրավում միջմշակութային հանդիպումներում։

Տեղայնք` Լե Ման, Ֆրանսիա (Փարիզից 50 կմ հեռավորություն)։

3.Գերմանիա

Աշխատանքի միջազգային ճամբար` «Get Involved, Don’t just Stand Around»

Աշխատանք`Փառատոնի կազմակերպում ավետարանչական կենսաթոշակային կենտրոնում, ծրագրերի գրանցում, ստեղծում։

Տեղայնք` Գերմանիա (Քյոլնից 23 կմ հեռավորություն)

Մանրամասների, ինչպես նաև հայտը լրացնելու համար կարող եք այցելել կազմակերպության գրասենյակ` Կորյունի 19^ա հասցեով (https://goo.gl/maps/8reECUYQbMJ2):

Կոնտակտային անձ` Անի Մանուկյան

Հեռ.`+374 10 522 788, 522 701, 544 793

Ֆաքս`+374 10 522 772

E-mail:info@huj.am

Web:     www.huj.am 

Skype:huj-armenia

Աղբյուրը՝ http://ysu.am

Սիրելի՛ ուսանողներ, 2017թ. ապրիլի 21-ին Շիրակի Մ. Նալբանդյանի անվան պետական համալսարանում կայանալու է ամենամյա ուսանողական հանրապետական գիտաժողով՝ հետևյալ ուղղություններով.

• ֆիզիկամաթեմատիկական գիտություններ և տեղեկատվական տեխնոլոգիաներ,
• բնագիտություն և աշխարհագրություն,
• հայոց լեզու և գրականություն,
• օտար լեզուներ և գրականություն,
• պատմություն, իրավագիտություն, քաղաքագիտություն,
• տնտեսագիտություն,
• մանկավարժություն, հոգեբանություն և սոցիալական աշխատանք,
• մշակույթ և սպորտ,
• ռազմագիտություն:

Հանրապետական ուսանողական գիտաժողովի ընթացքում ներկայացված այն աշխատանքները, որոնք կերաշխավորվեն համապատասխան մասնագիտական ամբիոնների կողմից, կտպագրվեն առանձին ժողովածուի մեջ: Ընտրված աշխատանքների հեղինակները կտեղեկացվեն այդ մասին:

Ուսանողական գիտական նստաշրջանին մասնակցելու համար հարկավոր է մինչև 2017թ. ապրիլի 9-ը լրացնել մասնակցության հայտը էլեկտրոնային համակարգով, որը հասանելի է հետևյալ  հղումով:

Գիտաժողովի ընթացքում գրախոսման համար ընտրված աշխատանքներին համապատասխան հոդվածները գիտաժողովից հետո տասնօրյա ժամկետում հարկավոր է ուղարկել sss.ssu2017@gmail.com էլեկտրոնային հասցեին: 

Կից ներկայացնում ենք ՈՒԳԸ-ի ժողովածուում տպագրվող գիտական հոդվածի չափորոշիչները:

Մանրամասների համար դիմել ՇՊՀ ՈՒԳԸ (ք. Գյումրի Պ. Սևակի 4, 1-ին հարկ Դ1-14 սենյակ, /հեռ. 094 15-22-63/) կամ գրել հետևյալ էլեկտրոնային հասցեին՝ sss.ssu2017@gmail.com:

Աղբյուրը՝ http://gspi.am

Ս.թ. մայիսի 26-28-ը ՀՊՏՀ Ուսանողական խորհուրդը , Հայաստանի երիտասարդական հիմնադրամի հետ համատեղ, Ծաղկաձորում կազմակերպում է «Տնտեսագիտությունն ավելի լավ տնտեսության համար» խորագիրը կրող «Level-up» տնտեսագիտական երկրորդ գիտաժողովը, որին կարող են մասնակցել Հայաստանի Հանրապետության, Արցախի և արտասահմանյան բուհերի տնտեսագիտական մասնագիտություն ունեցող ուսանողները, ասպիրանտները և երիտասարդ գիտնականները:

    Գիտաժողովին Ձեր մասնակցությունը հաստատելու համար անհրաժեշտ է մինչև ս.թ. ապրիլի 22-ը այցելել հետևյալ հղումով և լրացնել գրանցման էլեկտրոնային ձեւաթուղթը, իսկ հոդվածները ուղարկել մինչև ս.թ. ապրիլի 29-ը ներառյալ asuestudentcouncil@gmail.com էլ. հասցեին: Հոդվածին ներկայացվող պահանջներին կարող եք ծանոթանալ այստեղ:

   Գիտաժողովին մասնակցելու հնարավորություն կտրվի այն դիմորդներին, ում հոդվածները մասնագիտական հանձնաժողովի կողմից կարժանանան համապատասխան դրական գրախոսության: Նախքան գիտաժողովը կհրատարակվի նյութերի ժողովածու, որը գիտաժողովի մեկնարկին հասանելի կլինի բոլոր մասնակիցներին: Լավագույն հոդվածների հեղինակները գիտաժողովի ընթացքում հանդես կգան զեկուցմամբ, իսկ հաղթողները կարժանան մրցանակների:

  Հարցերի կամ մանրամասների համար դիմել ՀՊՏՀ Ուսանողական խորհուրդ (Երեւան, Նալբանդյան 128), կամ զանգահարել 096-(191717), 077-(666672) հեռախոսահամարներով:

«Ինստիգեյթ ուսումնական կենտրոն» հիմնադրամը «Ինստիգեյթ Դիզայն», «Դ-Լինկ Ինտերնեշնլ» և «Դեվելանդոո» ընկերությունների հետ համատեղ հայտարարում «Համակարգչային ծրագրավորման և ինժեներական հմտություններ» դասընթացի ընդունելություն Գյումրիում։

Դասընթացների նպատակն է ՏՏ սկսնակ մասնագետներին ապահովել ոլորտի համար անհրաժեշտ գործնական ունակություններով, ծանոթացնել ժամանակակից ՏՏ ընկերությունների արտադրական գործընթացին։

Դասընթացը կկազմակերպվի 2 փուլով՝

1. Հիմնական դասընթաց՝ 3 ամիս տևողությամբ․
2. Ուսումնառություն հետևյալ ոլորտներում՝

համակարգային ծրագրավորում, ներկառուցված համակարգերի ծրագրավորում, միկրոէլեկտրոնային սարքերի ծրագրավորում և նախագծման ավտոմատացում․ վեբ և մոբայլ տեխնոլոգիաներ։

Հիմնական դասընթացի սկիզբը՝ ապրիլի 1, 2017թ․
Պարբերականությունը՝ շաբաթական 5 օր, օրական 4 ժամ
Վայրը՝ ք․ Գյումրի, Հակոբյան 39

Ուսումնառության փուլը կանցկացվի վերոնշյալ ՏՏ ընկերություններում՝ կախված ուսանողների ընտրած ոլորտից։

Դասընթացներն անվճար են, ավարտին կտրվի հավաստագիր քննության գնահատականներով։

Ընդունելություն

Դասընթացների մասնակիցների ընտրությունը կկատարվի համապատասխան մասնագետների կողմից՝ հարցազրույցի միջոցով: Նախընտրություն կտրվի հետևյալ հմտություններով օժտված դիմորդներին՝ որևէ ծրագրավորման լեզվի տիրապետում, անգլերեն լեզվի իմացություն, բարձրագույն մաթեմատիկայի բավարար տիրապետում, տրամաբանություն։

Ընդունելության համար անհրաժեշտ է ուղարկել ինքնակենսագրություն՝ PDF ձևաչափով arthur_mkrtchyan@instigate.training, ahovhannisyan@dlink.ru, aram@develandoo.com էլ հասցեներին՝ լրացնելով նամակի վերնագիր տողն ու բովանդակությունը։

Դիմումների վերջնաժամկետն է մարտի 24-ը։

Ընկերությունների մասին․

«Ինստիգեյթ Դիզայն» ՓԲԸ-ն գործում է 2005թ. հուլիսից և ներկայումս ունի ավելի քան 80 ինժեներ։ Գործունեության հիմնական ուղղություններն են՝ համակարգային մակարդակում էլեկտրոնային համակարգերի նախագծում, ծավալուն զուգահեռ ալգորիթմերի մշակում, համակարգի սարքավորումների և ծրագրային ապահովման վերակազմավորում ու համատեղ նախագծում, շարժական և ներդրված սարքերի ծրագրային ապահովում։ Ընկերության տեխնիկական և ծրագրային ապահովման թիմերը տեղակայված են Երևանում և Գյումրիում։

«Դ֊Լինկ Ինտերնեշնլ» ընկերությունը հիմնադրվել է Թայվանում 1986 թ., և հանդիսանում է կորպորատիվ կարգի ցանցային սարքավորումներ և հեռահաղորդակցության սարքավորումների համաշխարհային առաջատար արտադրող՝ հիմնված Մետրո Ethernet, PON, xDSL, Wi-Fi տեխնոլոգիաների վրա։ Բացի այդ, Դ֊Լինկը հանդիսանում է սպառողական դասի ցանցային սարքավորումների եւ «խելացի տուն» սարքերի առաջատար արտադրող: Դ֊Լինկ ընկերությունը Հայաստանում գործում է 2007թ֊ից։ Ընկերությունը Գյումրու մասնաճյուղը գործում է 2011թ֊ից, և հետազոտական կենտրոնի կարգավիճակը հաստատվել է 2013թ֊ին։

«Դեվելանդոո» ՍՊԸ֊ն ստեղծվել է 2014 թ֊ ին։ Ներկայումս գործում է Սիլիկոնյան հովտում (ԱՄՆ), գլխամասը գտնվում է Բեռլինում, իսկ ծրագրավորման կենտրոնները՝ Երևանում, Գյումրիում և Մեխիկոյում։ Ներկայումս ունի ավելի քան 150 ինժեներ ամբողջ աշխարհում։ Գործունեության հիմնական ուղղություններն են ծրագրային ապահովումների և բջջային հավելվածների նախագծում և սպասարկում, լուծումների տրամադրում մեծ և միջին բիզնեսի կարիքների համար։ Լուծումներ արհեստական ինտելեկտի և կանխատեսումների հիման վրա։

Աղբյուրը՝ http://armscoop.com