2019թ. մայիսի 2-ին ԵՊՀ Իջևանի մասնաճյուղում կայացավ Ուսանողական խորհրդի նախագահի ընտրություն:
Նախքան ընտրությունը մասնակիցներին և թեկնածուներին ողջունեց ԵՊՀ ԻՄ-ի տնօրենի պաշտոնակատար Ա. Վ. Ցուցուլյանը՝ նրանց մաղթելով հաջող ընտրություն:
Ձայնի իրավունքով ընտրությանը մասնակցում էին Ուսանողական խորհրդի նախագահության 17 անդամները:
11 հոգուց բաղկացած ընտրական հանձնաժողովի կազմում ընդգրկված էին տնօրենության անդամներ՝ գիտական քարտուղար Մ.Աթոյանը, տնօրենի օգնական Ա.Եգանյանը, ԵՊՀ ԻՄ-ի արհբյուրոյի նախագահ Ա.Մարգարյանը, Ուսանողական խորհրդի 6 անդամներ (առկա և հեռակա ուսուցման համակարգերից) և Ուսանողական գիտական ընկերության 2 ներկայացուցիչներ: Հանձնաժողովի նախագահն էր Մ.Աթոյանը, քարտուղարն էր Լ.Ներսիսյանը:
Առաջադրվել էին 2 թեկնածու՝ «Հայոց լեզու և գրականություն» մասնագիտության երրորդ կուրսի ուսանողուհի Նինա Հարությունյանը և «Տնտեսագիտություն» մասնագիտության երրորդ կուրսի ուսանող Արեն Ավետիսյանը:
Ձայների պարզ մեծամասնությամբ Արեն Ավետիսյանն ընտրվեց ԵՊՀ Իջևանի մասնաճյուղի ուսանողական խորհրդի նախագահ:
Սիրով շնորհավորում ենք ՈՒԽ-ի նորընտիր նախագահին, մաղթում նրան թարմ ու հետաքրքիր մտահղացումներով լի, բեղմնավոր ու արդյունավետ գործունեություն:
Բոլոր լուսանկարները տե՛ս Պատկերասրահում:
