Հայաստանի և Վրաստանի բուհերի ասպիրանտուրայում, մագիստրատուրայում և բակալավրի ավարտական կուրսերում սովորող ուսանողները հրավիրվում են մասնակցելու «հայ-վրացական համագործակցության արդյունավետ ռազմավարություններ` գիտական և ուսանողական շրջանակների ներգրավմամբ – 2» ծրագրին:

Ծրագրի տեղեկատվական աջակիցն է Հայկական գիտական համագործակցություն (ArmScoop) գիտակրթական ցանցը։

Ծրագրի մասնակիցները գիտական ուղղորդողների աջակցությամբ իրականացնելու են համատեղ հետազոտություններ: Ծրագրի առաջին փուլի ավարտին նրանք իրենց հետազոտությունների արդյունքները կներկայացնեն բաց քննարկման մասնագիտական ավելի լայն շրջանակի ներգրավմամբ: Նախատեսվում է, որ իրականացրած հետազոտությունների հիման վրա ծրագրի հաջորդ փուլում գիտական ուղղորդողների և ծրագրի թիմի այլլ անդամների աջակցությամբ ուսանողները պատրաստելու և իրականացնելու են կլոր-սեղան քննարկումներում և մասնակցելու են իրենց հետազոտական արդյունքների հանրայևացմանն ու զանգվածային լրատվամիջոցներով տարածման աշխատանքներին: Յուրաքանչյուր երկրից մեկական մասնակցի` հարևան երկրում գիտահետազոտական կազմակերպություններում մեկամսյա պրակտիկայի հնարավորություն կտրվի:

Հետազոտական խմբերը կազմվելու են Հայաստանի և Վրաստանի ընթացիկ խնդիրներին առնչվող թեմաներով` դիտարկելով դրանք տարածաշրջանային/գլոբալ քաղաքականության և սոցիալ-մշակութային տեսանկյունից: Աշխատանքային լեզուներն են ռուսերենը և/կամ անգլերենը:

Դիմելու կարգը՝ համառոտ

Ծրագրին մասնակցելու համար անհրաժեշտ է մինչև ս.թ. մայիսի 24-ը (23:59)ինքնակենսագրական (CV) և լրացրած հայտը հետևյալ հասցեներով՝ cccs@ysu.am,ketevan.khutsishvili@tsu.ge:

Ծրագրի մանրամասներին կարող եք ծանոթանալ հետևյալ հղումով՝ cccsysu.com։

Աղբյուրը՝  armscoop.com

Հարգելի՛ ուսանողներ, 2016թ. հոկտեմբերի 14-ին Վանաձորի պետական համալսարանի ուսանողական գիտական ընկերությունը կազմակերպում է գիտական նստաշրջան:

Գիտաժողովի աշխատանքային լեզուներն են՝ հայերեն, ռուսերեն, անգլերեն:

Զեկուցումների թեմատիկան ազատ է:

Գիտական նստաշրջանին ներկայացված լավագույն զեկուցումները տպագրվելու են ՎՊՀ ՈՒԳԸ-ի «Գիտական հոդվածների ժողովածու»-ի հերթական համարում:

Գիտաժողովի աշխատանքները կանցնեն հետևյալ ուղղություններով.

1. Պատմություն, իրավագիտություն, քաղաքագիտություն

2. Հայոց լեզու և գրականություն

3. Օտար լեզուներ և գրականություն

4. Տնտեսագիտություն

5. Մանկավարժություն, հոգեբանություն և սոցիոլոգիա

6. Փիլիսոփայություն

7. Արվեստագիտություն

8. Բնագիտություն և աշխարհագրություն

9. Կենսաբանություն և քիմիա

10. Ֆիզիկա և մաթեմատիկա:

Մասնակցությունը գիտաժողովին.
Գիտաժողովը նախատեսում է առկա/հեռակա մասնակցության ձևեր:

Գիտաժողովի աշխատանքներին մասնակցելու համար անհրաժեշտ է մինչև 2016թ. հոկտեմբերի 14-ը լրացնել և ՈՒԳԸ-ի էլ.փոստի հասցեին (sss.ysu.am@mail.ru) ուղարկել մասնակցության հայտաձևը և գիտական ղեկավարի կարծիք-երաշխավորագրի սքանավորված տարբերակը: