Երևանի պետական համալսարանի Իջևանի մասնաճյուղ

Հայտարարություններ

Տեղական խորհրդատուների ընտրության մրցույթ

«Դպրոց-կենտրոնների միություն» իրավաբանական անձանց միությունը հայտարարում է տեղական խորհրդատուների ընտրության մրցույթ` «Կրթության որակ և համապատասխանություն» երկրորդ վարկային ծրագրի շրջանակներում   ՀՀ հանրակրթական դպրոցների մանկավարժների մասնագիտական զարգացմանն ուղղված մանկավարժամեթոդական նյութեր  մշակելու համար:

Տեղական խորհրդատուների աշխատանքի շրջանակն է՝

  • ուսումնասիրել և տեղայնացնել ոլորտում առկա համապատասխան միջազգային փորձը,
  • մշակել ՀՀ հանրակրթական դպրոցների մանկավարժների մասնագիտական զարգացմանն ուղղված մանկավարժամեթոդական նյութեր:

Թեկնածուներին ներկայացվող նվազագույն որակավորման պահանջներն են`

  • բարձրագույն կրթություն մանկավարժության, հասարակական գիտությունների և այլ համապատասխան  ոլորտներում,
  • դասավանդման ժամանակակից մեթոդների կիրառման վերաբերյալ գիտելիքներ, կարողություններ և հմտություններ,
  • ՀՀ հանրակրթական համակարգի և ոլորտում տեղի ունեցող  բարեփոխումների վերաբերյալ իրազեկվածություն,
  • մանկավարժամեթոդական նյութերի մշակման փորձառություն,
  • հայերենի գերազանց իմացություն,
  • անգլերենի իմացությունը ցանկալի է:

Հետաքրքրված անձինք պետք է ներկայացնեն դիմում, ինքնակենսագրություն  /CV` անգլերեն և հայերեն լեզուներով, 1 լուսանկար, բարձրագույն կրթության դիպլոմի պատճենը, 2 երաշխավորագիր-նամակ [Recommendation letter]:

Պահանջվող փաստաթղթերը անհրաժեշտ է ներկայացնել «Դպրոց-կենտրոնների միություն» իրավաբանական անձանց միության գրասենյակ մինչև 2013 թ. դեկտեմբերի 9-ը, ժամը 1700, հետևյալ հասցեով՝ ք.Երևան, Տիգրան Մեծի նրբ. 3, տարածք 17: Հեռախոս (374/10-55-30-04, 091-38-05-39):

Աղբյուրը`  edu.am

ԱԶԳԱՅԻՆ ՈւՍԱՆՈՂԱԿԱՆ ՄՐՑԱՆԱԿԱԲԱՇԽՈւԹՅՈւՆ 2013

Հայաստանի ուսանողական ազգային ասոցիացիան այս տարի առաջին անգամ «ԱԶԳԱՅԻՆ ՈւՍԱՆՈՂԱԿԱՆ ՄՐՑԱՆԱԿԱԲԱՇԽՈւԹՅՈւՆ 2013»-ի շրջանակներում հայտարարում է Տարվա լավագույն ուսանող անվանակարգում բաց մրցույթ:

Մրցույթը բաց է ՀՀ-ում սովորող բոլոր ուսանողների համար (կրթական աստիճանը` բակալավր, մագիստրոս, ասպիրանտ և այլն): Մրցույթն անց է կացվում ինքնաառաջադրման սկզբունքով:

Փաստաթղթերն ընդունվում են մինչև ս.թ. դեկտեմբերի 12-ը` ժամը 18.00-ն ներառյալ:

Փաստաթղթերի ներկայացման համար կարող եք զանգահարել հետևյալ հեռախոսահամարով՝             (094) 515005       ժամը 14.00-18.00:

Մրցույթին մասնակցության փաստաթղթերի ցանկը ներկայացվում է ստորև`
1. Անձնագրի պատճեն,
2. 1 Լուսանկար (3.5*4.5սմ),
3. Ինքնակենսագրություն (CV ձևաչափով),
4. Էսսե/շարադրություն (ինչու եմ հենց ես արժանի լինելու տարվա լավագույն ուսանող, առավելագույնը 2 էջ),
5. Բուհից տեղեկանք առաջադիմության մասին (ՄՈԳ),
6. Երաշխավորագիր` տրված ֆակուլտետի դեկանի կողմից,
7. Երաշխավորագիր`տրված բուհի ուսանողական խորհրդի կողմից,
8. Երաշխավորագիր` տրված հասարակական կազմակերպության կողմից,
9. Մասնագիտական նվաճումները հավաստող փաստաթղթերի պատճեններ (մրցանակներ, գավաթներ, մեդալներ, դափնիներ և այլն),
10. Հեղինակային (նորարական, գյուտեր, հայտնագործություններ) աշխատանքների առկայությունը հավաստող փաստաթղթերի պատճեններ,
11. Վեհաժողովների, համաժողովների, գիտաժողովների, աշխատաժողովների մասնակցությունը հավաստող փաստաթղթերի պատճեններ (օր.` մասնակցության սերտիֆիկատ/հավաստագիր, վկայական, պատվոգիր),
12. Դասընթացների, սեմինարների, թրեյնինգների մասնակցությունը հավաստող փաստաթղթերի պատճեններ (օր.` մասնակցության սերտիֆիկատ/հավաստագիր, վկայական, պատվոգիր),
13. Սեփական նախաձեռնությամբ կազմակերպված միջոցառումների իրականացումը հավաստող փաստաթղթերի պատճեններ,
14. Ազգային մակարդակում գիտական և մասնագիտական հոդվածների, հետազոտությունների հրապարակումը հավաստող փաստաթղթերի պատճեններ,
15. Միջազգային մակարդակում գիտական և մասնագիտական հոդվածների, հետազոտութոյունների հրապարակումը հավաստող փաստաթղթերի պատճեններ,
16. Կառավարման խրհրդում, գիտական խորհրդում և ակադեմիական այլ խորհուրդներում անդամությունը հավաստող փաստաթղթերի պատճեններ (հնարավոր է նաև նախկինում անդամության վերաբերյալ փաստաթղթերի ներկայացում):

Մանրամասների համար այցելեք http://blognews.am

Աղբյուրը` youthcanal.do.am

ԿՐԹԱԹՈՇԱԿԱՅԻՆ ԾՐԱԳԻՐ «ԽԱՂԱՂՈՒԹՅԱՆ ԱՄՐՈՑ» (RONDINE CITTADELLA DELLA PACE)

«Rondine Cittadella della Pace» (Խաղաղության ամրոց) իտալական ասոցիացիայի կողմից 1997 թվականից իրականացվող կրթաթոշակային ծրագրի շրջանակներում միմյանց միջև հակամարտող երկրների ուսանողներին տրամադրվում են կրթաթոշակներ` լեզվի և ներքոնշյալ մասնագիտություններով բարձրագույն կրթական դասընթացներին մասնակցելու նպատակով.
•հասարակագիտություն,
•տնտեսագիտություն,
•հոգեբանություն,
•միջազգային հարաբերություններ,
•գրականություն,
•պատմություն,
•ճարտարապետություն
•հազորդակցություն:
Դասընթացներին կարող են մասնակցել 19-26 տարեկան ՀՀ քաղաքացիները:
Մասնակցության համար անհրաժեշտ է մինչև 2014 թվականի հունվարի 31-ը կից ներկայացվող հարցաթերթիկի լրացված տարբերակը և այլ անհրաժեշտ փաստաթղթերը ուղարկել international.rondine@gmail.org էլեկտրոնային փոստին կամ սուրհանդակային ծառայության միջոցով՝ Associazione Rondine Cittadella della Pace C. P. 46-52100 Arezzo (Italia) հասցեով:
Մանրամասն տեղեկատվություն կարելի է ստանալ այցելելով www.rondine.org կայքէջը կամ կից  նյութերից:
Աղբյուրը` edu.am

ԿՐԹԱԹՈՇԱԿԱՅԻՆ ԾՐԱԳԻՐ (ՄԱԿ)

ՄԱԿ-ի Զարգացման ծրագիրը հրավիրում է մասնակցելու ՄԱԿ/Ճապոնիա երկարաժամկետ կրթաթոշակների ծրագրին:

Ծրագիրը հիմնադրվել է ՄԱԿ-ի Բաց տիեզերքի հարցերով գրասենյակի և Ճապոնիայի կառավարության կողմից`  Կյուշուի  տեխնոլոգիական ինստիտուտի հետ համագործակցությամբ:

2013-2014 ուսումնական տարում մագիստրոսական կրթություն ստանալու համար ծրագրին կարող են դիմել առավելագույնը երկու ուսանող, իսկ դոկտորական ծրագրի համար` չորս ուսանող:

Ընտրությունն անցած թեկնածուների բնակվելու և ուղևորվելու (դեպի Ճապոնիա և հետադարձ) համար անհրաժեշտ գումարը կտրամադրի Ճապոնիայի կառավարության կրթաթոշակների ծրագիրը /MEXT/, իսկ ընդունելությանը մասնակցելու և քննությունների համար անհրաժեշտ գումարը կվճարի KIT-ը:

Վերջնական դիմումները և մյուս բոլոր անհրաժեշտ փաստաթղթերը ընդունվում են ՄԱԿ-ի Բաց տիեզերքի հարցերով գրասենյակի կողմից մինչև 2014թ.-ի հունվարի  27-ը: 

Ծրագրի, ինչպես նաև դիմումների և անհրաժեշտ փաստաթղթերի վերաբերյալ մանրամասն տեղեկատվություն կարելի է ստանալ այցելելով http://www.unoosa.org/oosa/en/SAP/bsti/fellowship.html կայքէջը:

Աղբյուրը` edu.am

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՄՐՑԱՆԱԿ 2013

Հայաստանի Հանրապետության նախագահի մրցանակը ֆինանսավորում է «Պողոսյան» հիմնադրամը (Բելգիա-Շվեյցարիա): Որպես մրցանակ շնորհվում են` մրցանակի դափնեկրի վկայագիր, կրծքանշան և դրամական պարգև` 10.000 (տասը հազար) ԱՄՆ դոլարին համարժեք դրամի չափով:
Մրցանակը շնորհվում է յուրաքանչյուր տարի` լավագույն ստեղծագործություններ, հայտնագործություններ (գյուտեր) և աշխատանքներ կատարած Հայաստանի Հանրապետության քաղաքացի հանդիսացող հեղինակներին հետևյալ յոթ բնագավառներում`
• բնական գիտություններ,

• տեխնիկական գիտություններ և ինֆորմացիոն տեխնոլոգիաներ,

• ֆիզիկա,

• բժշկագիտություն,

• արվեստ (այդ թվում ճարտարապետություն, կերպարվեստ, թատրոն, կինոարվեստ, ֆոտոարվեստ և արվեստի այլ ձևեր),

• գրականություն (գեղարվեստական, գեղարվեստա-թարգմանական),

• հումանիտար գիտություններ:

Մրցանակաբաշխությանը կարող են ներկայացվել միայն այն գործերը, որոնք առաջին անգամ հրատարակվել, հրապարակվել, կատարվել, ցուցադրվել, բեմադրվել, կառուցվել-ավարտվել են 2011-2013թթ. ընթացքում:

ԾԱՆՈՒՑՈՒՄ
• Մրցույթին չեն կարող ներկայացվել բառարաններ, փաստաթղթերի ժողովածուներ, հուշագրություններ, դասագրքեր, ատենախոսություններ, ինչպես նաև այնպիսի աշխատանքներ, մենագրություններ, որոնց հիմքում ընկած են ատենախոսության նյութեր:

• Եթե աշխատանքը կամ նրա մի մասն ընդգրկված է եղել նախորդ տարիներին ներկայացված աշխատանքում, ապա այն չի կարող մասնակցել մրցույթին:

• Մրցույթին ներկայացվող մեկ հայտում մրցանակի հավակնորդների թիվը չպետք է գերազանցի հինգը:

• Մրցույթին մասնակցելու հայտ չի կարող ներկայացվել մահացած անձի համար:

• Մրցանակ ստացած անձը տվյալ բնագավառի մրցույթին մասնակցելու իրավունք չունի:

Հայտատուն կարող է իր գործը ներկայացնել տվյալ բնագավառում գործող հաստատության կամ այլ անձի միջոցով, ինչպես նաև անձամբ:

Հայտերն ընդունվում են 2013 թվականի դեկտեմբերի 2-ից մինչև 2014 թվականի հունվարի 31-ը ներառյալ:

Ներկայացման համար անհրաժեշտ փաստաթղթերը կարելի է ստանալ «Հայաստան» համահայկական հիմնադրամի գործադիր վարչության գրասենյակից կամ Հիմնադրամի կայքից www.himnadram.org:

Գործերը ներկայացնելու և մանրամասն տեղեկությունների համար դիմել «Հայաստան» համահայկական հիմնադրամի գործադիր վարչություն` Աիդա Խաչիկյանին:

Հեռ. 52-09-40 (106); 56-01-06 (106); է-փոստ` aida@himnadram.org
0010, Երևան, Հայաստանի Հանրապետություն, Կառավարական 3-րդ մասնաշենք, 2-րդ հարկ:
Աղբյուրը` himnadram.org
Սկիզբ...260261262263264265266267268269...Վերջ

Հայտարարություն

Նորություններ