Հայ կրթական հիմնարկության Ռիչարդ Հովհաննիսյանի անվան ցեղասպանագիտության կրթաթոշակը նախատեսված է երիտասարդ հայ գիտնականների համար, որոնք ցանկություն ունեն ուսումնասիրելու Ցեղասպանության ժխտողական քաղաքականության հետևանքները հայ ազգի վրա։

Ռիչարդ Հովհաննիսյանի անվան ցեղասպանագիտության կրթաթոշակի հիմնումը միտված է Հայ կրթական հիմնարկության կողմից աջակցելու Հայոց ցեղասպանության հետևանքների համար հատուցման իրավացի պահանջի ձևավորման քաղաքականությանն ու գործընթացին, ինչպես նաև ճանաչելի դարձնելու Հայոց ցեղասպանության ուսումնասիրության գործում ամերիկահայ ականավոր պատմաբան Ռիչարդ Հովհաննիսյանի անձնական մեծ ներդրումը։

Կրթաթոշակի դիմումի ներկայացման վերջնաժամկետը հուլիսի 30-ն է:

Արժանիքների հիման վրա գնահատվող մագիստրոսական և ասպիրանտական կրթաթոշակը նախատեսված է այն անձանց համար, որոնք ՀՀ բուհերում նպատակ ունեն ուսումնասիրելու ցեղասպանությանը վերաբերող միջառարկայական հիմնախնդիրները՝ մասնագիտանալով այդ ոճրագործության ժխտման տնտեսական, սոցիալ-ժողովրդագրական, մշակութային, իրավական և քաղաքական կողմերի, ինչպես նաև հայ ժողովրդի վրա դրա ունեցած բացասական ազդեցության հետազոտական ոլորտներում:

Հայ կրթական հիմնարկությունը խրախուսում է բոլոր երիտասարդ գիտնականներին նշված թեմաներին անդրադառնալմիջառարկայական հարցադրումների գիտական ուսումնասիրության միջոցով՝ դրանք ձևակերպելով ներկայացվող գիտական թեզերի և ատենախոսությունների նախագծերում:

Հայոց ցեղասպանության 100-րդ տարելիցը ուղենիշ դարձավ Թուրքիայի կողմից շարունակվող ժխտողականության կանխարգելմանն ու չեղարկմանը միտված ռազմավարությունների ու մարտավարությունների վերանայման ու ընդլայնման համար: Մասնավորապես, կարևորվեցին համապարփակ, միջառարկայական գիտական հետազոտություններն ու համապատասխան քննարկումները, որոնք ամուր հող կնախապատրաստեն Ցեղասպանության հետևանքների վերացման ու հայ ազգի կրած ժողովրդագրական, տնտեսական, մշակութային կորուստների համարժեք գնահատմամբ փոխհատուցման համար: Հետևաբար, նախաձեռնվող հետազոտությունները իրենց միջառարկայական նպատակադրումներով պետք է կորստի քննությունը կատարեն տարբեր տեսանկյուններից՝ դրանք դիտարկելով թե′ պատմական, թե′ ապագային ուղղված (ֆուտուրիստական սցենարների) գիտահետազոտական հարցադրումների միջոցով:

Մարդու իրավունքների ամենասոսկալի ոտնահարման ձև հանդիսացող ցեղասպանության գիտահետազոտական ուսումնասիրությունը կարող է մեծապես օժանդակել այս երևույթի առաջացման պայմանների ու դրանց հաջորդող զանգվածային բռնությունների ընկալմանը՝ առաջարկելով ցեղասպանության կանխարգելման մարտավարություններ ու միջոցառումներ: Հայոց ցեղասպանության դեպքում հարկ է մշակել և իրականացնել միջառարկայական հետազոտություններ, որոնք թույլ կտան ճիշտ գնահատել հայ ազգի նկատմամբ այս ոճրագործության առաջացրած ժողովրդագրական, տնտեսական, քաղաքական, մշակութային բացասական, հաճախ նաև անդառնալի ազդեցությունը ու ըստ այդմ՝ նաև գնահատել հատուցման ձևաչափն ու ծավալը:

Հայ կրթական հիմնարկությունը ֆինանսավորելու է ուսումնառության վարձավճարը ուսման ամբողջ ընթացքում, եթե թեման համապատասխանում է ՀԿՀ հայտարարված նպատակներին և ուսանողի ՄՈԳ-ը միջինից բարձր է ամբողջ ուսումնառության ընթացքում:

Ներկայացման համար պահանջվող փաստաթղթերն են՝

• Լուսանկար (1 հատ, 3*4 )
• Անձնագրի կամ անձը հաստատող այլ՝ օրենքով սահմանված փաստաթղթի պատճեն, ներառյալ գրանցման էջը
• Համառոտ ինքնակենսագրական (resume in armenian or english)
• Առկա ուսումնառության ավարտական վկայականները և ընթացիկ ուսումնառության առաջադիմության թերթիկը
• Երկու երաշխավորագիր
• Հրապարակումների ցանկ (եթե այդպիսիք առկա են)

Բարերարի մասին՝

Ռիչարդ Հովհաննիսյանը ծնվել է Ցեղասպանությունից մազապուրծ եղած ընտանիքում և իր պատմագիտական կրթությանը հաջորդած ամբողջ շրջանում ուսումնասիրել է Հայոց և Մերձավոր Արևելքի պատմությունը: Իր աշխատանքների առյուծի բաժինը նվիրված է Ցեղասպանության և Առաջին Հանրապետության ուսումնասիրությանը:

1986 թվականին Ռ. Հովհաննիսյանը նշանակվել է ՀԿՀ-ի կողմից հովանավորված և Կալիֆորնիայի համալսարանում նոր հիմնադրված ժամանակակից հայոց պատմության ամբիոնի վարիչ: Ռիչարդ Հովհաննիսյանը Գուգենհայմի անվան մրցանակակիր է, և այն ստացել է իր բացառիկ հետազոտությունների համար՝ դրանով իսկ իր ավանդը ներդնելով հայագիտության առաջխաղացման մեջ: Հանդիսանում է մի շարք գիտական և քաղաքացիական կառույցների տնօրենների խորհուրդի անդամ: 2010-11 թվականներին Ռ. Հովհաննիսյանը արժանացել է Կալիֆորնիայի համալսարանի  (UCLA) շրջանավարտների ընկերակցության «Լավագույն դասախոս» մրցանակին:

Աղբյուրը՝ armscoop.com

Հարգելի՛ համալսարանականներ, 2016թ. մարտի 29-ին՝ ժամը 13:30-ին, ԵՊՀ ԻՄ-ի օնլայն լսարանում տեղի կունենա ուսանողական խորհրդի նախագահի ընտրություն:

Ծրագրի նպատակները եւ հիմքը

«Դիլիջանի երիտասարդների համագործակցության կենտրոնը» որպես գլխավոր գործընկեր, ներկայումս իրականացնում է «Երիտասարդների զբաղվածության ընդհանուր հիմնախնդիրների լուծումը միջսահմանային զբոսաշրջության զարգացման միջոցով» միջսահմանային ծրագիրը Վրաստանի եւ Հայաստանի միջեւ՝ վրացական եւ հայկական կազմակերպությունների համագործակցությամբ: Ծրագիրը համաֆինանսավորվում է Եվրոպական միության կողմից՝ ԵՄ-ի Արեւելյան Գործընկերության Տարածքային համագործակցության ծրագրի շրջանակներում:

Ծրագրի նպատակն է բարելավել համապատասխան համայնքների սոցիալ-տնտեսական վիճակը, որտեղ նրանք ունեն սոցիալական խնդիրներ, հետեւաբար նաեւ դրա հիմքում ընկած գործազրկություն: Ծրագրի թիրախային շրջաններն են Հայաստանի Տավուշ եւ Վրաստանի Քվեմո Քարթլի շրջանները:

Ծրագրի ընդհանուր նպատակը փոխադարձ համագործակցությամբ Տավուշ եւ Քվեմո Քարթլի սահմանակից շրջաններում կենսապայմանների բարելավումն է:

Էքսկուրսավարության նախագծի նկարագիր

Հայաստանի Տավուշի մարզի երիտասարդ աշխատուժի համար Էքսկուրսավարության թեմայով համատեղ վերապատրաստման դասընթացները կազմակերպվում են «ԴԵՀԿ» ՀԿ-ի կողմից՝ «Երիտասարդների զբաղվածության ընդհանուր հիմնախնդիրների լուծումը միջսահմանային զբոսաշրջության զարգացման միջոցով» հայ-վրացական ծրագրի շրջանակներում, որը ֆինանսավորվում է Եվրամիության կողմից՝ Եվրոպական Միության Արեւելյան Գործընկերության Տարածքային Համագործակցության ծրագրի շրջանակներում:

Այս ծրագիրը կենտրոնանում է երիտասարդ աշխատուժի համար էքսկուրսավարության թեմայով մասնագիտական դասընթացներ անցկացնելու վրա: Սահմանամերձ շրջանների երիտասարդների համար մասնագիտական վերապատրաստման դասընթացներ կազմակերպելու համար կիրականացվի մասնակիցների հավաքագրում եւ ընտրություն: Այս մասին հավելյալ տեղեկատվություն կտարածվի գործընկեր ՀԿ-ների եւ այլ հնարավոր գործընկերների ու ուղիների միջոցով:

Դասընթացները  կբաժանվեն երկու մասի.

– 2 զուգահեռ 3-օրյա կողմնորոշման դասընթացներ զբոսաշրջության եւ զբոսաշրջային ծառայությունների վերաբերյալ Դիլիջանում (Տավուշ) եւ Բոլնիսիում (Քվեմո Քարթլի)

– 7 օրյա համատեղ վերապատրաստման դասընթաց տուրիզմի էքսկուրսավարության ծառայությունների վերաբերյալ Դիլիջանում (Տավուշ), համատեղ որոշակի դասընթացներ էքսկուրսավարության, կայուն զբոսաշրջության, միջազգային լավագույն փորձառության, էկոտուրիզմի, զբոսաշրջության տնտեսական օգուտների վերաբերյալ:

Ծրագրի մասնակցության եւ կացության ամբողջ ծախսերը հոգում են կազմակերպիչները:

Վերապատրաստման դասընթացները կներգրավեն սահմանամերձ շրջաններից 30 երիտասարդների (15-Հայաստան, 15-Վրաստան): Որից հետո, մասնակիցները պետք է կազմեն զբոսաշրջային երթուղիները եւ վերջնական զբոսաշրջային փաթեթները:

Դիլիջանում տեղի ունեցած համատեղ վերապատրաստման դասընթացների շրջանակներում, նախատեսվում են նաեւ իրազեկման սեսիաներ բնապահպանական հարցերի վերաբերյալ:

Տավուշում կազմակերպվելիք էքսկուրսավարության ծառայությունների վերաբերյալ դասընթացների հիմնական կազմակերպիչն ու հյուրընկալող կողմը դիլիջանյան «ԴԵՀԿ» ՀԿ-ն է: Դասընթացին կմասնակցի նաեւ Եվրոմիությունից հրավիրված զբոսաշրջության եւ զբոսաշրջային ծառայությունների որակի ոլոտի փորձագետ:

Թիրախային խմբեր

 Ծրագրին կարող են դիմել ու մասնակցել Տավուշի մարզում բնակվող երիտասարդներ (Տավուշը ծրագրի թիրախային մարզն է):

 Թիրախային խմբերն են 18-30 տարեկան երիտասարդ մասնագետներն ու անհատները, ովքեր հետաքրքրված են էքսկուրսավարությամբ եւ ունեն հետաքրքրություն ներգրավվելու էքսկուրսավարություն  մասնագիտության մեջ:

 Ծրագրի մասնակցության համար պահանջները ներառում են՝ հայերենի լավ իմացություն, ցանկալի է ռուսերեն եւ անգլերեն լեզուների (լավ) տիրապետում  Ծրագրի դիմորդները հանձ են առնում մասնակցելու ծրագրի ողջ ընթացքին (սույն թվականի Մայիսի 9-12 կայանալիք 3-օրյա կողմնորոշման եւ Հունիսին 7-օրյա համատեղ վերապատրաստման դասընթացներ, համատեղ տուր-փաթեթների կազմում, ինչպես նաեւ դրանց համատեղ փորձարկում Տավուշում եւ Քվեմո-Քարթլիում):

 Մասնակիցները պետք է ունենան հետեւյալ անձնական ունակությունները.

o Լավ կազմակերպչական հմտություններ

o Արդյունավետ հաղորդակցման եւ համագործակցության հմտություններ

o Թիմի արդյունավետ անդամ՝ նպաստելով թիմի հանդիպումներին,

o Ժամանակը կառավարելու հմտություններ,

o Միջանձնային եւ հաղորդակցման հմտություններ,

o Բազմամշակութային (հայ-վրացական) միջավայրում աշխատելու պատրաստակամություն

 Ծրագրի արդյունքներ

Որպես ծրագրի ուղղակի արդյունք ակնկալվում է էքսկուրսավարության ոլորտում վերապատրաստել 15 երիտասարդների Տավուշի մարզից:

Որպես ծրագրի մնայուն արդյունք նախատեսվում է վերապատրաստել էքսկուրսավարության ոլորտում ծառայություններ տրամադրող երիտասարդ մասնագետներ Տավուշի մարզից, որոնք զինված կլինեն պատրաստի մարզային զբոսաշրջային փաթեթներով ու երթուղիներով:

Դիմումի ընթացակարգ եւ ներկայացման վերջնաժամկետ

Եթե Դուք համապատասխանում եք ծրագրի պահանջներին ու ցանկանում եք դիմել ծրագրին, խնդրում ենք ուղարկել Ձեր CV-ն եւ մոտիվացիոն նամակը info@yccd.am-ին, վերնագրի տողում նշելով «tour_guide in Tavush_application_firstname_familyname»:

Խնդրում ենք մոտիվացիոն նամակը պատրաստել հետեւյալ հարցերի շուրջ.

– Տավուշի զարգացման հիմնական հեռանկարները

– Տուրիզմը որպես Տավուշի մարզի տնտեսական զարգացման միջոց

– Տուրիզմը որպես Տավուշի մարզում աշխատատեղերի ստեղծման միջոց

– Իմ դերը որպես մարզի բնակիչ ու էքսկուրսավար մարզի զարգացման գործում

– Հայ-վրացական տուրիստական երթուղիների դերը մարզի զարգացման գործում

Դիմումների վերջնաժամկետը՝ 30.03.2016 (ստացման ամսաթիվը):

Խնդրում ենք նկատի ունենալ, որ միայն ամբողջական դիմումներն են հաշվի առնվելու:

Ընտրության ընթացակարգ

«ԴԵՀԿ» թիմը ըստ մի շարք չափանիշների կուսումնասիրի բոլոր հայտադիմումները:

Թեկնածուները կհրավիրվեն հարցազրույցի:

Մասնակիցների ընտրությունը կհայտարարվի 08.04.2016-ին:

Լրացուցիչ տեղեկությունների համար խնդրում ենք դիմել.

Դիլիջանի Երիտասարդների Համացործակցության Կենտրոն ՀԿ (ԴԵՀԿ)

Հասցե: Դիլիջան, Մյասնիկյան փող 55, քաղաքապետարանի առաջին հարկ

Էլ-հասցե: info@yccd.am

Ֆեյսբուք: https://www.facebook.com/eaptcarmgeotour/

Հեռ: 060 65 15 00

Հարգելի՛ համալսարանականներ, ՄԿՈԱ բաժնի մասնագետ, սոցիոլոգ, փ.գ.թ., դոցենտ Է.Ա.Կյուրեղյանի նախաձեռնությամբ մասնաճյուղում բացվել է Բանավեճի ակումբ, որի նպատակն է ազատ և անկաշկանդ մթնոլորտում քննարկել ուսանողներին հուզող տարբեր հիմնահարցեր:

2016թ. մարտի 25-ին՝ ժամը 13:45-ին, մասնաճյուղի գրադարանում տեղի կունենա ակումբի առաջին՝ «Հասարակական կարծիքը որպես բարոյական հսկիչ» թեմայով քննարկումը:

Սիրով հրավիրում ենք:

2016թ. մարտի 18-25-ը ԵՊՀ ԻՄ-ի ուսանողական խորհուրդը հայտարարում է ուսանողական խորհրդի նախագահի թեկնածուների առաջադրման մրցույթ:

Մրցույթին մասնակցել ցանկացողները մինչև մարտի 25-ը դիմեն ԵՊՀ ԻՄ-ի ուսանողական խորհրդի նախագահությանը: