2015թ. մայիսի 8-ին ԵՊՀ Իջևանի մասնաճյուղի բնական գիտությունների ֆակուլտետում տեղի ունեցավ Շուշիի ազատագրմանը և Հայրենական մեծ պատերազմի հաղթանակի 70-րդ տարեդարձին նվիրված միջոցառում, որը կազմակերպվել էր ֆակուլտետի ուսանողների կողմից:
Ներկա էին Բնական գիտությունների ֆակուլտետի վարչական և պրոֆեսորադասախոսական անձնակազմի ներկայացուցիչներ, ուսանողներ, աշակերտներ, հյուրեր:
Միջոցառումն ուներ հետաքրքիր մեկնարկ: «Դասա՛կ, շարվե՛լ» հրամանով մասնակիցները կազմեցին շարք, ապա դասակի հրամանատարը զեկուցեց դեկանին, որ իրենք պաստրաստ են միջոցառմանը: Ֆակուլտետի դեկանը, տալով «Ազա՛տ» հրամանը, միջոցառումը հայտարարեց բացված:
Շուշիի ազատագրմանը և Հայրենական մեծ պատերազմի հաղթանակի 70-ամյակին նվիրված միջոցառման ընթացքում ուսանողները ներկայացրին պատմական համառոտ ակնարկ, հայրենասիրական բանաստեղծություններ, ազգային երգ ու պար, հանդես եկան հետաքրքիր բեմականացումով:
Մասնակիցները նաև ամռանը զորակոչվող իրենց ընկերներին բարի ծառայություն մաղթեցին և փոքրիկ անակնկալ մատուցեցին:
Միջոցառման սկզբում և վերջում ՀՀ դրոշի ներքո հնչեց Հայաստանի Հանրապետության պետական օրհներգը: