Մեկնարկել է «Ամենախելացին» նախագծի 5-րդ եթերաշրջանը, որին կարող են մասնակցել բակալավրիատի ու մագիստրատուրայի բոլոր ուսանողները:
Հայտագրվելու համար ուսանողները կարող են այցելել www.armeniatv.am կայքի «Ամենախելացին» բաժինը և լրացնել հայտադիմումի օրինակը:
Հայտագրման փուլն ավարտվելուց հետո ուսանողները կստանան հեռախոսազանգ և կհրավիրվեն գրավոր քննության: Նշված օրը պետք է մասնակցել քննասրահում անհատական թեստի լրացմանը և 20 րոպեում պատասխանել 40 հարցի:
Եթե անհատական թեստի արդյունքները լինեն բավարար, պետք է մասնակցել բանավոր տեսանկարահանվող քաստինգին, որի ժամանակ ուսանողն իր նախընտրած մեկ թեմայի շրջանակներում մեկ րոպեի ընթացքում պետք է պատասխանի հնարավորինս շատ հարցերի:
Այս փուլերին մասնակցելուց հետո հեռուստախաղի խմբագրական և պրոդյուսերական աձնակազմը կտա իր գնահատականը, և եթե մասնակիցն իր ունակություններով բավարարի խաղին մասնակցելու բոլոր պահանջներին, ապա կստանա հեռախոսազանգ և կդառնա «Ամենախելացին» հեռուստախաղի 5-րդ եթերաշրջանի մասնակիցը:
Հարցերը և թեմաներն ուսանողներին նախապես չեն տրամադրվում, նրանք հարցերին պատասխանելու են իրենց ունեցած գիտելիքներով: Ընդգրկված կլինեն նաև հարցեր, որոնց ճիշտ պատասխանելու դեպքում ակնհայտ կլինի ուսանողի ընդհանուր զարգացվածության մակարդակը:
Մանրամասների համար զանգահարեք (+374) 93 36 12 13 հեռախոսահամարով, հետևեք «Ամենախելացին» նախագծի ֆեյսբուքյան էջին, այցելեք www.armeniatv.am կայք:
